រាជធានីភ្នំពេញ ៖ ស្ត្រីម្នាក់ដែលរងគ្រោះ ព្រោះតែការផ្ទុះកំប៉ុងហ្គាស បណ្តាលឱ្យឆេះខ្លួនប្រាណដូចគេដុតនោះ បានស្លា.ប់ហើយ កាលពីវេលាម៉ោង៩ព្រឹកថ្ងៃទី០៥ មីនា ២០១៤ នៅមន្ទីរពេទ្យកាល់ម៉ែត ដោយសាររបួសធ្ងន់ធ្ងរពេក ហើយសពត្រូវបានក្រុមគ្រួសារយកទៅចាត់ចែងធ្វើបុណ្យតាមប្រពៃណី ។
រាជធានីភ្នំពេញ ៖ ស្ត្រីម្នាក់ដែលរងគ្រោះ ព្រោះតែការផ្ទុះកំប៉ុងហ្គាស បណ្តាលឱ្យឆេះខ្លួនប្រាណដូចគេដុតនោះ បានស្លាប់ហើយ កាលពីវេលាម៉ោង៩ព្រឹកថ្ងៃទី០៥ មីនា ២០១៤ នៅមន្ទីរពេទ្យកាល់ម៉ែត ដោយសាររបួសធ្ងន់ធ្ងរពេក ហើយសពត្រូវបានក្រុមគ្រួសារយកទៅចាត់ចែងធ្វើបុណ្យតាមប្រពៃណី ។
គួររំលឹកថា ស្រ្តីម្នាក់បានរងរបួសយ៉ាងធ្ងន់ និងត្រូវបានគេបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះបន្ទាន់ ចំណែកឯតូបលក់គ្រឿងទេសរបស់គាត់ត្រូវបានភ្លើងឆាបឆេះ បំផ្លាញទាំងស្រុង ខណៈពេលដែលគាត់ រំលីងសាច់ជ្រូកធ្វើម្ហូបសម្រាប់ហូបបាយថ្ងៃត្រង់ហើយកំប៉ុងហ្គាស បានផ្ទុះឡើង បង្កឲ្យមានអណ្ដាតភ្លើងឆាបឆេះ ឡើងយ៉ាងសន្ធោសន្ធៅ ទាំងតូបលក់ដូរអីវ៉ាន់ រួមទាំងរូបគាត់ផងដែរ។
ហេតុការណ៍នោះបានកើតឡើងកាលពីវេលាម៉ោង ១២និង៣០នាទីថ្ងៃត្រង់ ថ្ងៃទី៤ មីនា នៅចំណុចផ្ទះលេខ៨១ ក្រុមទី៣ ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះឈ្មោះ ឆេង ថាន ភេទស្រី អាយុ៥២ឆ្នាំ មានទីលំនៅក្នុងផ្ទះកើតហេតុខាងលើ បានឆេះរងរបួសរលាករលួយពេញខ្លួនប្រាណ ហើយតូបលក់ដូររបស់គាត់១ខ្នងទំហំ៤ម៉ែត្រគុណនឹង៦ម៉ែត្រសាងសង់ពីថ្ម ប្រក់ស័ង្កសី រួមទាំងអីវ៉ាន់គ្រឿងទេស នៅក្នុងនោះទាំងអស់ ត្រូវបានបានភ្លើងឆេះអស់ទាំងស្រុង ៕
ចែករំលែកព័តមាននេះ