រាជធានីភ្នំពេញ ៖ ហាងកែសម្ផស្ស និងសាលាបណ្តុះបណ្តាលវិជ្ជាជីវៈកែសម្ផស្សអេភីធី (APT) មានទីតាំងស្ថិតនៅផ្ទះលេខ A07 A09 មហាវិថីសហព័ន្ធរុស្សុី សង្កាត់ទឹកថ្លា ខណ្ឌសែនសុខ កាលពីរសៀលថ្ងៃទី២៨ កុម្ភៈ កន្លងទៅនេះ មានធ្វើពិធីសម្ពោធហាងជាផ្លូវការរបស់ខ្លួន ។ ក្នុងពិធីនេះ មានការចូលរួមជាកិត្តិយសពីលោកស្រី អាន (Ann) ដែលជាស្ថាបនិករបស់អេភីធី (APT) លោក វង់
រាជធានីភ្នំពេញ ៖ ហាងកែសម្ផស្ស និងសាលាបណ្តុះបណ្តាលវិជ្ជាជីវៈកែសម្ផស្សអេភីធី (APT) មានទីតាំងស្ថិតនៅផ្ទះលេខ A07 A09 មហាវិថីសហព័ន្ធរុស្សុី សង្កាត់ទឹកថ្លា ខណ្ឌសែនសុខ កាលពីរសៀលថ្ងៃទី២៨ កុម្ភៈ កន្លងទៅនេះ មានធ្វើពិធីសម្ពោធហាងជាផ្លូវការរបស់ខ្លួន ។ ក្នុងពិធីនេះ មានការចូលរួមជាកិត្តិយសពីលោកស្រី អាន (Ann) ដែលជាស្ថាបនិករបស់អេភីធី (APT) លោក វង់ ជុងហាន (Wong Choong Hann) បាយកគ្រប់គ្រងហាងកែសម្ផស្ស និងសាលាបណ្តុះបណ្តាលវិជ្ជាជីវៈ អេភីធី រួមទាំងភ្ញៀវកិត្តិយសជាច្រើនផងដែរ ។
លោកស្រី អាន (Ann) ស្ថាបនិករបស់អេភីធី (APT) មានប្រសាសន៍ក្នុងពិធីសម្ពោធហាងថា សម្ផស្សគឺជាការប្តេជ្ញាចិត្តដែលមានជីវិតវែងឆ្ងាយរបស់អេភីធី ។ យើងខ្ញុំមិនត្រឹមតែធ្វើឱ្យលោកអ្នកមានសម្រស់ស្រស់ស្អាតប៉ុណ្ណោះទេ អេភីធី ថែមទាំងជួយអតិថិជនទាំងអស់ឱ្យមានការជឿជាក់ជាថ្មី ក្នុងការសាងជីវិតថ្មីរបស់លោកអ្នក ។ អេភីធី គឺជាអ្នកឯកទេសមួយផ្នែកបណ្តុះបណ្តាលកែសម្ផស្ស មានបទពិសោធន៍យូរឆ្នាំនៅប្រទេសម៉ាឡេសុី និងទទួលបានរង្វាន់ជាច្រើនក្នុងការប្រកួតប្រជែងស្នាដៃនៅក្នុងឯកទេសកែសម្ផស្សនេះ ។
លោកស្រីបន្តទៀតថា លោកស្រីមានសេចក្តីសប្បាយរីករាយយ៉ាងខ្លាំង ដែលនៅឆ្នាំ២០១៤នេះ អេភីធី បានមកដល់ប្រទេសកម្ពុជា ហើយលោកស្រីជឿជាក់ថា អេភីធី នឹងផ្តល់ជំនាញជូនអតិថិជនគួរជាទីទុកចិត្ត និងអាចយកជំនាញនេះទៅប្រកបរបរបង្កើនប្រាក់ចំណូលផ្ទាល់ខ្លួនបានយ៉ាងជោគជ័យ ។
លោក វង់ ជុងហាន (Wong Choong Hann) នាយកគ្រប់គ្រងហាងកែសម្ផស្ស និងសាលាបណ្តុះបណ្តាលវិជ្ជាជីវៈ អេភីធី (APT) មានប្រសាសន៍ថា អេភីធី នៅក្នុងប្រទេសកម្ពុជា មិនត្រឹមតែជាអាជីវកម្មមួយដែលធ្វើឡើងជាមួយទឹកចិត្តស្រឡាញ់ពេញចិត្ត និងមានការទទួលខុសត្រូវប៉ុណ្ណោះទេ យើងក៏បានផ្សារភ្ជាប់ជាមួយការងារសង្គមផងដែរគឺ អេភីធី បានជួយកុមារកំព្រារស់នៅក្នុងប្រទេសកម្ពុជា ផ្តល់នូវសេវាកាត់សក់មិនគិតថ្លៃ ឧបត្ថម្ភទឹកស្អាត អាហារ ទឹកក្រូច ទៅតាមតម្រូវការជាក់ស្តែង ។ លោកបន្ថែមថា អេភីធី នឹងផ្តល់ឱកាសដល់អ្នកគ្រប់គ្នា (អតិថិជន) ដែលចង់ផ្លាស់ប្តូរ និងធ្វើឱ្យខ្លួនឯងមានជីវិតប្រសើរជាងមុនជាមួយនឹងអេភីធី ។
គួរបញ្ជាក់ថា អេភីធី (APT) បង្កើតឡើងតាំងពីឆ្នាំ១៩៩០ នៅក្នុងប្រទេសម៉ាឡេសុី និងមានសាខានៅប្រទេសឥណ្ឌូណេសុី និងកម្ពុជា ។ អេភីធី (APT) ផ្តល់នូវជំនាញកែសម្ផស្ស ផាត់មុខ ម៉ាស្សាមុខ ជំនាញផ្នែកក្រចក តុបតែងសក់ កាត់សក់ស្ត្រី បុរស អ៊ុតសក់រួញ សក់ត្រង់តាមតម្រូវការគ្រប់ប្រភេទ ។ នៅក្នុងពិធីសម្ពោធហាងនេះ មានកម្មវិធីបង្ហាញរបៀបតុបតែងមុខនូវគំនិតថ្មីរបស់បុគ្គលិកនៅក្នុងហាងជូនភ្ញៀវទស្សនា បង្ហាញម៉ូត និងថតរូបទុកជាអនុស្សាវរីយ៍ ៕
ចែករំលែកព័តមាននេះ