រាជធានីភ្នំពេញ ៖ យុវជនម្នាក់បាត់លុយចំនួន២៥៨០ដុល្លារ ខណៈដែលចូលទៅកោសជប់ខ្យល់នៅក្បែរភោជនីយដ្ឋានបុប្ផារាជនី បង្កឱ្យមានការភ្ញាក់ផ្អើលកាលពីវេលាម៉ោង១១ព្រឹកថ្ងៃទី៦ មីនា ២០១៤ នេះ ស្ថិតនៅចំណុចផ្លូវបេតុង ក្នុងភូមិទួលគោក សង្កាត់ទួល
សង្កែ ។
រាជធានីភ្នំពេញ ៖ យុវជនម្នាក់បាត់លុយចំនួន២៥៨០ដុល្លារ ខណៈដែលចូលទៅកោសជប់ខ្យល់នៅក្បែរភោជនីយដ្ឋានបុប្ផារាជនី បង្កឱ្យមានការភ្ញាក់ផ្អើលកាលពីវេលាម៉ោង១១ព្រឹកថ្ងៃទី៦ មីនា ២០១៤ នេះ ស្ថិតនៅចំណុចផ្លូវបេតុង ក្នុងភូមិទួលគោក សង្កាត់ទួល
សង្កែ ។
ប្រភពបានឱ្យដឹងថា ជនរងគ្រោះត្រូវបានស្គាល់ឈ្មោះពក សុផាន អាយុ២៩ឆ្នាំ ជាអ្នកបើកបរដឹកទំនិញ មានទីលំនៅផ្ទះជួល ។ ប្រភពពីជនរងគ្រោះបានឱ្យដឹងថា មុនពេលកើតហេតុ រូបគេមិនសូវស្រួលខ្លួន ក៏បានជិះម៉ូតូមកកោសជប់នៅកន្លែងខាងលើ ដោយនៅក្នុងខ្លួនគេមានលុយចំនួន៣៦៤០ដុល្លារមកជាមួយផងដែរ ។ លុះពេលចូលទៅដល់ក្នុងបន្ទប់ មាននារីម្នាក់បង្គាប់ឱ្យស្រាតខោយកទៅព្យូរនៅនឹងជញ្ជាំង ហើយរូបគេក៏ធ្វើតាម ដោយមានស្ត្រីម្នាក់បានយកខោទៅព្យួរឱ្យ ។
ក្រោយពេលកោសជប់រួច រូបគេបានយកខោអាវពាក់វិញទើបដឹងថា បាត់លុយអស់ចំនួន២៥៨០ដុល្លារបង្កការភ្ញាក់ផ្អើលតែម្តង ហើយនារីកោសជប់ម្នាក់ ក្នុងចំណោម៤នាក់ ក៏បានបាត់ខ្លួនផងដែរ ។ បច្ចុប្បន្នសមត្ថកិច្ចកំពុងធ្វើការឡោមព័ទ្ធផ្ទះ និងធ្វើការឆែកឆេរ ដោយមានប្រជាពលរដ្ឋចោមរោមជាច្រើននាក់ ហើយមានអ្នកខ្លះនិយាយថា ផ្ទះមួយហ្នឹងគឺឧស្សាហ៍មានភ្ញៀវបាត់លុយណាស់ ហើយខ្លះទៀតនិយាយថា ផ្ទះកោសជប់នោះ គឺជាផ្ទះចោរ ។
ចែករំលែកព័តមាននេះ