រាជធានីភ្នំពេញ ៖ កាលពីថ្ងៃទី២ មីនា ២០១៤ នៅក្នុងបរិវេណវត្ដជ្រោយអំពិល ជាយរាជធានីភ្នំពេញ ស្ថិតតាមបណ្ដោយផ្លូវជាតិលេខ១ ផលិតកម្មសាន់ដេរៀបចំថតខារ៉ាអូខេសម្រាប់ផលិតអបអរសាទរបុណ្យចូលឆ្នាំថ្មីប្រពៃណីជាតិ។ នាឱកាសនោះ គេឃើញតារាចម្រៀងប្រចាំផលិតកម្មសាន់ដេទាំងអស់ចូលរួម ព្រមទាំងមានតារាសម្ដែងប្រុសស្រីរាប់រយនាក់ទៀត។
រាជធានីភ្នំពេញ ៖ កាលពីថ្ងៃទី២ មីនា ២០១៤ នៅក្នុងបរិវេណវត្ដជ្រោយអំពិល ជាយរាជធានីភ្នំពេញ ស្ថិតតាមបណ្ដោយផ្លូវជាតិលេខ១ ផលិតកម្មសាន់ដេរៀបចំថតខារ៉ាអូខេសម្រាប់ផលិតអបអរសាទរបុណ្យចូលឆ្នាំថ្មីប្រពៃណីជាតិ។ នាឱកាសនោះ គេឃើញតារាចម្រៀងប្រចាំផលិតកម្មសាន់ដេទាំងអស់ចូលរួម ព្រមទាំងមានតារាសម្ដែងប្រុសស្រីរាប់រយនាក់ទៀត។
តាមការកត់សម្គាល់នាឱកាសនោះមិនសូវឃើញមានវត្ដមានតារាល្បីឈ្មោះចូលរួមទេ ។ តារាល្បីឈ្មោះមិនឃើញមុខក្នុងឱកាសនោះមានការទម្លាយឱ្យដឹងថា តារាល្បីខ្លះធ្វើឫកកប់មេឃអត់ចង់សម្ដែងទេ ខ្លាចក្ដៅ និងរាំបែកញើស តែបានលុយចាយមិនឆ្ងាញ់ ។ ពួកគេឱ្យតែឮថតនៅក្រៅស្ទូឌីយោបែបអឹមធីវី គឺសាញគ្រប់គ្នា ខ្លះថារវល់ ខ្លះថាឈឺ ភ្លេចគិតកាលពីខ្លួនចូលមានមុខដំបូងបន់ឱ្យតែគេហៅថត ។
មានការលើកឡើងផ្សេងទៀតថា តារាសម្ដែងល្បីខ្លះទៅសម្ដែងនៅក្រៅប្រទេស និងខ្លះទៀតជាប់ថតរឿងតាមខេត្ដ ទើបបាត់មុខតារាល្បីច្រើន ។ បើទោះជាមិនសូវឃើញតារា ល្បីៗមែន តែកម្មវិធីនោះ អ្នករៀបចំកម្មវិធីចាត់ចែងឱ្យតារាសម្ដែង តារាចម្រៀង ច្រៀងរាំក្នុងភាពសប្បាយរីករាយសម្រាប់ផលិតខារ៉ាអូខេបទប្រជាប្រិយខ្មែរ។
តារាដែលចូលរួមមានដូចជា ខេមរៈ សិរី មន្ត, ខេមរៈ ស្រីពៅ ,ឆាយ វីរៈយុទ្ធ ,សុខ ពិសី ,កញ្ញាអ៊ែន ជី ,កញ្ញាសួន លីនដា ,យូរី ,មាស សាលី ,លោកសាយ សៀរ៉ា ,លោកដុកទ័ររិទ្ធិ ,លោកអង់ ឆាយទី ,លោកម៉ារីអូ ,លោកអីុណូ ,កញ្ញាកុល ដាវី ,លោកសុខ រក្សា ,កញ្ញាលីលី ,កញ្ញាសុវណ្ណ លីនដា ,លោកបឺរី ,លោកចន ច័ន្ទតារា ,អ្នកកំប្លែងនាងពុំ ពុយ ,នាយវីតាមីនសេ ,នាយឆ្អឹង និងនាយតឹងជាដើម ។
លោកឡាយ សុខចំរើន អ្នកចាត់ចែងកម្មវិធី និងជាម្ចាស់ផលិតកម្មសាន់ដេឱ្យដឹងថា សម្រាប់ឆ្នាំនេះផលិតកម្មសាន់ដេចេញបទចម្រៀងសម្រាប់ឱកាសបុណ្យចូលឆ្នាំខ្មែរចំនួន៥វ៉ុល បើគិតជាចំនួនបទវិញប្រមាណជាង៥០បទ មានកន្ទ្រឹម រាំវង់ សារ៉ាវ៉ាន់ រាំក្បាច់ ជាដើម ។ ការផលិតនេះសម្រាប់ទុកជូនមហាជនគ្រប់ទិសទីរាំលេងសប្បាយជាមួយសាន់ដេ ។ លោកចំរើន រំពឹងថា ឆ្នាំនេះបទចម្រៀងចូលឆ្នាំរបស់ផលិតកម្មសាន់ដេពិតជាទទួលបានការចាប់អារម្មណ៍ច្រើន ដោយសារតែរៀបចំបទចម្រៀង ពីរោះៗត្រូវចិត្ដអ្នកស្ដាប់ ត្រូវនឹងឱកាសបុណ្យចូលឆ្នាំថ្មី ៕
ចែករំលែកព័តមាននេះ