រាជធានីភ្នំពេញ ៖ បុរសម្នាក់រត់រ៉ឺម៉កម៉ូតូ បានព្យាយាមបើករ៉ឺម៉កម៉ូតូមកកាន់មន្ទីរពេទ្យកាល់ម៉ែត្រដោយខ្លួនឯង ខណៈមានរបួសឈាមហូររហាម ដោយត្រូវខ្មាន់កាំភ្លើងមិនស្គាល់មុខបា.ញ់ចំនួនបីគ្រាប់ បណ្តាលឱ្យរងរបួសនៅចំណុចកែងផ្លូវលេខ៤៦ និង៦១ ក្នុងសង្កាត់ស្រះចក ខណ្ឌដូនពេញ កាលពីវេលាម៉ោងសូន្យ និង១០នាទី ឈានចូលថ្ងៃទី៥ មីនា។
រាជធានីភ្នំពេញ ៖ បុរសម្នាក់រត់រ៉ឺម៉កម៉ូតូ បានព្យាយាមបើករ៉ឺម៉កម៉ូតូមកកាន់មន្ទីរពេទ្យកាល់ម៉ែត្រដោយខ្លួនឯង ខណៈមានរបួសឈាមហូររហាម ដោយត្រូវខ្មាន់កាំភ្លើងមិនស្គាល់មុខបាញ់ចំនួនបីគ្រាប់ បណ្តាលឱ្យរងរបួសនៅចំណុចកែងផ្លូវលេខ៤៦ និង៦១ ក្នុងសង្កាត់ស្រះចក ខណ្ឌដូនពេញ កាលពីវេលាម៉ោងសូន្យ និង១០នាទី ឈានចូលថ្ងៃទី៥ មីនា។
សមត្ថកិច្ចមូលដ្ឋានបានឱ្យដឹងថា បុរសដែលមានមុខរបរជាអ្នករត់ម៉ូតូត្រូវខ្មាន់កាំភ្លើងបាញ់បណ្តាលឱ្យរបួសនេះឈ្មោះ ជន ហាត ភេទប្រុស អាយុ៤៣ឆ្នាំ ស្នាក់នៅផ្សារតាខ្មៅ ក្រុងតាខ្មៅ ខេត្តកណ្តាល បានត្រូវរបួសមួយគ្រាប់ចំចង្កេះខាងឆ្វេង ។ សាក្សីឃើញហេតុការណ៍បាននិយាយឱ្យសមត្ថកិច្ចដឹងថា មុនពេលកើតហេតុបុរសរងគ្រោះបានបើករឺុម៉កម៉ូតូដឹកភ្ញៀវប្រុសម្នាក់តាមផ្លូវលេខ៤៧ពីទិសខាងជើងទៅត្បូង ។ លុះមកដល់កែងផ្លូវលេខ៦១ ស្ថិតក្នុងសង្កាត់ស្រះចក ខណ្ឌដូនពេញ ស្រាប់តែមានម៉ូតូមួយគ្រឿងមា៉កអាយខន ជិះម្នាក់ឯងបញ្ច្រាស់ទិសគ្នា ។ ការជិះបញ្ច្រាសគ្នានោះស្ទើរតែប៉ះម៉ូតូគ្នា នៅពេលនោះបុរសរងគ្រោះបានឈប់រឺុម៉កម៉ូតូរបស់ខ្លួន ហើយស្រែកជេរ និងចុះពីលើរឺុម៉កម៉ូតូរបស់ខ្លួនទាញយកបំពង់ទីបបំរុងវាយទៅលើភាគីដែលជិះម៉ូតូអាយខន ប៉ុន្តែត្រូវបានភ្ញៀវដែលជិះរឺម៉កម៉ូតូជួយឃាត់ ។
ពេលនោះភាគីម៉ូតូអាយខន ក៏បានបើកម៉ូតូចេញទៅបាត់ ។ ប្រហែលជា៥នាទីក្រោយមកក៏ឃើញជននោះបានដឹកបក្សពួកម្នាក់ត្រឡប់មកវិញ និងឈប់ក្បែររ៉ឺម៉កម៉ូតូដែលមានទំនាស់មុននេះ រួចបុរសម្នាក់ដែលអង្គុយខាងក្រោយក៏បានធាក់ទៅលើម្ចាស់រឺុម៉កម៉ូតូនោះបណ្តាលឱ្យដួល ។ ក្រោយមកពួកគេក៏ជិះម៉ូតូចេញប្រហែល១០ម៉ែត្រ ក៏ទាញកាំភ្លើងចេញពីចង្កេះខោ ហើយបាញ់សំដៅទៅលើជាបន្តបន្ទាប់ចំនួនបីគ្រាប់ រួចគេចខ្លួនបាត់ដោយសុវត្ថិភាពទៅ ។ សមត្ថកិច្ចបាននិយាយថា ក្រោយពីខ្មាន់កាំភ្លើងគេចខ្លួន ជនរងគ្រោះក៏បានបើករឺុម៉កម៉ូតូចេញតែមិនដឹងថា រូបខ្លួនត្រូវគ្រាប់នោះទេ ។ លុះបន្តិចក្រោយមកទើបដឹងថាត្រូវគេបាញ់ចំចង្កេះខាងឆ្វេងហូរឈាមរហាម ក៏បង្ហួសចូលមន្ទីរពេទ្យកាល់ម៉ែត្រ ព្រោះនៅជិតនោះ ។ សមត្ថកិច្ចក៏បានបញ្ជាក់ថា នៅកន្លែងកើតហេតុរកឃើញសម្បកគ្រាប់មួយ សម្បកប្រភេទកា៥៩ ៕
ចែករំលែកព័តមាននេះ