ខេត្តបាត់ដំបង ៖ រថយន្តធុនយក្សបុកជាមួយរថយន្តឡិចស៊ីស៤៧០ទាំងកំរោល រហូតក្រឡាប់ធ្លាក់ពីផ្លូវបណ្ដាលឲ្យមនុស្ស៣នាក់រងរបួសធ្ងន់ កាលពីវេលាម៉ោងជាង៦ព្រឹលថ្ងៃទី២៧ សីហា នេះ ស្ថិតនៅលើកំណាត់ផ្លូវជាត់លេខ៥ ត្រង់ចំណុចភូមិអូរគ្រៀត ឃុំគារ…
ខេត្តបាត់ដំបង ៖ រថយន្តធុនយក្សបុកជាមួយរថយន្តឡិចស៊ីស៤៧០ទាំងកំរោល រហូតក្រឡាប់ធ្លាក់ពីផ្លូវបណ្ដាលឲ្យមនុស្ស៣នាក់រងរបួសធ្ងន់ កាលពីវេលាម៉ោងជាង៦ព្រឹលថ្ងៃទី២៧ សីហា នេះ ស្ថិតនៅលើកំណាត់ផ្លូវជាត់លេខ៥ ត្រង់ចំណុចភូមិអូរគ្រៀត ឃុំគារ ស្រុកមោងប្ញស្សី ។ នេះបើតាមព័ត៌មានបឋមរបស់សមត្ថកិច្ច ។
សមត្ថកិច្ចបានឲ្យដឹងថា ឧប្បតិហេតុគ្រោះថ្នាក់ចរាចរណ៍នេះ បានកើតឡើងរវាងរថយន្តម៉ាក ISUZUZ ធុនដឹកជញ្ជូនរបស់ក្រុមហ៊ុន L.M.H ។ រថយន្តនេះ ក្បាលខាងមុខពាក់ផ្លាកលេខព្រះសីហនុ 3A-2042 តែកន្ទុយខាងក្រោយពាក់ស្លាកលេខ៤A-3779 អ្នកបើរបរមិនស្គាល់អត្តសញ្ញាណ(រត់គេចខ្លួនបាត់)បានបុកជាមួយរថយន្តម៉ាកឡិចស៊ីសពណ៌.ស៤៧០ ពាក់ស្លាកលេខភ្នំពេញ 2P-1256 បើកបរដោយឈ្មោះ
រើន សារ៉ន ភេទប្រុស អាយុ៣១ឆ្នាំ នៅភូមិច្រាបវាល ឃុំអន្លង់វិល ស្រុកសង្កែ ខណ:ដែលកំពុងធ្វើដំណើរ ក្នុងគោលដៅផ្ទុយគ្នាពីបាត់ដំបង ទៅភ្នំពេញ ។
គេមិនទាន់ដឹងអំពីមូលហេតុជាក់លាក់ នៃឧប្បតិហេតុនេះទេ តែបើព័ត៌មានបឋមពីសមត្ថកិច្ចថា រថយន្តធំនេះ ហាក់បានជ្រុលទៅបុករថយន្តតូច បណ្ដាលឲ្យរថយន្តនេះក្រឡាប់ធ្លាក់ផ្លូវ និងរបួសមនុស្ស៣នាក់ដែលជិះរថយន្តតូចនេះ រីឯរថយន្តធំក៏ធ្លាក់ផ្លូវដែរ តែអ្នកបើកបរដាក់មេប្រូចបាត់ ។
ក្រោយពីបញ្ជូនជនរងគ្រោះទៅកាន់មន្ទីពេទ្យ មន្ត្រីជំនាញបាននាំយករថយន្ត នៃភាគីទាំង២ទៅរក្សាទុកនៅអធិការដ្ឋានស្រុក ដើម្បីរង់ចាំភាគីទាំង២ចូលខ្លួនដោះស្រាយតាមនីតិវិធីច្បាប់ហើយ ។ (សម្រួលដោយ៖ ស្រីណា)
ចែករំលែកព័តមាននេះ