ខេត្តព្រះសីហនុ ៖ សេចក្តីរាយការណ៍ឱ្យដឹងថា យុវជនម្នាក់បានស្លាប់ភ្លាមៗនៅនឹងកន្លែងកើតហេតុ ឯម្នាក់ទៀតបានរងរបួសធ្ងន់ នៅក្នុងឧបទ្ទហេតុគ្រោះថ្នាក់ចរាចរណ៍ កើតឡើងកាលពីវេលាម៉ោង០៩ និង៤០នាទីយប់ថ្ងៃទី២៥ សីហា ត្រង់ចំណុចផ្លូវជាតិលេខ៤…
ខេត្តព្រះសីហនុ ៖ សេចក្តីរាយការណ៍ឱ្យដឹងថា យុវជនម្នាក់បានស្លាប់ភ្លាមៗនៅនឹងកន្លែងកើតហេតុ ឯម្នាក់ទៀតបានរងរបួសធ្ងន់ នៅក្នុងឧបទ្ទហេតុគ្រោះថ្នាក់ចរាចរណ៍ កើតឡើងកាលពីវេលាម៉ោង០៩ និង៤០នាទីយប់ថ្ងៃទី២៥ សីហា ត្រង់ចំណុចផ្លូវជាតិលេខ៤ នៅមុខរោងចក្រ«ក្រោន» ស្ថិតក្នុងសង្កាត់លេខ០១ ក្រុងព្រះសីហនុ ខេត្តព្រះសីហនុ ដែលត្រូវគេដឹងថា គឺបង្កឡើងដោយភាគីរថយន្តរបស់អាវុធហត្ថក្រុងព្រះសីហនុ ។
សេចក្តីរាយការណ៍បន្តថា គ្រោះថ្នាក់ចរាចរណ៍ខាងលើ គឺបង្កឡើងដោយរថយន្តមួយគ្រឿង ពណ៌ទឹកប៊ិច ពាក់ស្លាកលេខខេមរភូមិន្ទ2-0185 បើកបរដោយឈ្មោះ ហេង សៀអូន ភេទប្រុស អាយុ២៨ឆ្នាំ ជាមន្ត្រីកងរាជអាវុធហត្ថក្រុងព្រះសីហនុ មានទីលំនៅបច្ចុប្បន្នភូមិ០២ សង្កាត់លេខ០៣ ក្រុងព្រះសីហនុ ខណៈបើកល្បាតតាមមូលដ្ឋាន ។ មុនកើតហេតុ អ្នកបើកបរខាងលើបានដឹកកម្លាំងកងរាជអាវុធហត្ថក្រុង មានទិសដៅចេញពីមូលដ្ឋានកងរាជអាវុធហត្ថក្រុងព្រះសីហនុ ក្នុងល្បឿនលឿនហួសកំណត់ តាមបណ្តោយផ្លូវជាតិលេខ០៤ ឆ្ពោះទៅសាលាខេត្ត (ដើម្បីល្បាតពេលយប់ ) ។
លុះមកដល់ចំណុចកើតហេតុខាងលើ បានរ៉េចង្កូតទៅបុកម៉ូតូមួយគ្រឿងម៉ាក HONDA C125 ពណ៌ខ្មៅ ពាក់ស្លាកលេខស្វាយរៀង1F-0933 កំពុងធ្វើដំណើរបញ្ច្រាសទិសគ្នា បើកបរដោយឈ្មោះ គីម សូលី ភេទប្រុស អាយុ៣០ឆ្នាំ ស្លាប់នៅកន្លែងកើតហេតុ ។ អ្នករួមដំណើរ ឈ្មោះ តូ សេង ភេទប្រុស អាយុ៣៦ ឆ្នាំរបួសធ្ងន់ ក្រោយកើតហេតុ បានរថយន្តសង្គ្រោះគ្លីនិកឯកជន(មិត្តភាព)ដឹកយកទៅសង្គ្រោះ ។
ប្រភពបន្តថា អ្នកបើកបររថយន្តល្បាតខាងលើ ត្រូវបានឃាត់ខ្លួននាំមកកាន់ការិយាល័យនគរបាលចរាចរផ្លូវគោក និងបានធ្វើការត្រួតពិនិត្យជាតិអាកុល រកឃើញមានចំនួន០.៤០mg/l ខ្យល់ ) ។ចំពោះរថយន្ត១គ្រឿង និងម៉ូតូ១គ្រឿង សមត្ថកិច្ចជំនាញយកមក រក្សាទុកនៅការិយាល័យនគរបាលចរាចរណ៍ផ្លូវគោក ដើម្បី ចាត់ការតាមនីតិវិធី ។ (សម្រួលដោយ៖ ស្រីណា)
ចែករំលែកព័តមាននេះ