ប្រភពពីបរទេសនាពេលថ្មីៗ បានបង្ហាញនូវការភ្ញាក់ផ្អើលមួយ ខណៈដែលនារីម្នាក់ឈ្មោះ Kara Koskowich អាយុ១៧ឆ្នាំ សព្វថ្ងៃរស់នៅប្រទេសកាណាដា បានច្នៃរ៉ូបធ្វើពីក្រដាស ដើម្បីយកមកស្លៀកចូលរួមពិធីជប់លៀង។ នាង Kara បានប្រមូលយកក្រដាសលំហាត់គណិតវិទ្យារបស់នាង ដើម្បីយកមករចនាម៉ូដរ៉ូបមួយដែលរំលេចទៅដោយពណ៌ប្លែកខុសពីគ្នា មានអក្សរ និងលេខនព្វន្តផង
ប្រភពពីបរទេសនាពេលថ្មីៗ បានបង្ហាញនូវការភ្ញាក់ផ្អើលមួយ ខណៈដែលនារីម្នាក់ឈ្មោះ Kara Koskowich អាយុ១៧ឆ្នាំ សព្វថ្ងៃរស់នៅប្រទេសកាណាដា បានច្នៃរ៉ូបធ្វើពីក្រដាស ដើម្បីយកមកស្លៀកចូលរួមពិធីជប់លៀង។ នាង Kara បានប្រមូលយកក្រដាសលំហាត់គណិតវិទ្យារបស់នាង ដើម្បីយកមករចនាម៉ូដរ៉ូបមួយដែលរំលេចទៅដោយពណ៌ប្លែកខុសពីគ្នា មានអក្សរ និងលេខនព្វន្តផងដែរ ។ រ៉ូបដែលនាង Kara ច្នៃពីក្រដាសនេះ មិនមានទ្រាប់នូវក្រណាត់ពីក្នុងឡើយ ពោលគឺគេបានបិទក្រដាសពីលើគ្នាយ៉ាងក្រាស់សិន ទើបគេយកទៅតភ្ជាប់ឱ្យជាប់ក្លាយទៅជារ៉ូបមួយដែលមានភាពស្រស់ស្អាតមិនចាញ់រ៉ូបដែលគេកាត់ពីក្រណាត់នោះឡើយ ។
នាង Kara បាននិយាយរៀបរាប់ឱ្យដឹងថា «សិស្សជាច្រើនពេលដែលបញ្ចប់ការសិក្សាហើយ មិនដែលយកភ្នែកទៅមើលលំហាត់ចាស់ៗឡើយ ។ ដូច្នេះទើបនាងមានគំនិតថា ប្រសិនបើនាងសាកល្បងយកក្រដាសលំហាត់គណិតវិទ្យាចាស់ៗយកមកធ្វើជាសម្លៀកបំពាក់នោះ នាងបានមើលកិច្ចការដែលធ្លាប់ធ្វើពីមុនផង និងអាចពញាក់ស្មារតីអ្នកដទៃឱ្យយកចិត្តទុកដាក់ទៅមើលរាល់កិច្ចការចាស់ៗរបស់ខ្លួនផង ។ ម្យ៉ាងការច្នៃនូវរបស់ចាស់ៗយកមកធ្វើជាសម្ភារៈដែលមានប្រយោជន៍ គឺអាចកាត់បន្ថយនូវការចោលសំរាមផ្តេសផ្តាស់ និងចូលរួមថែរក្សាការពារបរិស្ថានបានយ៉ាងល្អថែមមួយកម្រិតទៀត» ។
នាង Kara បាននិយាយបន្តទៀតថា «ការច្នៃរ៉ូបពីក្រដាសកិច្ចការចាស់ៗរបស់នាង ត្រូវបានមហាជនដែលចូលរួមពិធីជប់លៀងសម្លឹង សឹងតែឥតព្រិចភ្នែក ព្រោះនេះជាចំណីអារម្មណ៍មួយប្លែកដែលពួកគេមិនធ្លាប់បានឃើញនូវរ៉ូបដែលច្នៃពីក្រដាស តែមានសោភ័ណ ភាពស្រស់ស្អាតជាងរ៉ូបដែលគេធ្លាប់បានជួបប្រទះនាពេលកន្លងមក ។ ជាងនេះទៅទៀត នៅថ្ងៃជប់លៀងនោះនាងពិតជាមានអារម្មណ៍គួរឱ្យអស់សំណើចខ្លាំងណាស់ ព្រោះថា រ៉ូបច្នៃពីក្រដាសលំហាត់គណិតវិទ្យាចាស់ៗអាចធ្វើឱ្យនាងទទួលបានប្រជាប្រិយភាពខ្លាំងជាងគេបំផុត ក្នុងចំណោមភ្ញៀវកិត្តិយសទាំងអស់ដែលបានចូលរួម ។ នេះជារឿងរ៉ាវមួយដែលមិននឹកស្មានដល់សម្រាប់រូបនាង ហើយនាងពិតជាមានអារម្មណ៍រំភើបសប្បាយរីករាយណាស់ដែលបានស្លៀករ៉ូបដែលមានលក្ខណៈខុសប្លែកពីអ្នកដទៃទៀត»៕
ចែករំលែកព័តមាននេះ