ប្រភពពីបរទេសនាពេលថ្មីៗនេះ បានបង្ហាញនូវភាពភ្ញាក់ផ្អើលមួយ ខណៈមាននារីម្នាក់ឈ្មោះ Sasha Kennedy អាយុ២៦ឆ្នាំ ជាអ្នករស់នៅក្នុងតំបន់ Essex នៃប្រទេសអង់គ្លេស បានទទួលទានទឹករហូតដល់២៥លីត្រក្នុងមួយថ្ងៃ។ នេះជារឿងរ៉ាវមួយសឹងតែមិនគួរឱ្យជឿ នៅពេលដែលនាងបានទទួលទានទឹកមានចំនួនច្រើនខុសប្លែកពីអ្នកដទៃ ។ នាង Sasha ត្រូវបានពិភពលោកចាត់ទុកថា គឺជា
ប្រភពពីបរទេសនាពេលថ្មីៗនេះ បានបង្ហាញនូវភាពភ្ញាក់ផ្អើលមួយ ខណៈមាននារីម្នាក់ឈ្មោះ Sasha Kennedy អាយុ២៦ឆ្នាំ ជាអ្នករស់នៅក្នុងតំបន់ Essex នៃប្រទេសអង់គ្លេស បានទទួលទានទឹករហូតដល់២៥លីត្រក្នុងមួយថ្ងៃ។ នេះជារឿងរ៉ាវមួយសឹងតែមិនគួរឱ្យជឿ នៅពេលដែលនាងបានទទួលទានទឹកមានចំនួនច្រើនខុសប្លែកពីអ្នកដទៃ ។ នាង Sasha ត្រូវបានពិភពលោកចាត់ទុកថា គឺជាមនុស្សទី១ ដែលមានទម្លាប់ទទួលទានទឹកយ៉ាងច្រើនលើសលប់ ដែលធ្វើឱ្យអ្នកដទៃជឿថា នេះគឺជារឿងពិត ។
នាង Sasha បាននិយាយប្រាប់អ្នកសារព័ត៌មានថា «ប្រហែលមានអ្នកខ្លះ ពេលបានដឹងរឿងរ៉ាវរបស់នាង គិតថា ជាការនិយាយកុហកឆបោកផ្តេសផ្តាស់ តែនាងបញ្ជាក់ថា នេះគឺជាការពិត ។ នាងបាននិយាយថា នាងបានចាប់ផ្តើមទទួលទានទឹកច្រើនខុសប្លែកពីអ្នកដទៃនៅពេលដែលនាងមានអាយុ១៦ឆ្នាំ ។ កាលណោះ នាងនៅរៀនថ្នាក់វិទ្យាល័យ និងបានធ្វើការបណ្តើរនៅហាងលក់ស្បែកជើង ។ ដូច្នេះនាងមានភាពនឿយហត់ ពីព្រោះត្រូវចំណាយកម្លាំងច្រើន ចឹងហើយទើបនាងចេះតែទទួលទានទឹកមួយថ្ងៃច្រើនបន្តិចៗ ។ លុះនាងអាយុ២០ឆ្នាំ គឺនាងបានទទួលទានទឹកយ៉ាងច្រើនបំផុតក្នុងមួយថ្ងៃ គឺ២០លីត្រ រហូតមកដល់ពេលនេះ នាងទទួលទានទឹកចន្លោះពី១៨លីត្រទៅ២៥លីត្រក្នុងមួយថ្ងៃ ។ នាងទទួលទានទឹកច្រើនបែបនេះ ទើបអាចធ្វើឱ្យនាងមានកម្លាំងគ្រប់គ្រាន់សម្រាប់បំពេញការងារជាប្រចាំថ្ងៃ ។ ការទទួលទានទឹកច្រើនពិតជាបានផ្តល់នូវគុណសម្បត្តិឱ្យនាង តែនាងក៏មានភាពធុញទ្រាន់ខ្លះដែរ ពោលគឺនាងត្រូវចូលបន្ទប់ទឹកក្នុងមួយថ្ងៃ៤០ដង» ។
នាង Sasha បាននិយាយបន្ថែមទៀតថា «ថ្វីដ្បិតតែនាងទទួលទានទឹកច្រើនក្តី ក៏វាមិនមានផលប៉ះពាល់ដល់សុខភាពទេ គ្រាន់តែនាងមានរូបរាងធាត់បន្តិច ។ នាងទទួលទានទឹកច្រើនធ្វើឱ្យនាងមានភាពរឹងមាំស្វាហាប់ក្នុងការបំពេញការងារ ។ ជាពិសេសនាងបានទទួលភាពជោគជ័យនៅក្នុងការងារថ្មីនៅក្នុងក្រុមហ៊ុនទូរគមនាគមន៍នោះថែមទៀត» ៕
ចែករំលែកព័តមាននេះ