រាជធានីភ្នំពេញ ៖ អនុវត្តន៍តាមគោលការណ៍របស់រាជរដ្ឋាភិបាល និងក្រោមការដឹកនាំរបស់សាលារាជធានីភ្នំពេញព្រឹកថ្ងៃទី០៣ មីនាឆ្នាំ២០១៤ នៅសាលាខណ្ឌមានជ័យ បានប្រជុំផ្សព្វផ្សាយផែនការបិទអាជីវកម្មស៊ីសាទាំងស្រុង ក្រោមការចូលរួមពីសំណាក់ម្ចាស់អាជីវកម្មស៊ីសា និងម្ចាស់អាជីវកម្មខារ៉ាអូខេ ។
រាជធានីភ្នំពេញ ៖ អនុវត្តន៍តាមគោលការណ៍របស់រាជរដ្ឋាភិបាល និងក្រោមការដឹកនាំរបស់សាលារាជធានីភ្នំពេញព្រឹកថ្ងៃទី០៣ មីនាឆ្នាំ២០១៤ នៅសាលាខណ្ឌមានជ័យ បានប្រជុំផ្សព្វផ្សាយផែនការបិទអាជីវកម្មស៊ីសាទាំងស្រុង ក្រោមការចូលរួមពីសំណាក់ម្ចាស់អាជីវកម្មស៊ីសា និងម្ចាស់អាជីវកម្មខារ៉ាអូខេ ។ កិច្ចប្រជុំនេះបានប្រព្រឹត្តិទៅ ក្រោមអធិបតីភាព លោក គួច ចំរើនអភិបាលខណ្ឌមានជ័យ។
លោក គួច ចំរើនបានដាក់បទបញ្ជាយ៉ាងម៉ឺងម៉ាត់ទៅលោក លោកស្រីចៅសង្កាត់ទាំងអស់ឲ្យចូលរួមអនុវត្ត នូវផែនការរបស់រាជរដ្ឋាភិបាលលើខ្លឹមសារបិតស៊ីសាឲ្យមានប្រសិទ្ធិភាពបំផុត ។ ក្នុងនោះដែរលោក គួច ចំរើន ក៏បានសំណូមពរដល់ម្ចាស់ក្លឹបពាក់ព័ន្ធទាំងអស់គួរចូលរួមប្រគល់ឧបករណ៍ស៊ីសាមកឲ្យអាជ្ញាធរ ដើម្បីបញ្ចប់មន្ទិលសង្ស័យអំពីបញ្ហានេះដូចនៅក្នុងបណ្តាខណ្ឌនានា ពិសេសខណ្ឌដូនពេញជាដើម។
ជាមួយគ្នានោះដែរ ម្ចាស់អាជីវកម្មដែលចូលរួមក្នុងអង្គប្រជុំបានប្តេជ្ញាចិត្តចូលរួមជាមួយអាជ្ញាធរ ដើម្បីលុបបំបាត់ក្លឹបស៊ីសា និងអនុវត្តអាជីវកម្មតាមគោលការណ៍ ណែនាំរបស់អាជ្ញាធរ ពិសេសគឺបញ្ហាគ្រឿងញៀនតែម្តង។
ចែករំលែកព័តមាននេះ