១-ឆ្មាពាក់អាវ
«ជីណា» ឆ្មាគ្មានរោម ត្រូវនាងស៊ីវីល ជនជាតិអៀរឡង់ ជាម្ចាស់ពាក់អាវឱ្យ ដើម្បីមានភាពកក់ក្តៅក្នុងខ្លួន ពេលអាកាសធាតុត្រជាក់។ បច្ចុប្បន្ននាងស៊ីវិល កំពុងបើកប្រព័ន្ធវេបសាយលក់អាវសម្រាប់ឆ្មា ដោយមានអតិថិជនច្រើនចាប់អារម្មណ៍ ។
១-ឆ្មាពាក់អាវ
«ជីណា» ឆ្មាគ្មានរោម ត្រូវនាងស៊ីវីល ជនជាតិអៀរឡង់ ជាម្ចាស់ពាក់អាវឱ្យ ដើម្បីមានភាពកក់ក្តៅក្នុងខ្លួន ពេលអាកាសធាតុត្រជាក់។ បច្ចុប្បន្ននាងស៊ីវិល កំពុងបើកប្រព័ន្ធវេបសាយលក់អាវសម្រាប់ឆ្មា ដោយមានអតិថិជនច្រើនចាប់អារម្មណ៍ ។
២-ឆ្កែតម្រង់ជួរ
ឆ្កែពូជ «ប៊ូល» តម្រង់ជួរឱ្យគណៈកម្មការត្រួតពិនិត្យសុខភាពក្នុងថ្ងៃដំបូងនៃពិធីប្រកួតសម្រស់ឆ្កែ នៅក្រុងញូវយ៉ក សហរដ្ឋអាមេរិក។
៣-បក្សីហើរជាហ្វូងមានរាងជារូបបេះដូង
ជាងថត AFP បានបង្ហាញរូបហ្វូងបក្សីនៅលើដែនអាកាសមានរាងដូចបេះដូង នៅភូមិភាគខាងត្បូងប្រទេសអុីស្រាអែល ។
៤-សូកូឡាខ្លាឃ្មុំមាស
តារាបង្ហាញម៉ូដ ម៉ាណា ស៊ូស៊ូគី បង្ហាញតុក្កតាខ្លាឃ្មុំមាសប៉ុនរូបពិតច្នៃពីប្លាស្ទិក កម្ពស់១ម៉ែត្រ ភ្នាសដោយមាសក្នុងតម្លៃ៩ម៉ឺនដុល្លារ ។ ចំណែកស្ករសូកូឡានៅក្នុងដៃ បានផលិតពីមាសទម្ងន់១គីឡូក្រាម តម្លៃ១,២សែនដុល្លារ ដាក់បង្ហាញក្នុងពិព័រណ៍ ក្រុងតូក្យូ ប្រទេសជប៉ុន ។
៥-ដង្ហែក្បួនឆ្កែនៅប្រេស៊ីល
ជនជាតិប្រេស៊ីល នាំគ្នារាំយ៉ាងសប្បាយរីករាយក្នុងពេលដង្ហែក្បួនឆ្កែជាមិត្តដ៏កម្រជាង១០០ក្បាល ដោយឆ្កែ នីមួយៗតុបតែងខ្លួនស្រស់ស្អាត រួមទាំងពាក់វ៉ែនតា នៅក្រុងរីយ៉ូ ដឺហ្សាណេរ៉ូ ប្រទេសប្រេស៊ីល ។
៦-អាវ៉ង់ដោយប្រើម្រាមដៃ
លោកតាអាយុ៨២ឆ្នាំ បង្ហាញកាយវិការមាំមួន ដោយអាវ៉ង់ប្រើម្រាមដៃ ក្នុងពេលហាត់ប្រាណនៅក្បែរបឹងវ៉ូហៃ ក្រុងប៉េកាំង ប្រទេសចិន ។
៧-ពិធីបុណ្យគោមភ្លើង
ស្ត្រីចំណាស់ម្នាក់តុបតែងឈុតស្រស់ស្អាតចូលរួមដង្ហែក្បួនគោមភ្លើង ជាពិធីមួយដែលប្រារព្ធធ្វើឡើង បន្ទាប់ពីបុណ្យចូលឆ្នាំចិនកន្លងផុត១៥ថ្ងៃ នៅក្រុងអ៊ូហាន ខេត្តហ៊ូប៉ើយ ភាគកណ្តាលប្រទេសចិន ។
៨-ក្រពើ.ស
កូនក្រពើ.ស ឬក្រពើភឿក អាយុ១៥ខែ បង្ហាញសម្រស់នៅឧទ្យានសត្វទឹក «ត្រូពីខល អាក្វារ៉ាម» ក្រុងប៉ារីស ប្រទេសបារាំង ក្រោយពីធ្វើដំណើរឆ្លងទ្វីបពីរដ្ឋផ្លរីដា សហរដ្ឋអាមេរិក ។
៩-ខ្លាឃ្មុំខ្មៅ
កូនខ្លាឃ្មុំខ្មៅ ឬខ្លាឃ្មុំក្របី អាយុ៥ខែ ដើរតេះតះក្នុងទ្រុង នៅឧទ្យានសត្វឌុយប៊ើក ប្រទេសអាល្លឺម៉ង់ ។ ខ្លាឃ្មុំក្របីមានដើមកំណើតតាមធម្មជាតិនៅភូមិភាគអាស៊ីចាប់ពីប៉ាគីស្ថាន ដល់រុស្ស៊ី ។ សត្វប្រភេទនេះប្រឈមនឹងការផុតពូជ ដោយមានចំនួនប្រហែល៥៨.០០០ក្បាលប៉ុណ្ណោះនៅលើពិភពលោក ។
១០-មនុស្សយន្តអង្គរក្ស
និស្សិតមហាវិទ្យាល័យអន្តរជាតិផ្លរីដា បានបង្ហាញសមត្ថភាពរបស់ «តេឡេបុត» ជាមនុស្សយន្តអង្គរក្សដ៏អច្ឆរិយ ធ្វើចលនាតាមប្រព័ន្ធបញ្ជាដោយមនុស្សយន្តនេះ អាចជួយដល់ប៉ូលិស និងយោធិនពិការបំពេញតួនាទីជាអ្នកដើរល្បាតក្នុងពេលអនាគត ៕
ចែករំលែកព័តមាននេះ