ខេត្តកំពង់ឆ្នាំង ៖ យុវជនម្នាក់ស្លាប់នៅនឹងកន្លែងកើតហេតុ ខណៈដែលជនរងគ្រោះបើកម៉ូតូក្នុងល្បឿនលឿនដួលដោយខ្លួនឯង។ ហេតុការណ៍នេះកើតឡើងកាលពីវេលាម៉ោង៧និង១០នាទីព្រឹក ថ្ងៃទី២ មីនា ២០១៤ នៅតាមបណ្តោយផ្លូវជាតិលេខ៥ ក្នុងចន្លោះគីឡូម៉ែត្រ៤១ និងលេខ៤២ ក្នុងភូមិពោធិរិទ្ធីក្រៃ ឃុំស្វាយ ស្រុកសាមគ្គីមានជ័យ ។
ខេត្តកំពង់ឆ្នាំង ៖ យុវជនម្នាក់ស្លាប់នៅនឹងកន្លែងកើតហេតុ ខណៈដែលជនរងគ្រោះបើកម៉ូតូក្នុងល្បឿនលឿនដួលដោយខ្លួនឯង។ ហេតុការណ៍នេះកើតឡើងកាលពីវេលាម៉ោង៧និង១០នាទីព្រឹក ថ្ងៃទី២ មីនា ២០១៤ នៅតាមបណ្តោយផ្លូវជាតិលេខ៥ ក្នុងចន្លោះគីឡូម៉ែត្រ៤១ និងលេខ៤២ ក្នុងភូមិពោធិរិទ្ធីក្រៃ ឃុំស្វាយ ស្រុកសាមគ្គីមានជ័យ ។
មន្ត្រីប៉ូលិសមូលដ្ឋានបាននិយាយថា ជនរងគ្រោះបានជិះម៉ូតូម៉ាកឌ្រីម១២៥ ពណ៌ខ្មៅ ពាក់ស្លាកលេខ ភ្នំពេញ 1BF-2880 ឈ្មោះអូម ឃ្លីន អាយុ២១ឆ្នាំ មានទីលំនៅភូមិហង្សឈូក ឃុំស្វាយ ។ ប្រភពដដែលបានបន្តថា មុនពេលកើតហេតុជនរងគ្រោះបានជិះម៉ូតូ តាមបណ្តោយផ្លូវជាតិពីត្បូងមកជើង ក្នុងល្បឿនយ៉ាងលឿន លុះមកដល់ចំណុចកើតហេតុបានបើកជែងវ៉ា ក្នុងស្ថានភាពគ្រោះថ្នាក់ ស្រាប់តែដួលបោកក្បាលស្លាប់នៅនឹងកន្លែងកើតហេតុតែម្តង ។
សពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណីនៅលំនៅឋានក្រោមក្តីយំក្តុកក្តួល ដោយក្តីអាឡោះអាល័យក្រៃលែង ៕
ចែករំលែកព័តមាននេះ