ខេត្តបាត់ដំបង ៖ ជនឆក់ឱកាសម្នាក់ត្រូវសមត្ថកិច្ចតាមចាប់ខ្លួនបានភ្លាមៗ បន្ទាប់ពីលួចយកម៉ូតូដឹកបន្លែមួយគ្រឿង ពេលម្ចាស់កំពុងរវល់ដើរទិញអីវ៉ាន់នៅក្នុងផ្សារ កាលពីវេលាទៀបភ្លឺថ្ងៃទី២១ សីហា នៅចំណុចផ្សារមោងប្ញស្សី ស្ថិតក្នុងភូមិមោង ឃុំមោង…
ខេត្តបាត់ដំបង ៖ ជនឆក់ឱកាសម្នាក់ត្រូវសមត្ថកិច្ចតាមចាប់ខ្លួនបានភ្លាមៗ បន្ទាប់ពីលួចយកម៉ូតូដឹកបន្លែមួយគ្រឿង ពេលម្ចាស់កំពុងរវល់ដើរទិញអីវ៉ាន់នៅក្នុងផ្សារ កាលពីវេលាទៀបភ្លឺថ្ងៃទី២១ សីហា នៅចំណុចផ្សារមោងប្ញស្សី ស្ថិតក្នុងភូមិមោង ឃុំមោង ស្រុកមោងឫស្សី ។
លោកឧត្តមសេនីយ៍ត្រី ជេត វណ្ណនី ស្នងការរងខេត្តបានប្រាប់ថា ជនសង្ស័យឈ្មោះឆន អិត ហៅ ធី អាយុ៣០ឆ្នាំ នៅភូមិជ្រៃ២ ឃុំជ្រៃស្រុកមោងប្ញស្សី ។ ជននេះ ធ្វើសកម្មភាពលួចម៉ូតូ១គ្រឿង ម៉ាកហុងដាវ៉េវអាល់ហ្វា ស៊េរីចាស់ (គ្មានពន្ធ.គ្មានផ្លាកលេខ) របស់ឈ្មោះឃឿន សឿប ភេទស្រី អាយុ៣៧ឆ្នាំ មុខរបរដឹកម្ហូបអាហារលក់តាមម៉ូតូ និងរស់នៅភូមិគួយជីកដី ឃុំរបស់មង្គល ស្រុកមោងប្ញស្សី។
លោកស្នងការរងបានបញ្ជាក់ថា ជននេះ បានលួចយកម៉ូតូជនរងគ្រោះពេលគាត់ទុកចោលក្បែរផ្សារ ហើយដើរចូលទៅទិញអីវ៉ាន់នៅក្នុងផ្សារមោងឬស្សី តែសំណាងល្អត្រូវកម្លាំងនគរបាលតាមស្ទាក់ចាប់បានមកវិញភ្លាមៗដែរ។ ស្ត្រីរងគ្រោះបាននិយាយថា គាត់តែងងើបពីយប់ ជិះម៉ូតូដឹកបន្លែដ៏កញ្ចាស់របស់គាត់ទៅរបស់គាត់ទៅផ្សារមោងឬស្សី ដើម្បីទិញអីវ៉ាន់ដឹកតាមម៉ូតូទៅលក់តាមទីជនបទនានា ។
ប៉ុន្តែនៅថ្ងៃកើតហេតុ គាត់បានជិះម៉ូតូទៅផ្សារដូចសព្វដង ហើយទុកម៉ូតូភ្លេចដកកូនសោរនៅខាងមុខផ្សារ រួចខ្លួនចូលទៅក្នុងផ្សារមោងឬស្សី ដើម្បីទិញឥវ៉ាន់យកមកលក់ ។ គាត់និយាយថា ក្រោយពីទិញអីវ៉ាន់បាន គាត់ក៏ដើរចេញពីផ្សារវិញ ស្រាប់តែបាត់ម៉ូតូ បង្កឲ្យមានការភ្ញាក់ផ្អើលពេញផ្សារ ហើយគាត់ក៏រាយការណ៏ប្រាប់សមត្ថកិច្ចឲ្យជួយអន្តរាគមន៏ភ្លាមៗដែរ ។ (សម្រួលដោយ៖ ស្រីណា)
ចែករំលែកព័តមាននេះ