រាជធានីភ្នំពេញ ៖ សមាសភាពគូប្រកួតប្រដាល់កំពូលអ្នកប្រយុទ្ធគុនខ្មែរវគ្គ២នៅលើសង្វៀន CTN ថ្ងៃអាទិត្យ ទី២ មីនា ខាងមុខនេះ មានទាំងអស់៦គូ ក្នុងនោះគូដណ្តើមខ្សែក្រវាត់មាន៥គូ គឺប្រភេទទម្ងន់៥៧គីឡូក្រាមមាន២គូ ៦០គីឡូក្រាមមាន២គូ និង៦៥គីឡូក្រាមមាន១គូ ។
រាជធានីភ្នំពេញ ៖ សមាសភាពគូប្រកួតប្រដាល់កំពូលអ្នកប្រយុទ្ធគុនខ្មែរវគ្គ២នៅលើសង្វៀន CTN ថ្ងៃអាទិត្យ ទី២ មីនា ខាងមុខនេះ មានទាំងអស់៦គូ ក្នុងនោះគូដណ្តើមខ្សែក្រវាត់មាន៥គូ គឺប្រភេទទម្ងន់៥៧គីឡូក្រាមមាន២គូ ៦០គីឡូក្រាមមាន២គូ និង៦៥គីឡូក្រាមមាន១គូ ។ ប្រភេទទម្ងន់៥៧គីឡូក្រាមដែលមានចំនួន២គូនោះ រឿង ដេត មកពីក្លិបសំរោងកោងកីឡាខេត្តបាត់ដំបង ជួបជាមួយ ណាម ម៉ូរា៉ក់ មកពីក្លិបពន្លឺសាមគ្គីខេត្តបាត់ដំបង និងម៉ុន វណ្ណា មកពីក្លិបឃ្លាំងមឿងកីឡាខេត្តពោធិ៍សាត់ ជួបជាមួយ សឹុម ប៊ុនស្រ៊ន់ មកពីក្លិបខេត្តកំពង់ចាម។
រឿង ដេត និងណាម ម៉ូរា៉ក់ ចំនួនការប្រកួតរបស់គេទាំង២មិនដូចគ្នាឡើយ ។ រឿងដេតប្រកួតបាន៥លើក ឈ្នះ៣លើក ចាញ់២លើក ចំណែកឯ ណាម ម៉ូរាក់ វិញនោះប្រកួតបាន៤លើកឈ្នះទាំង៤លើក ។ រឿង ដេត បើសិនជាឈ្នះអាចនៅមានផ្លូវអ៊ុតក្នុងការឈានឡើងទៅកាន់វគ្គពាក់កណ្តាលផ្តាច់ព្រ័ត្រជាបន្តទៀតបាន តែបើសិនជាចាញ់វិញនោះក៏ពិបាកបន្តិចដែរ ។ ឯ ណាម ម៉ូរា៉ក់ ពេលនេះគេអាចរកកន្លែងនៅវគ្គពាក់កណ្តាលផ្តាច់ជាបន្តទៀតបានហើយ បើទោះជាចាញ់ឬឈ្នះក៏ដោយ ។ ម៉ុន វណ្ណា និង សឹុម ប៊ុនស្រ៊ន់ វិញនោះ វាសនារបស់គេទាំង២ មិនដូចគ្នានោះឡើយ ។ វណ្ណា ប្រកួតបាន៥លើក ឈ្នះទាំង៥លើកតែម្តង ដូច្នេះពិន្ទុរបស់គេនាពេលនេះអាចរកកន្លែងនៅវគ្គពាក់កណ្តាលផ្តាច់ព្រ័ត្រជាបន្តទៀតបាន ហើយ ។ ចំណែកឯ សឹុម ប៊ុនស្រ៊ន់ វិញនោះ គឺអស់ផ្លូវអ៊ុតហើយ ព្រោះអីការប្រកួតទាំង៤លើករបស់គេមកនេះឈ្នះ២លើក ចាញ់២លើក ដូច្នេះការប្រកួតរបស់គេលើកនេះអាចថាជាការបង្គ្រប់កិច្ចច្រើនជាង ។
ប្រភេទទម្ងន់៦០គីឡូក្រាម ដែលមាន២គូដែរនោះ អៀង អាន មកពីក្លិបរស្មីកុមារកំព្រា ជួបជាមួយ ជឹម ចិត្រា មកពីក្លិបខេត្តកំពង់ឆ្នាំង និង ផន ភឿត មកពីក្លិបឃ្លាំងមឿងកីឡាខេត្តពោធិ៍សាត់ ជួបជាមួយ ឈាន ហំ មកពីមជ្ឈមណ្ឌលកីឡានៃកងយោធពលខេមរភូមិន្ទ ។ អៀង អាន ជួបជឹម ចិត្រា លើកនេះអាចជាការឡើងមកប្រកួតកំដររេញប៉ុណ្ណោះ ព្រោះតែការប្រកួតទាំង៥លើករបស់គេមកនេះអត់ដែលស្គាល់ឈ្នះម្តងណាឡើយ ។ ឯជឹម ចិត្រា វិញនោះ ប្រកួតបាន៥លើកដូចគ្នា ឈ្នះទាំង៥លើក ធ្វើឱ្យពិន្ទុរបស់គេនាពេលនេះអាចល្មមនឹងរកកន្លែងនៅវគ្គពាក់កណ្តាលផ្តាច់ព្រ័ត្រជាបន្តទៀតបានហើយ ។ ដោយឡែក ផន ភឿត និងឈាន ហំ វិញនោះ វាសនារបស់គេទាំង២មិនដូចគ្នាទេ ។ ផន ភឿក ប្រកួតបាន៥លើកឈ្នះទាំង៥លើកតែម្តង រីឯ ឈាន ហំ វិញ ប្រកួតបាន៤លើកនៅមិនទាន់ស្គាល់ឈ្នះម្តងណាឡើយ ។ ដូច្នេះអ្នកដែលត្រូវឡើងទៅប្រកួតនៅវគ្គបន្ត មានតែ ផន ភឿត ប៉ុណ្ណោះ ទោះលើកនេះឈ្នះឬចាញ់ក៏ដោយ ។
ប្រភេទទម្ងន់៦៥គីឡូក្រាមវិញ រិន សារ័ត្ន មកពីក្លិបខេត្តព្រៃវែង ជួបជាមួយ វុន ម៉ន មកពីក្លិបកងពលធំអន្តរាគមន៍លេខ៣ព្រះវិហារ ។ គូនេះប្រកួតបាន៤លើកដូចគ្នា ប៉ុន្តែ រិន សារ័ត្ន អត់ដែលស្គាល់ចាញ់ម្តងណាឡើយ ឯវ៉ុន ម៉ន ឈ្នះ២លើក និងចាញ់២លើក ។ វុន ម៉ន បើឈ្នះលើកនេះអាចមានផ្លូវអ៊ុតខ្លះ តែបើចាញ់វិញមានតែហាលខោប៉ុណ្ណោះ ។ ចំណែកគូប្រកួតមិត្តភាពវិញ តក់ សោភ័ណ មកពីក្លិបអេភូថងកីឡា ជួបជាមួយ សុខ ចិន្តា មកពីក្លិបឃ្លាំងមឿងកីឡាខេត្តពោធិ៍សាត់ ៕
ចែករំលែកព័តមាននេះ