រាជធានីភ្នំពេញ ៖ កាលពីព្រឹកថ្ងៃទី២៧ កុម្ភៈ ឆ្នាំ២០១៤ នៅក្រសួងអប់រំ យុវជន និងកីឡា មានបើកកិច្ចប្រជុំមួយស្តីពីការប្រមូលផ្តុំកីឡាករ កីឡាការិនីជម្រើសជាតិ ព្រមទាំងគ្រូបង្វឹក និងអនុរក្ស ដើម្បីចូលរួមព្រឹត្តិការណ៍អន្តរជាតិផ្សេងៗ នៅឆ្នាំ២០១៤ ក៏ដូចជាត្រៀមសម្រាប់ព្រឹត្តិការណ៍សុីហ្គេមលើកទី២៨ នៅប្រទេសសិង្ហបុរីផងដែរ ។
រាជធានីភ្នំពេញ ៖ កាលពីព្រឹកថ្ងៃទី២៧ កុម្ភៈ ឆ្នាំ២០១៤ នៅក្រសួងអប់រំ យុវជន និងកីឡា មានបើកកិច្ចប្រជុំមួយស្តីពីការប្រមូលផ្តុំកីឡាករ កីឡាការិនីជម្រើសជាតិ ព្រមទាំងគ្រូបង្វឹក និងអនុរក្ស ដើម្បីចូលរួមព្រឹត្តិការណ៍អន្តរជាតិផ្សេងៗ នៅឆ្នាំ២០១៤ ក៏ដូចជាត្រៀមសម្រាប់ព្រឹត្តិការណ៍សុីហ្គេមលើកទី២៨ នៅប្រទេសសិង្ហបុរីផងដែរ ។
កិច្ចប្រជុំនេះស្ថិតក្រោមអធិបតីភាពលោក ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា ដោយមានការចូលរួមពីលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា, លោក អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡា មន្ត្រីកីឡា ព្រមទាំងតំណាងសហព័ន្ធទាំង២០ ។
ក្នុងកិច្ចប្រជុំដែលប្រើរយៈពេល១កំណាត់ថ្ងៃនេះ បានពិភាក្សាទៅលើចំនួនអត្តពលិកសហព័ន្ធមួយចំនួន ដែលត្រូវបានពេញចិត្តសម្រាប់ការផ្តល់ជូនរបស់ក្រសួង ហើយក៏នៅមានការសំណូមពរបន្ថែមចំនួនកីឡាករ កីឡាការិនីរប់សខ្លួនពីសហព័ន្ធមួួយចំនួនទៀតផងដែរ ។ ដូចនេះសម្រាប់ការស្នើសុំខាងលើ ក៏ត្រូវបានឯកភាពភ្លាមៗ និងមួួយចំនួនត្រូវបានលើកទៅពិភាក្សាជាក្រោយស្របទៅតាមកញ្ចប់ថវិកាដែលមាន ។ មានប្រសាសន៍ក្នុងឱកាសនោះ លោកអនុរដ្ឋលេខាធិការក្រសួងអប់រំ យុវជន និងកីឡា ប៊ូ ជុំសេរី បានឱ្យដឹងថា សម្រាប់ការប្រមូលផ្តុំនេះ យើងធ្វើទៅតាមអ្វីដែលក្រសួងអប់រំបានកំណត់ មិនថាតែប្រភេទកីឡាដែលធ្លាប់តែដណ្តើមបានមេដាយ និងប្រភេទកីឡាដែលមិនធ្លាប់មានសោះក៏យើងត្រូវតែធ្វើការប្រមូលផ្តុំដូចគ្នា ។
លោកបានសាទរចំពោះសហព័ន្ធណាដែលមានកិច្ចសហការជាមួយដៃគូឯកជន ដែលឧបត្ថម្ភដល់កីឡាកររបស់ខ្លួនក្នុងការហ្វឹកហាត់ ព្រោះអាចជួយសម្រាលដល់ក្រសួងអប់រំ យុវជន និងកីឡាផងដែរ ដោយកញ្ចប់ថវិកាសម្រាប់ប្រមូលផ្តុំអត្តពលិកជម្រើសជាតិមានកំណត់ ដូច្នេះវាជាការល្អដែលសហព័ន្ធអាចទំនាក់ទំនងបាន ។
លោក វ៉ាត់ ចំរើន បានសំណូមពរដល់សហព័ន្ធទាំងអស់ធ្វើយ៉ាងណាត្រូវប្រមូលផ្តុំ និងជ្រើសរើសអ្នកដែលមានសមត្ថភាពពិតប្រាកដ ចៀសវាងពេលកំពុងប្រមូលផ្តុំអ្នកនោះមានបញ្ហាមិនអាចចូលរួមបាន ព្រោះយើងបានដឹងហើយថា ឆ្នាំកន្លងមក យើងទទួលបានមេដាយល្អ ហើយបើសិនជាឆ្នាំ២០១៥ មេដាយមានចំនួនថយចុះ យើងនឹងបាត់បង់ការគាំទ្រពីរាជរដ្ឋាភិបាល ពីមហាជនផងដែរ ។ លោកបន្តថា ក្រៅពីអត្តពលិកក្នុងស្រុកដែលមានសមត្ថភាព យើងត្រូវទាក់ទងទៅខាងក្រៅដើម្បីស្វែងរកអត្តពលិកដែលយើងអាចចាត់ទុកថា សមត្ថភាពរបស់គេក៏មិនធម្មតាដែរ ព្រោះការហ្វឹកហាត់នៅក្រៅប្រទេសអាចនឹងមានគុណភាពល្អ ។ លោក អ៊ុក សិទ្ធីជាតិ បានឱ្យដឹងថា សម្រាប់ការប្រមូលផ្តុំនេះ ក្រៅពីព្រឹត្តិការណ៍សុីហ្គេមលើកទី២៨ យើងមាន៣មុខព្រួញទៀតក្នុងឆ្នាំ២០១៤នេះ គឺចូលរួមនូវព្រឹត្តិការណ៍ចំនួន៣ធំៗ ដូចជាការប្រកួតក្របខណ្ឌនិស្សិតសាកលវិទ្យាល័យអាស៊ាន (University Games) គឺត្រូវការអ្នកដែលមានអាយុក្រោម២៣ឆ្នាំ ដែលជានិស្សិតចូលរួម ។
ការប្រកួតកីឡាអូឡាំពិកយុវជន លើកទី២ (2nd Youth Olympic Games) នៅទីក្រុងណាននីង ប្រទេសចិន យើងត្រូវការអាយុក្រោម១៧ឆ្នាំ ដែរ និងការប្រកួតកីឡាអាសុី (Asian Games) នៅទីក្រុង Incheon ជាដើម ។ ដូច្នេះដើម្បីឱ្យត្រូវទិសដៅ សំខាន់បំផុតគឺធនធានមនុស្សតែម្តង បើសិនជាមនុស្សមានគុណភាពខ្ពស់ ហើយមានសក្តានុពលនោះ គ្រាន់តែធ្វើការហ្វឹកហាត់ប៉ុន្មានខែហ្នឹងគឺអាចធ្វើបានហើយ។ សូមបញ្ជាក់ថា សម្រាប់ការប្រមូលផ្តុំអត្តពលិកជម្រើសជាតិនេះនឹងត្រូវចាប់ផ្តើមពីថ្ងៃទី១ មេសា ដល់ថ្ងៃទី៣០ វិច្ឆិកា ២០១៤ ក្នុងនោះកីឡាទាំង២០ប្រភេទ មានកីឡាករចំនួន១៩៦នាក់ និងកីឡាការិនីចំនួន៥៩នាក់ គ្រូបង្វឹក៥៥នាក់ ក្រោមការត្រួតពិនិត្យរបស់អនុរក្ស២២នាក់ សរុបទាំងអស់៣៣២នាក់ ។
សម្រាប់ប្រភេទកីឡាទាំងនោះរួមមាន ចំបាប់ វ៉ូវីណាម ប៉េតង់ តេក្វាន់ដូ មាន WTF និង ITF សូរីនហ្សុិកាំប៉ូ, យូដូ, ប្រដាល់, វាយកូនបាល់, វូស៊ូ, បាល់ទះ មានឆ្នេរខ្សាច់ និងក្នុងសាល, អត្តពលកម្ម, កាយសម្ព័ន្ធ, ហែលទឹក, បាល់បោះ, វាយកូនឃ្លីលើតុ, ប្រណាំងទោចក្រយាន, សីប៉ាក់តាក្រ, ប្រណាំងទូកប្រពៃណី និងគុនដាវ ៕
ចែករំលែកព័តមាននេះ