រាជធានីភ្នំពេញ ៖ កម្ពុជាបានធ្វើការបដិសេធចំពោះការស្នើសុំពីភាគីវៀតណាម ក្នុងការចង់ឱ្យកម្ពុជាផ្តល់សញ្ជាតិដល់ជនជាតិវៀតណាម ដែលកំពុងរស់នៅលើទឹកដីកម្ពុជា ។ នេះបើយោងតាមលោកឈាង វុនប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ…
រាជធានីភ្នំពេញ ៖ កម្ពុជាបានធ្វើការបដិសេធចំពោះការស្នើសុំពីភាគីវៀតណាម ក្នុងការចង់ឱ្យកម្ពុជាផ្តល់សញ្ជាតិដល់ជនជាតិវៀតណាម ដែលកំពុងរស់នៅលើទឹកដីកម្ពុជា ។ នេះបើយោងតាមលោកឈាង វុនប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ក្នុងកិច្ចសម្ភាសន៍ជាមួយអ្នកសារព័ត៌មានកាល ពីល្ងាចថ្ងៃទី១៩ សីហា នៅអាកាសយានដ្ឋានអន្តរជាតិភ្នំពេញ។
ការថ្លែងបែបនេះ ក្រោយពីបានចូលរួមជាផ្លូវការណ៍នៃសន្និសីទលើកទី៧ គណៈកម្មាធិការកិច្ចការបរទេសនៃរដ្ឋសភាប្រទេសទាំងបី កម្ពុជា-ឡាវ-វៀតណាម ស្តីពីតួនាទីរបស់រដ្ឋសភា ក្នុងការជម្រុញ និងអនុវត្តកិច្ច ព្រមព្រៀងសហប្រតិបត្តិការរវាងប្រទេសទាំង៣ កម្ពុជា-ឡាវ-វៀតណាម ក្នុងតំបន់អភិវឌ្ឍន៍ត្រីកោណ
លោក ឈាង វុន បានលើកឡើងថា យើងបានតស៊ូមតិ ដើម្បីផលប្រយោជន៍ជាតិយើង បានច្រើនដូចជាការពារពីជីវភាពរបស់ប្រជាជនខ្មែររស់នៅក្នុងតំបន់ត្រីកោណ ហើយជាមួយគ្នានោះក៏បានឆ្លើយតបពីការលើកឡើងពីភាគីវៀតណាម និងឡាវមួយចំនួនធំផងដែរ ។ លោកបន្តថា ចំណុចជាច្រើនត្រូវបានពិភាក្សាគ្នាក្នុងកិច្ចប្រជុំ ក្នុងនោះភាគីកម្ពុជាបានធ្វើការទាមទារឱ្យភាគីវៀតណាម ធ្វើយ៉ាងណានៅពេលដែលប្រជាពលរដ្ឋខ្មែរនាំទំនិញមានមាន់ គោ ក្របីទៅលក់នៅវៀតណាម សូមកុំឲ្យចាប់ ។ លោកបញ្ជាក់ថា៖«ភាគីវៀតណាមក៏ខឹងដែរ តែយើងទាមទារយ៉ាងស្វិតស្វាញមែន ព្រោះថាកន្លងមក ភាគីវៀតណាមបានចាប់ យកទំនិញ ហើយលុយក៏មិនបានក៏មាន»។
លោកក៏បានឱ្យដឹងថា ក្នុងកិច្ចប្រជុំនោះដែរ ភាគីវៀតណាមក៏ស្នើដល់ភាគីកម្ពុជាឲ្យផ្តល់សញ្ជាតិដល់ប្រជាជនវៀតណាម ដែលកំពុងរស់នៅលើកទឹកដីកម្ពុជាអីញ្ចឹង? តែខ្ញុំនឹងគណៈប្រតិភូួថា កម្ពុជាមានច្បាប់ទំម្លាប់របស់យើង ក្នុងមានច្បាប់សញ្ជាតិ និងច្បាប់អន្តោប្រវេសន៍ផង ។ យើងមិនអាចឲ្យគ្រប់សញ្ជាតិដោយអូតូម៉ាទិច ឬស្វ័យប្រវត្តិសចំពោះបងប្អូនវៀតណាមរបស់គាត់ដែលកំពុងរស់នៅខុសច្បាប់ក្នុងផែនដីកម្ពុជាកន្លងទៅ យើងមិនអាចឲ្យកើតទេ»។
លោកបន្ថែមថា ភាគីវៀតណាមអាចស្នើសុំសញ្ជាតិបានព្រោះច្បាប់កម្ពុជាបានចែងអីញ្ចឹង ។ ការសុំសញ្ជាតិនេះ មានការតឹងតែងផងដែរនៅកម្ពុជា ដើម្បីអនុវត្តច្បាប់នៅកម្ពុជា ហើយការអនុវត្តនេះ ដើម្បីការពារផលប្រយោជន៍របស់កម្ពុជា ។ (សម្រួលដោយ៖ ស្រីណា)
ចែករំលែកព័តមាននេះ