រាជធានីភ្នំពេញ ៖ ជនសង្ស័យ០២នាក់ត្រូវកម្លាំងនគរបាលប៉ុស្តិ៍រដ្ឋបាលផ្សារថ្មី១ សហការជាមួយនគរបាលព្រហ្មទណ្ឌខណ្ឌដូនពេញ ឃាត់ខ្លួនបានជាបន្តបន្ទាប់ នៅក្បែរស្ថានីយ៍លក់ហ្គាសទាន់សម័យ ផ្លូវលេខ១៥៤ ក្រោយពីពួកគេជិះម៉ូតូធ្វើសកម្មភាពឆក់ទូរស័ព្ទដៃមិនបានសំរេចពីជនបរទេសដែលកំពុងជិះរ៉ឺម៉ក់ម៉ូតូ នៅចំណុចកែងផ្លូវលេខ៦៣និង១៥៤ ស្ថិតក្នុងសង្កាត់ផ្សារថ្មី១
រាជធានីភ្នំពេញ ៖ ជនសង្ស័យ០២នាក់ត្រូវកម្លាំងនគរបាលប៉ុស្តិ៍រដ្ឋបាលផ្សារថ្មី១ សហការជាមួយនគរបាលព្រហ្មទណ្ឌខណ្ឌដូនពេញ ឃាត់ខ្លួនបានជាបន្តបន្ទាប់ នៅក្បែរស្ថានីយ៍លក់ហ្គាសទាន់សម័យ ផ្លូវលេខ១៥៤ ក្រោយពីពួកគេជិះម៉ូតូធ្វើសកម្មភាពឆក់ទូរស័ព្ទដៃមិនបានសំរេចពីជនបរទេសដែលកំពុងជិះរ៉ឺម៉ក់ម៉ូតូ នៅចំណុចកែងផ្លូវលេខ៦៣និង១៥៤ ស្ថិតក្នុងសង្កាត់ផ្សារថ្មី១ ខណ្ឌដូនពេញ កាលពីវេលាម៉ោង១០និង១០នាទីព្រឹកថ្ងៃទី២៧ កុម្ភៈ ឆ្នាំ២០១៤ ។
មន្ត្រីនគរបាលផ្នែកព្រហ្មទណ្ឌនៃអធិការដ្ឋាននគរបាលខណ្ឌដូនពេញ បានឲ្យដឹងថា យោងតាមបទបញ្ជាលោកឧត្តមសេនីយ៍ស្នងការនគរបាលរាជធានីភ្នំពេញ និងតាមការចង្អុលបង្ហាញពីលោកអធិការនគរបាលខណ្ឌដូនពេញ ក៏ដូចជាផែនការអនុវត្តគោលនយោបាយភូមិ-សង្កាត់មានសុវត្ថិភាព កម្លាំងនគរបាលព្រហ្មទណ្ឌខណ្ឌដូនពេញបានជិះម៉ូតូល្បាត ។ លុះមកដល់ចំណុចកែងផ្លូវលេ១៥៤និង៦៣ ស្ថិតក្នុងសង្កាត់ផ្សារថ្មី១ ក៏បានប្រទះឃើញជនសង្ស័យ០២នាក់ជិះម៉ូតូម៉ាកឌ្រីមសេ១២៥ ពណ៌ខ្មៅ សេរី២០១៤ គ្មានស្លាកលេខបានធ្វើសកម្មភាពឆក់យកទូរស័ព្ទដៃពីជនបរទេសម្នាក់ដែលរ៉ឺម៉ក់ម៉ូតូ ហើយកំពុងនិយាយទូរស័ព្ទតែមិនបានសំរេចនោះទេ ស្របពេលជនរងគ្រោះស្រែកឆោឡោឡើងដើម្បីឲ្យសមត្ថកិច្ចជួយអន្តរាគមន៍ចាប់ជនសង្ស័យ។ ភ្លាមៗនោះជនសង្ស័យម្នាក់ត្រូវសមត្ថកិច្ចឃាត់នៅចំណុចខាងលើ និងជនសង្ស័យម្នាក់ទៀតបានព្យាយាមរត់តាមផ្លូវលេខ១៥៤ឆ្ពោះទៅទិសខាងលិចលុះដល់ស្ថានីយ៍លក់ហ្គាសទាន់សម័យ ស្ថិតក្នុងសង្កាត់បឹងរាំង ក៏រត់ចូលពួនតែត្រូវសមត្ថកិច្ចតាមទាន់ហើយបញ្ជូនទៅអធិការដ្ឋាននគរបាលខណ្ឌដូនពេញដើម្បីសាកសួរ ។
មន្ត្រីនគរបាលដដែលបានឲ្យដឹងថា ជនសង្ស័យម្នាក់ឈ្មោះ កន ជីវ័ន្ត ភេទប្រុស អាយុ២០ឆ្នាំ ស្នាក់នៅផ្ទះលេខ១០៦ ផ្លូវលេខ៨០ សង្កាត់ស្រះចក ខណ្ឌដូនពេញ ជននេះជាអ្នកបើកម៉ូតូហើយទើបតែចេញពីពន្ធនាគារនិងឈ្មោះប៉ិច លាភ ភេទរុស អាយុ២២ឆ្នាំ ស្នាក់នៅផ្ទះលេខ១៤៣ ផ្លូវលេខ៧ ភូមិដើមមាន សង្កាត់ច្បារអំពៅ២ ខណ្ឌមានជ័យ(ជននេះជាអ្នកឆក់) ៕
ចែករំលែកព័តមាននេះ