រកឃើញថា ការផលិតនំប៉័ងលក្ខណៈផ្អូមនិងផ្អាប់ទើបពុល…គ្មានជាតិគីមីឡើយ
- សៀមរាប
ខេត្តសៀមរាប ៖ លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានមានប្រសាសន៍ កាលពីព្រឹកថ្ងៃទី១៨ សីហា ឱ្យដឹងថា…
ខេត្តសៀមរាប ៖ លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានមានប្រសាសន៍ កាលពីព្រឹកថ្ងៃទី១៨ សីហា ឱ្យដឹងថា…
ខេត្តសៀមរាប ៖ លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានមានប្រសាសន៍ កាលពីព្រឹកថ្ងៃទី១៨ សីហា ឱ្យដឹងថា ករណីពុលនំបុ័ងដែលបានកើតឡើងនៅក្នុងស្រុកបន្ទាយស្រី និងនៅស្រុកប្រាសាទបាគង កាលពីថ្ងៃទី១៤ សីហា កន្លងមកនេះ បណ្ដាលឱ្យមនុស្សចំនួន៣៧នាក់ ដែលភាគច្រើនជាកុមារមានអាការ:ក្អួត និងរាករូស ត្រូវបានបញ្ជូនទៅសម្រាកព្យាបាលនៅតាមមណ្ឌលសុខភាពនានានោះ គឺដោយសារតែការផលិតនំគ្មានអនាម័យ ឬនំនោះមានលក្ខណៈផ្អូម (ម្សៅផ្អាប់) មិនមែនដោយសារនំនោះមានលាយសារធាតុគីមីឡើយ ។ ទោះបីជាបែបណា ពួកគេបានត្រឡប់ទៅលំនៅឋានវិញរៀងៗខ្លួនអស់ហើយនៅព្រឹកថ្ងៃទី១៧ សីហា ។
លោកប្រធានមន្ទីរបន្ថែមទៀតថា មូលហេតុដែលលោកអះអាងថា អ្នកពុលនំបុ័ងបណ្តាលមកពីករណីនំប៉័ងដែលធ្វើគ្មានអនាម័យ (នំមានលក្ខណៈផ្អូមនោះ) គឺដោយសារក្រោយបរិភោគរយៈពេល៤ ទៅ៥ម៉ោង ទើបអ្នកបរិភោគមានអាការៈក្អួតចង្អោរ និងរាគរូស ប៉ុន្តែប្រសិនបើនំនោះ មានលាយសារធាតុគីមីវិញ គឺពេលអ្នកបរិភោគនំចូលទៅក្នុងពោះភ្លាមៗ នឹងកើតមានអាការៈភ្លាមៗផងដែរ ។
លោកបន្ថែមទៀតថា ការផលិតនំដែលគ្មានអនាម័យ ឬក៏នំមានលក្ខណៈផ្អូមនោះ គឺដោយសារតែអ្នកផលិតនំ ប្រើសារធាតុផ្សំដូចជាសាច់ និងប័៊រជាដើមទុករយៈពេលយូរថ្ងៃអាចបង្កឱ្យដុះផ្សិត ហើយយកមកផលិតជានំប៉័ង បណ្ដាលឲ្យនំនោះកើតមានមេរោគ ធ្វើឲ្យប៉ះពាល់ដល់អ្នកបរិភោគ កើតមានអាការៈឈឺពោះ ក្អួតចង្អោរ និងរាករូសជាដើម ប៉ុន្តែមិនមានលក្ខណៈធ្ងន់ធ្ងរនោះទេ ដោយគ្រាន់តែប្រើថ្នាំបំបាត់ការក្អួតចង្អោរ និង រាករូស អ្នកជំងឺនឹងបានធូរស្បើយវិញដែរ ។
គួររំលឹកថា កាលពីថ្ងៃទី១៤ សីហាកន្លងទៅនេះ មានករណីពុលនំបុ័ងដែលលក់ឱ្យសិស្សក្នុងសាលាបឋមសិក្សាកំពង់ភ្លុក ស្ថិតក្នុងភូមិគោកក្តុល ឃុំកំពង់ភ្លុក ស្រុកប្រាសាទបាគង បណ្ដាលឲ្យពុលក្មេងៗសិស្សសាលាចំនួន២៩នាក់ ក្នុងនោះស្រី២២នាក់ ដែលមានអាយុក្រោម១០ឆ្នាំ ប៉ុន្តែមិនប៉ះពាល់ដល់អាយុជីវិតឡើយ ដោយគ្រាន់តែក្អួត និងរាករូសហើយបានវិលត្រឡប់ទៅលំនៅឋានវិញទាំងអស់កាលពីថ្ងៃទី១៥ សីហា និងមួយករណីទៀតនៅភូមិត្រពាំងថ្ម ឃុំឃុនរាម ស្រុកបន្ទាយស្រីនៅថ្ងៃទី១៦ ខែសីហានេះ បណ្ដាលឱ្យពុលកុមារចំនួន៧នាក់ ក្នុងនោះកុមារីចំនួន៤នាក់ ដែលមានអាយុក្រោម៧ឆ្នាំ និងមនុស្សធំម្នាក់ជាស្ត្រី ត្រូវបានក្រុមគ្រួសារយកមកសង្គ្រោះនៅមណ្ឌលសុខភាពឃុនរាម ហើយបានជាសះស្បើយ និងវិលត្រឡប់ទៅលំនៅឋានរៀងៗខ្លួនវិញហើយ នៅព្រឹកថ្ងៃទី១៧ សីហា ។
ករណីពុលនំប៉័ងដាក់សាច់ តែងកើតមាននៅតាមទីជនបទក្នុងរយៈពេលកន្លងមក ហើយការស្វែងរកមូលហេតុដែលបណ្តាលឱ្យពុលនៅតែរកមិនឃើញ ហើយមន្ត្រីថ្នាក់ក្រោមនោះតែងផ្តោតមកមន្ត្រីជំនាញថ្នាក់លើជាអ្នកត្រួតពិនិត្យ ។
យោងតាមការប្រាប់ឱ្យដឹងថា ការពុលថ្មីៗនេះដោយសារការផលិតនំប៉័ងគ្មានអនាម័យ ឬទុកឱ្យម្សៅផលិតនំនោះផ្អូម គឺជាភារកិច្ចរបស់កាំកុងត្រូលហើយ ដែលត្រូវតែធ្វើការត្រួតពិនិត្យទីតាំងផលិតនំប៉័ង ដើម្បីចៀសវាងការពុលបែបនេះតទៅទៀត ។ (សម្រួលដោយ៖ ស្រីណា)
ចែករំលែកព័តមាននេះ