ខេត្តប៉ៃលិន ៖ យុវជនម្នាក់តូចចិត្តនឹងម្តាយស្តីប្រដៅបន្តិចបន្តួច ខណៈដែលផឹកស៊ីជាមួយមិត្តភក្តិស្រវឹងរឹងចចេសបើករថយន្តរត់ចេញពីផ្ទះបាត់ដំណឹងអស់រយៈពេល ៥ថ្ងៃ ទើបឪពុកម្តាយមកដាក់ពាក្យបណ្តឹងនៅការិយាល័យប្រឆាំងការជួញដូរមនុស្ស និងការពារអនីតិជន កាលពីវេលាម៉ោង ៣ និង ១០នាទី រសៀលថ្ងៃទី២៦ កុម្ភៈ ២០១៤។
ខេត្តប៉ៃលិន ៖ យុវជនម្នាក់តូចចិត្តនឹងម្តាយស្តីប្រដៅបន្តិចបន្តួច ខណៈដែលផឹកស៊ីជាមួយមិត្តភក្តិស្រវឹងរឹងចចេសបើករថយន្តរត់ចេញពីផ្ទះបាត់ដំណឹងអស់រយៈពេល ៥ថ្ងៃ ទើបឪពុកម្តាយមកដាក់ពាក្យបណ្តឹងនៅការិយាល័យប្រឆាំងការជួញដូរមនុស្ស និងការពារអនីតិជន កាលពីវេលាម៉ោង ៣ និង ១០នាទី រសៀលថ្ងៃទី២៦ កុម្ភៈ ២០១៤។
យុវជនដែលរត់ចេញពីផ្ទះបាត់ខ្លួនឈ្មោះ យីម ស៊ីថា ភេទប្រុស អាយុ ២៣ឆ្នាំ មានឪពុកឈ្មោះ តា អឿន អាយុ ៥៨ឆ្នាំ ម្តាយឈ្មោះ សា ភ័ក្រ្ត អាយុ ៥៦ឆ្នាំ រស់នៅភូមិអូរច្រាកើត សង្កាត់បរយ៉ាខា ក្រុងប៉ៃលិន។ យុវជនខាងលើបានរត់ចេញពីផ្ទះកាលពីយប់ថ្ងៃទី២១ កុម្ភៈ ២០១៤ ព្រោះខឹងម្តាយស្តីបន្ទោសពីរឿងនាំមិត្តភក្តិផឹកស្រាស្រវឹង។
ឪពុកយុវជនខាងលើបាននិយាយឲ្យដឹងថា កូនគាត់បានដើរជាមួយនិងយុវជនម្នាក់ ដែលត្រូវឪពុកម្តាយគេកាត់កាលចោល ឈ្មោះ ម៉ែន ពិសិដ្ឋ អាយុ ២៥ឆ្នាំ រស់នៅភូមិវាលវង់ សង្កាត់បរយ៉ាខា ក្រុងប៉ៃលិន ដោយយុវជនម្នាក់នោះ ជាមនុស្សមិនល្អ មិនស្តាប់បង្គាប់ឪពុកម្តាយ ហើយខណៈបាត់កូនប្រុសរបស់គាត់ លុះទៅសួរនាំឪពុកម្តាយរបស់គេ ក៏ប្រាប់ថា បាត់កូនរបស់ខ្លួនដែរ។
គាត់ព្រួយបារម្ភក្រែងកូនប្រុសរបស់គាត់ត្រូវគេវាយស្លាប់យកទូរស័ព្ទដៃ ១គ្រឿង ចិញ្ចៀន ១វង់ និងខ្សែ.ក ១ខ្សែ ទម្ងន់ ២ជី ផងដែរ។ ដូច្នេះ គាត់សូមអំពាវនាវដល់បងប្អូនណា ដែលឃើញកូនប្រុសរបស់គាត់ជួយជូនដំណឹងមកគាត់ផង ហើយបើសិនជាកូនគាត់ទៅដល់ទីណាសូមទាក់ទងតាមទូរស័ព្ទមកឪពុកម្តាយដឹងដំណឹងផង ព្រោះពួកគាត់ព្រួយបារម្ភយ៉ាងខ្លាំង៕
ចែករំលែកព័តមាននេះ