រាជធានីភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជា បានបញ្ជាក់ថា អ្នកដែលចូលរួមអមដំណើរ ឬហែហមលោកសម រង្ស៊ី ចូលស្រុកវិញ នឹងត្រូវចាត់ទុកជាជនល្មើសច្បាប់។…
រាជធានីភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជា បានបញ្ជាក់ថា អ្នកដែលចូលរួមអមដំណើរ ឬហែហមលោកសម រង្ស៊ី ចូលស្រុកវិញ នឹងត្រូវចាត់ទុកជាជនល្មើសច្បាប់។ ការបញ្ជាក់របស់អ្នកនាំពាក្យ បន្ទាប់ពីលោកសម រង្ស៊ី បានបញ្ជាក់ថា លោកនឹងចូលមកកម្ពុជាវិញ នៅថ្ងៃទី៩ ខែវិច្ឆិកា ឆ្នាំ២០១៩ ខាងមុខនេះ។
យ៉ាងណាក្តីលោក សុខ ឥសាន បានបញ្ជាក់ឲ្យដឹងនៅថ្ងៃទី១៨ ខែសីហា យ៉ាងដូច្នេះថា ទណ្ឌិតរត់ចោលស្រុកនឹងត្រូវអស់លក្ខណ៍ បើទណ្ឌិតនេះមកមែននឹងត្រូវចាប់ដាក់ខ្នោះបញ្ចូលគុកតាមសាលក្រមរបស់តុលាការ ។ ផ្ទុយទៅវិញបើទណ្ឌិតមិនហ៊ានមកតាមការប្រកាសរួចហើ យនោះ ទណ្ឌិតរូបនេះនឹងត្រូវបដិសេធពីអារម្មណ៍សាធារណៈមតិជាតិ និងអន្តរជាតិទាំងស្រុង។
ជាមួយគ្នានោះផងដែរ លោក សុខ ឥសាន ក៏បានបញ្ជាក់ថា ៖ « ការប្រកាសចូលស្រុកនៅថ្ងៃ ៩ វិច្ឆិកា ខួបទី៦៦ឆ្នាំនៃឯករាជ្យជាតិនោះ គឺទណ្ឌិតរត់ចោលស្រុកគ្មានពាក់ព័ន្ធនឹងថ្ងៃបុណ្យ ឯករាជ្យជាតិនោះទេ ។ ពេលបានឯករាជ្យជាតិ ទណ្ឌិតទើបមានអាយុ៤ឆ្នាំ មានដឹងខ្យល់អី នោះទេ»។
លោកក៏បានហៅការសម្រេចរបស់គណៈកម្មាធិការអចិន្ត្រៃយ៍បក្សប្រឆាំងថា គឺជាការសម្រេចរបស់គណៈអចិន្ត្រៃយ៍ខ្មោច ហើយការសម្រេចមិនបានខ្យល់ អត់ន័យ អត់ប្រសិទ្ធភាព អត់មកចូលស្រុកទេ ។
លោកថា សំដីរបស់លោក សម រង្ស៊ី ព្រៀមដូចជាចុងស្រល់ដែលរេរាំឥតឈប់ ព្រោះថា ម្តងថាចូលទៅផ្តួលរំលំ ហ៊ុន សែន ម្តងថាចូលទៅចាប់ហ៊ុន សែន យកមកកាត់ទោស ម្តងថា ចូលទៅចរចានយោបាយជាមួយ ហ៊ុន សែន ម្តងថាចូលទៅបំផុសកងទ័ព និងប្រជាជនឱ្យបះបោរប្រឆាំង ហ៊ុន សែន ម្តងថាចូលទៅដើម្បីដោះស្រាយ EBA …មិនដឹងពាក្យពិតនៅត្រង់ណាទេ។
លោក សុខ ឥសាន ក៏បានឲ្យដឹងថា ចំពោះជនបរទេសដែលចូលទៅស្រុកខ្មែរ អត់ទិដ្ឋាកា រចូលនឹងត្រូវចាត់ទុកជាអ្នកចូលមកខុសច្បាប់ដែលត្រូវបញ្ចេញជូនទៅប្រទេសដើមវិញ។ បើនៅតែរឹងទទឹងនឹងត្រូវបញ្ជូនទៅតុលាការ ។
លោកបញ្ជាក់ថា៖ «នៅពេលទណ្ឌិតរត់ចោលស្រុកចូលទៅក្នុងប្រទេស អ្នកហែហមនឹងត្រូវចាត់ទុកជាជនល្មើសច្បាប់ ដែលត្រូវទទួលខុសត្រូវចំពោះមុខច្បាប់ពីបទប្រឆាំងនឹងសាលដីកាស្ថាពរ និងបិទផ្លូវតវ៉ារបស់តុលាការកំពូលនៃព្រះរាជាណាចក្រកម្ពុជា ។ ក្តីសង្ឃឹមដែលក្រុមឧទ្ទាមក្រៅច្បាប់រំពឹងទុកមិនអាចក្លាយជាការពិត ខ្មោចអតីតបក្សប្រឆាំងមិនអាចរស់ឡើងវិញជាដាច់ខាត តំណាងរាស្ត្រ សមាជិកព្រឹទ្ធសភា និងក្រុមប្រឹក្សាឃុំ សង្កាត់ដែលត្រូវបែង ចែកតាមច្បាប់ទៅឲ្យគណបក្សផ្សេងៗដែលបានធ្វើសកម្មភាពនយោបាយស្របច្បាប់មិនអាចមានមុខឡើងវិញជាថ្មីជាដាច់ខាត» ។
លោកបន្ថែមថា កិច្ចការនយោបាយ និងការអនុវត្តច្បាប់ គឺជារឿងដាច់ដោយឡែកពីគ្នា សកម្មភាពនយោបាយដែលជ្រុលនិយមនាំដល់ល្មើសច្បាប់ធ្ងន់ធ្ងរមិនអាចសម្របស ម្រួលថា ជារឿងនយោបាយបានឡើយ។ បើពុំដូច្នោះទេ គោលការណ៍លទ្ធិប្រជាធិបតេយ្យ និ នីតិរដ្ឋនឹងត្រូវបំផ្លាញ។
យោងតាមវីដេអូឃ្លីបលោក សម រង្ស៊ី អតីតប្រធានគណបក្សសង្គ្រោះជាតិបានលើកឡើងថាលោកត្រូវបាននិរទេសខ្លួននៅក្រៅប្រទេសអស់រយៈពេលជាង៤ឆ្នាំហើយ ។ លោកបញ្ជាក់ថា៖ «៤ឆ្នាំហើយដែល ហ៊ុន សែន បង្ខំខ្ញុំនិរទេសខ្លួននៅក្រៅប្រទេស។ អាលូវដល់ដំណាក់ចុងក្រោយ ឬដំណាក់កាលផ្តាច់ព្រាត់ ជាក់ស្តែងនោះគណៈកម្មការអចិន្ត្រៃយ៍ គណបក្សសង្គ្រោះជាតិបានសម្រេចប្រកាសកាលពីថ្ងៃ១៧ សីហា ឲ្យខ្ញុំនឹងវិលមកកម្ពុជាវិញនៅថ្ងៃ៩ វិច្ឆិកាខាងមុខនេះ»
លោកសម រង្ស៊ី បានបន្ថែមថា លោកបានទៅដល់ច្រើនប្រទេសហើយ ដើម្បីស្វែងការគាំទ្រពីការចូលស្រុកវិញ។ ហើយពេលនេះលោកបានមកប្រទេសម៉ាឡេស៊ី ដែលជាប្រទេសមួយជិតនឹងប្រទេសកម្ពុជាផងដែរ ។ នឹងបន្តិចទៀត នឹងមកដល់ស្រុកខ្មែរតែម្តង។ លោកបញ្ជាក់ថា៖«ម្សិលមិញនេះ ខ្ញុំបានធ្វើសេចក្តីសម្រេចមួយសំខាន់ជាងគេបំផុតក្នុងជីវិតរបស់ខ្ញុំថា ត្រឡប់ទៅស្រុកកំណើតរបស់យើងវិញ ទៅជួយប្រជារាស្ត្រខ្មែរឲ្យទាស់តែបាន។ យើងអាណិតបានជួយពីក្រៅ តែឲ្យលូវយើងមកជួយគាត់នៅក្នុងប្រទេសវិញ»។
លោកសម រង្ស៊ី បានអះអាងថា លោកមកកម្ពុជាលើកនេះ ដើម្បីមកដោះស្រាយបញ្ហារបស់ជាតិឲ្យទាល់តែបាន ព្រោះប្រសិនបើបណ្តោយឲ្យពេលវេលាកាន់តែគន្លងទៅ ប្រទេសនឹងរលាយតែម្តង៕ (កែសម្រួលដោយ ៖ បុប្ផា)
ចែករំលែកព័តមាននេះ