រាជធានីភ្នំពេញៈមន្រ្តីជាន់ខ្ពស់គណបក្សប្រជាជនកម្ពុជា លោក ឈាង វុន បានមានប្រសាសន៏បា្រប់ក្រុមអ្នករាយការណ៏ព័ត៌មាននៅព្រឹកថ្ងៃទី២៥ កុម្ភៈ ២០១៤នេះថា គណបក្សប្រជាជនកម្ពុជាបានយល់ព្រមតាមសំណើរបស់គណបក្សសង្គ្រោះជាតិក្នុងសុំជួបគ្នាជាថ្មីនៅថ្ងៃទី២៧ កុម្ភៈ ។
រាជធានីភ្នំពេញៈមន្រ្តីជាន់ខ្ពស់គណបក្សប្រជាជនកម្ពុជា លោក ឈាង វុន បានមានប្រសាសន៏បា្រប់ក្រុមអ្នករាយការណ៏ព័ត៌មាននៅព្រឹកថ្ងៃទី២៥ កុម្ភៈ ២០១៤នេះថា គណបក្សប្រជាជនកម្ពុជាបានយល់ព្រមតាមសំណើរបស់គណបក្សសង្គ្រោះជាតិក្នុងសុំជួបគ្នាជាថ្មីនៅថ្ងៃទី២៧ កុម្ភៈ ។
បើតាមលោក ឈាង វុន ជំនួបរវាងក្រុមការងារបច្ចេកទេសនៃគណបក្សទំាងពីរនឹងបា្ររព្ឋធ្វើនៅមន្ទីរព្រឹទ្ឋសភា ប៉ុន្តែមិនបានបញ្ជាក់ពីពេលវេលាជាក់លាក់នោះទេ ។
កាលពីថ្ងៃទី២២ កុម្ភៈ ២០១៤ ក្រុមបច្ចេកទេសរបស់គណបក្សសង្គ្រោះជាតិ បានដាក់លិខិតជាផ្លូវការស្នើសុំទៅក្រុមបច្ចេកទេសរបស់គណបក្សប្រជាជនកម្ពុជា ដើម្បីបន្តជួបចរចាគ្នាជាថ្មីដោយកំណត់យកថ្ងៃទី២៧កុម្ភៈ ប៉ុន្តែភ្លាមៗមិនទាន់មានការឆ្លើយតបពីគណបក្សប្រជាជនកម្ពុជានៅនោះទេ ។
គួររំលឹកថាកាលពីថ្ងៃទី១៨កុម្ភៈ២០១៤កន្លងមកនៅវិមានព្រឹទ្ឋសភាក្រុមកាងារបច្ចេកទេសបក្សនយោបាយទាំងពីរ បានជួបប្រជុំពិភាក្សាគ្នាម្តងហើយ និងបានឯកភាពព្រមព្រៀងគ្នា៣ចំណុចរួមមាន៖
ទី១‑ស្នើឲ្យបង្កើតគណៈកម្មាធិការចម្រុះមួយដោយមានសមាសភាពស្មើគ្នាមកពីគណបក្សដែលមានអាសនៈក្នុងរដ្ឋសភា ដើម្បីសិក្សានិងរៀបចំកំណែទម្រង់ការបោះឆ្នោតនាពេលខាងមុខស្របតាមគោលការណ៍នៃលទ្ធិប្រជាធិបតេយ្យ និង នីតិរដ្ឋសំដៅដល់ការធានាឲ្យការបោះឆ្នោតប្រព្រឹត្តទៅប្រកបដោយសេរី ត្រឹមត្រូវនិងយុត្តិធម៌។
ទី២‑ ដើម្បីរៀបចំក្របខណ្ឌ កំណែទម្រង់ការបោះឆ្នោតនេះ គណៈកម្មការចម្រុះត្រូវរៀបចំឲ្យមានសិក្ខាសាលាជាតិមួយ ដើម្បីបើកទូលាយឲ្យមានការចូលរួមផ្តល់យោបល់ និងអនុសាសន៍នានាពីសំណាក់មជ្ឍដ្ឋានជាតិ និងអន្តរជាតិ រួមទំាងដៃគូអភិវឌ្ឍន៍ គណបក្សនយោបាយដែលបានចុះបញ្ជី សង្គមស៊ីវិល ដែលមានជំនាញលើការបោះឆ្នោត ព្រមទាំងតួអង្គពាក់ព័ន្ធ ។ ទន្ទឹមនេះត្រូវតែបង្កលក្ខណៈ ឲ្យមានការចូលរួមរបស់ប្រជាពលរដ្ឋ ក្នុងកាផ្តល់មតិយោបល់សម្រាប់ការកែទម្រង់ការបោះឆ្នោត ជាអាទិ៍តាមរយៈវេទិការសាធារណៈ។
ទី៣‑ ក្នុងកិច្ចដំណើរការនៃកំណែទម្រង់ការបោះឆ្នោតនេះ ត្រូវបង្កលក្ខណៈឲ្យមានការគំាទ្របច្ចេកទេស និងហិរញ្ញវត្ថុពីដៃគូរអភិវឌ្ឍន៍ និងអង្កការជាតិ និងអន្តរជាតិ ។
ហើយក្រុមការងារលើកឡើងទៀតថា ក្រុមការងារទំាងពីរ នឹងរាយការណ៍អំពីលទ្ធផលនៃកិច្ចប្រជុំនេះ ជូនថ្នាក់ដឹកនំាគណបក្សរៀងៗខ្លួន ហើយបានឯកភាពគ្នាបន្ត ជួបគ្នាលើកក្រោយទៀត ដើម្បីឈានដល់ជំនួបកំពូលរវាងមេដឹកនំាគណបក្សទំាងពីរ ៕
ចែករំលែកព័តមាននេះ