រាជធានីភ្នំពេញ ៖ ភោជនីយដ្ឋាន និងសណ្ឋាគារមីនជូ ដែលមានថៅកែជាជនជាតិចិន តែងតែបង្ខំឱ្យកម្មករធ្វើការលើសម៉ោង ទាំងឱ្យហូបអាហារដែលនៅសល់ពីភ្ញៀវទៀត ទើបបុគ្គលិកទ្រាំទ្រមិនបាននាំគ្នាធ្វើកូដកម្មជញ្ជូនអីវ៉ាន់ទៅដាក់នៅក្នុងហាង ហើយនាំគ្នាសុំបើកប្រាក់ខែឈប់ធ្វើការ ។
រាជធានីភ្នំពេញ ៖ ភោជនីយដ្ឋាន និងសណ្ឋាគារមីនជូ ដែលមានថៅកែជាជនជាតិចិន តែងតែបង្ខំឱ្យកម្មករធ្វើការលើសម៉ោង ទាំងឱ្យហូបអាហារដែលនៅសល់ពីភ្ញៀវទៀត ទើបបុគ្គលិកទ្រាំទ្រមិនបាននាំគ្នាធ្វើកូដកម្មជញ្ជូនអីវ៉ាន់ទៅដាក់នៅក្នុងហាង ហើយនាំគ្នាសុំបើកប្រាក់ខែឈប់ធ្វើការ ។
ហេតុការណ៍នេះកើតឡើងកាលពីវេលាម៉ោង៩ និង៥នាទីយប់ថ្ងៃទី២៥ កុម្ភៈ ២០១៤ តាមមហាវិថីសហព័ន្ធរុស្ស៊ី ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។ បុគ្គលិកភោជនីយដ្ឋាន និងសណ្ឋាគារមីនជូចំនួន១១នាក់ ស្រី៩នាក់ ប្រុស២នាក់ បានឲ្យដឹងថា ហាងខាងលើនេះ មានថៅកែជាជនជាតិចិនជាអ្នកគ្រប់គ្រងដោយសន្យាថា ឱ្យបុគ្គលិកស្នាក់នៅ និងហូបចុកគ្រប់គ្រាន់នៅក្នុងហាងតែម្តង គឺចូលធ្វើការពេលព្រឹកពីម៉ោង៨ ដល់ម៉ោង២រសៀល ចំណែកពេលល្ងាចចូលធ្វើការពីម៉ោង៤ល្ងាច ដល់ម៉ោង៩យប់ ប៉ុន្តែថៅកែមិនបានអនុវត្តតាមម៉ោងពេលខាងលើទេ បែរជាបង្ខំឱ្យបុគ្គលិកចូលធ្វើការមុនម៉ោងកំណត់ ហើយចេញពីធ្វើការលើសម៉ោងទៀត។
ចំពោះការហូបចុកវិញ ថៅកែមិនដែលរៀបចំឱ្យបានត្រឹមត្រូវទេ គឺឱ្យបុគ្គលិកហូបចុកតែអាហារដែលនៅសល់ពីភ្ញៀវជាជនជាតិចិនដែលចូលស្នាក់នៅ ទុកឲ្យបុគ្គលិកជារៀងរាល់ថ្ងៃ ទើបបុគ្គលិកអត់ទ្រាំមិនបាន នាំគ្នាជញ្ជូនអីវ៉ាន់យកទៅដាក់នៅខាងមុខហាងហើយសុំថៅកែបើកប្រាក់ខែ ដើម្បីលាឈប់ពីការងារ ។
ចែករំលែកព័តមាននេះ