ខេត្តបាត់ដំបង ៖ ជនជាប់ចោទម្នាក់ដែលមានមុខរបរបោចមាន់លក់ ត្រូវសមត្ថកិច្ចបញ្ជូនទៅកាន់តុលាការ កាលពីព្រឹកថ្ងៃទី២៤ កុម្ភៈ ក្រោយពីសង្ស័យថា ជននេះបានចាប់នារីដែលមានរបរលក់មាន់បោចម្នាក់រំលោ.ភសេពសន្ថវៈ កាលពីចុងសប្ដាហ៍មុននៅឃុំគោកឃ្មុំ ស្រុកថ្មគោល ។
ខេត្តបាត់ដំបង ៖ ជនជាប់ចោទម្នាក់ដែលមានមុខរបរបោចមាន់លក់ ត្រូវសមត្ថកិច្ចបញ្ជូនទៅកាន់តុលាការ កាលពីព្រឹកថ្ងៃទី២៤ កុម្ភៈ ក្រោយពីសង្ស័យថា ជននេះបានចាប់នារីដែលមានរបរលក់មាន់បោចម្នាក់រំលោភសេពសន្ថវៈ កាលពីចុងសប្ដាហ៍មុននៅឃុំគោកឃ្មុំ ស្រុកថ្មគោល ។ មន្រ្តីនគរបាលការិយាល័យព្រហ្មទណ្ឌកម្រិតធ្ងន់ខេត្តបានឲ្យដឹងថា ជនសង្ស័យឈ្មោះតាន់ សារ៉ាត់ អាយុ៣៤ឆ្នាំ មានប្រពន្ធនិងកូន២នាក់ក្នុងបន្ទុក រីឯស្រ្តីរងគ្រោះអាយុ៣២ឆ្នាំ ត្រូវជាម៉ូយរបស់ជនសង្ស័យដែរ ។
មន្រ្តីដដែលបន្តថា មុនពេលកើតហេតុ ជនជាប់ចោទ និងនារីរងគ្រោះបានផឹកស៊ីជុំគ្នានៅផ្ទះស្រ្តីមេម៉ាយម្នាក់ឈ្មោះនាង អាយុ៤៥ឆ្នាំ នៅរសៀលថ្ងៃទី២១ កុម្ភៈ ។ លុះពេលស្រវឹង និងខណៈស្រ្តីម្ចាស់ផ្ទះចេញទៅទិញស្រាបៀរមកផឹកបន្តក៏មានរឿងនេះកើតឡើង ។ ជនជាប់ចោទត្រូវសមត្ថកិច្ចឃាត់ខ្លួននៅល្ងាចថ្ងៃទី២២ កុម្ភៈ ក្រោយពីស្រ្តីរងគ្រោះដាក់ពាក្យប្ដឹងបុរសនោះ ។ ទោះជាយ៉ាងណា ជនជាប់ចោទឈ្មោះតាន់ សារ៉ាត់ បានបដិសេធការប្ដឹងចោទប្រកាន់នេះប៉ុន្តែបានសារភាពថា ខ្លួនបានចាប់សម្រាតសម្លៀកបំពាក់នាងនិងសម្លៀកបំពាក់ខ្លួនឯងដែរ តែមិនបានចាប់រំលោភទេ ។ ជននេះបញ្ជាក់ថា ខ្លួនបានត្រឹមតែឱបថើបបបោសអង្អែលនាងប៉ុណ្ណោះ មិនបានរំលោភឲ្យស៊ីជម្រៅឡើយ ។ ជនឈ្មោះតាន់ សារ៉ាត់ និយាយថា ខ្លួននិងនារីលក់មាន់រួមទាំងស្រ្តីម្ចាស់ផ្ទះឈ្មោះនាង បានណាត់ផឹកស៊ីជុំគ្នានៅរសៀលថ្ងៃកើតហេតុ ហើយគ្រានោះស្រ្តីម្ចាស់ផ្ទះបានទៅរកទិញស្រាបៀរមកផឹកបន្តដែលបានឱកាសខ្លួនក៏ឱបថើបនាងដែលមានការពេញចិត្តពេញថ្លើមពីនាងដែរ ។ លុះពេលកំពុងប្រតិបត្តិការនៅលើគ្រែស្រាប់តែស្រ្តីម្ចាស់ផ្ទះមកដល់ ពួកខ្លួនក៏បញ្ឈប់សកម្មភាពទៅ ។
បើទោះជាជនសង្ស័យបានបដិសេធមិនទទួលខុសត្រូវក្ដី តែនារីរងគ្រោះបានប្រាប់សមត្ថកិច្ចថា ឈ្មោះតាន់ សារ៉ាត់ ពិតជាចាប់នាងរំលោភលើគ្រែនៅក្នុងផ្ទះរហូតបានសម្រេចមែនពេលនាងស្រវឹង និងឆក់ឱកាសពេលដែលស្រ្តីម្ចាស់ផ្ទះចេញទៅទិញស្រាបៀរបន្ថែម ។ ក្រោយពីរំលោភនាងបានសម្រេច ម្ចាស់ផ្ទះឈ្មោះនាង ក៏បានមកទាន់ភ្លាមៗដែរ ។ ជុំវិញបញ្ហានេះ ស្រ្តីម្ចាស់ផ្ទះឈ្មោះនាង ដែលជាសាក្សីសំខាន់បានបញ្ជាក់ប្រាប់សមត្ថកិច្ចដែរថា ពេលខ្លួនត្រឡប់មកពីទិញស្រាបៀរវិញខ្លួនបានឃើញភាគីទាំង២នៅជាមួយគ្នាក្នុងសភាពអាក្រាតកាយតែមិនដឹងថា ពួកគេបានធ្វើអ្វីខ្លះនោះទេ ។ សាក្សីរូបនេះបញ្ជាក់ទៀតថា ពេលកំពុងផឹកស៊ីពួកគេបានប្រឡែងគ្នាលេងយ៉ាងល្អូកល្អឺន គ្រានោះដោយសារអស់ស្រាបៀរផង ខ្លួនក៏ទៅរកទិញស្រាបៀរមកផឹកបន្ត លុះត្រឡប់មកវិញក៏ប្រទះឃើញពួកគេកំពុងសម្ដែងឈុតឆាកក្ដៅសាច់តែមិនដឹងថា ពួកគេសម្ដែងដល់ត្រឹមណាទេ ។ ទោះជាយ៉ាងណា បើតាមសមត្ថកិច្ចថា ស្រ្តីរងគ្រោះបានទារប្រាក់ពីជនសង្ស័យចំនួន២.០០០ដុល្លារធ្វើទុនរកស៊ីក្រោយពីសម្ដែងរឿងក្ដៅសាច់នេះចប់ តែភាគីខាងប្រុសប្រាប់ថា មិនទាន់មាន ។
លុះនៅល្ងាចថ្ងៃទី២២កុម្ភៈពេលដែលឈ្មោះតាន់ សារ៉ាត់ ជិះម៉ូតូទៅរកទិញទាអាំងក៏ត្រូវសមត្ថកិច្ចស្រុកថ្មគោលឃាត់ខ្លួនតែម្ដងដោយយោងលើបណ្ដឹងរបស់ស្រ្តីលក់មាន់បោចដែលបានប្ដឹងចោទថៅកែបោចមាន់ថាបានចាប់រំលោភនាង ។ ជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមផ្លូវច្បាប់ហើយ ៕
ចែករំលែកព័តមាននេះ