ខេត្តស្ទឹងត្រែង ៖ អភិបាលខេត្តស្ទឹងត្រែង លោកម៉ុម សារឿន បានលើកឡើងពីសក្តានុពលក្នុងខេត្ត ដោយលោកបានផ្តោតសំខាន់លើបញ្ហាទឹកស្អាត ដែលចែកចាយប្រើប្រាស់មិនបានគ្រប់គ្រាន់ ។ ថ្លែងបែបនេះ…
ខេត្តស្ទឹងត្រែង ៖ អភិបាលខេត្តស្ទឹងត្រែង លោកម៉ុម សារឿន បានលើកឡើងពីសក្តានុពលក្នុងខេត្ត ដោយលោកបានផ្តោតសំខាន់លើបញ្ហាទឹកស្អាត ដែលចែកចាយប្រើប្រាស់មិនបានគ្រប់គ្រាន់ ។ ថ្លែងបែបនេះ នៅក្នុងពិធីសម្ពោធដាក់អោយប្រើប្រាស់ជាផ្លូវការនូវផ្លូវកៅស៊ូប្រភេទDBST នៅក្នុងសង្កាត់ស្រះប្ញស្សី ក្រុងស្ទឹងត្រែង ។
ទាក់ទិនបញ្ហាទឹកស្អាតនៅខេត្តស្ទឹងត្រែង ជារឿងរាំុរ៉ៃរយៈពេលជិត១០ឆ្នាំមកហើយ ដែលប្រជាពលរដ្ឋជួបប្រទះ ហើយកក្តាទាំងនេះដោយសារតែកំណើនប្រជាណលរដ្ឋកើនឡើងច្រើន ។ រីឯប្រព័ន្ធស្ថានីយរដ្ឋករទឹកមានទំហំផ្តល់មិនគ្រប់គ្រាន់ ហើយឧបករណ៍មួយចំនួនខូច ។ ចំណែកឯការដេញថ្លៃមិនចេះត្រូវថ្លៃបរាជ័យពីមួយដំណាក់កាលទៅមួយដំណាក់ ។
បញ្ហាទាំងនេះ ធ្វើអោយប្រជាពលរដ្ឋប្រឈមកង្វះទឹកស្អាត ដើម្បីប្រើប្រាស់ហើយត្រូវបង្ខំទិញទឹកតាមរថយន្តរបស់ឯកជនមានតម្លៃថ្លៃដែលមិនបានឆ្លងកាត់ប្រព័ន្ធសម្លាប់មេរោគទទួលនូវគុណភាពនោះឡើយ
គឺទឹកទាំងនោះ ពួកគាត់បូមពីទន្លេលក់ទៅប្រជាពលរដ្ឋអ្នកដឺរេចតែម្តង។ លោក ម៉ម សារឿន បានលើកឡើងថា ខេត្តស្ទឹងត្រែងមានទាំងធនធានមនុស្សមានទងផ្លូវស្ពានថ្នល់ មានទាំងភ្លើងអគ្គីសនីកម្លាំង៤០០ មេកាវ៉ាត់ម៉ោង តែបញ្ហាតែរឿងទឹកស្អាត ។
លោកបន្តថា បច្ចុប្បន្នកំពុងដាក់ដំណើរការអោយដេញថ្លៃដោយថ្នាក់ជាតិនិងអន្តរជាតិនិងត្រូវបញ្ចប់ការដេញថ្លៃគម្រោងនេះចុងក្រោយត្រឹមខែគុម្ភះ២០២០ខាងមុខ។ថ្លែងបែបនេះនៅក្នុងពិធីដាក់សម្ភោធអោយប្រើប្រាស់ជាផ្លូវការនៅផ្លូវកៅស៊ូប្រភេទDBST ផ្លូវលេខ៥៤ប្រវែង២៦៧៥ម៉ែត្រទទឹង៧ម៉ែត្រ លូមុខ១ម៉ែត្រស្ថិតនៅសង្កាត់ព្រះបាទក្រុងស្ទឹងត្រែងកាលពីព្រឹកថ្ងៃទី១៦សីហា២០១៩។
គួរបញ្ជាក់ថា កាលពីឆ្នាំ២០១៧ដល់ដើមឆ្នាំ២០១៨ផ្លូវនេះគឺខូចខាតទាំងស្រុងហើយត្រូវបានស្តាស្ថានាឡើងវិញនៅថ្ងៃទី១៤កញ្ញា ឆ្នាំ២០១៨និងរួចរាល់ជាស្ថាពរនៅថ្ងៃទី៣១ខែ ធ្នូ ឆ្នាំ២០១៨ ។ (សម្រួលដោយ៖ ស្រីណា)
ចែករំលែកព័តមាននេះ