ខេត្តរតនគិរី៖ បើតាមអ្នកឆ្លើយឆ្លងព័ត៌មានកោះសន្តិភាពដែលស្រង់សម្តីប្រជាពលរដ្ឋឲ្យដឹងថា ឈើប្រណីតប្រភេទធ្នង់ បេង និង នាងនួន ត្រូវបានក្រុមឈ្មួញដឹកចេញតាមច្រក១៩ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ក្បែរច្រកទ្វារអន្តរជាតិអូរយ៉ាដាវ ក្នុងមួយយប់ៗពី១០ទៅ២០រថយន្ត ដូចហែកឋិន ដោយពុំមានសមត្ថកិច្ចជំនាញខាងណាឃាត់សួរនំា ឬ ចាប់ឡើយ ។
ខេត្តរតនគិរី៖ បើតាមអ្នកឆ្លើយឆ្លងព័ត៌មានកោះសន្តិភាពដែលស្រង់សម្តីប្រជាពលរដ្ឋឲ្យដឹងថា ឈើប្រណីតប្រភេទធ្នង់ បេង និង នាងនួន ត្រូវបានក្រុមឈ្មួញដឹកចេញតាមច្រក១៩ ស្ថិតក្នុងភូមិប៉ក់ធំ ឃុំប៉ក់ញ៉ៃ ស្រុកអូរយ៉ាដាវ ក្បែរច្រកទ្វារអន្តរជាតិអូរយ៉ាដាវ ក្នុងមួយយប់ៗពី១០ទៅ២០រថយន្ត ដូចហែកឋិន ដោយពុំមានសមត្ថកិច្ចជំនាញខាងណាឃាត់សួរនំា ឬ ចាប់ឡើយ ។
សេចក្តីរាយការណ៏បានបន្តថា ឈើប្រណីតដែលត្រូវគេដឹកតាមផ្លូវជាតិលេខ៧៨ ចេញពីស្រុកតាវែង វ៉ឺនសៃ និង ស្រុកកូនមុំ ដោយរថយន្តប្រភេទតាកូម៉ា វីហ្គោ ធូនដ្រា Luxus , Sangyuongនិងប្រភេទ Landcruiser ត្រូវបានក្រុមឈ្មួញបង់ឲ្យប្រធានច្រក១៩ ក្នុងមួយរថយន្តចាប់ពី៥០ ទៅ១០០ដុល្លារ ។
ប្រភពបានបញ្ជាក់ឲ្យដឹងទៀតថា នៅពេលដែលឮថា មន្រ្តីមកពីថ្នាក់ក្រសួងណាមួយចុះមកពិនិត្យ ក្រុមមន្រ្តីច្រកបានផ្តល់ព័ត៌មានឲ្យក្រុមឈ្មួញផ្អាកការដឹកឈើនោះថែមទៀត ។
យ៉ាងណាក៏ដោយ នៅរសៀលថ្ងៃទី២៤ កុម្ភៈ ២០១៤ កោះសន្តិភាពនៅមិនទាន់អាចរកសុំការបំភ្លឺបានភ្លាមៗនៅឡើយទេ ពីមន្រ្តីច្រក១៩ ជុំវិញការចោទប្រកាន់ពីសំណាក់ប្រជាពលរដ្ឋខាងលើនេះ ៕
ចែករំលែកព័តមាននេះ