ខេត្តស្ទឹងត្រែង ៖ រថយន្តខ្នាតយក្សមួយគ្រឿងត្រូវបានកម្លាំងជំនាញរដ្ឋបាលព្រៃឈើ សហការជាមួយអាវុធហត្ថស្នាក់ការ៧២២ភ្នំក្រហម និងនគរបាលប្រឆាំងបទល្មើសសេដ្ឋកិច្ចខេត្ត ស្ទាក់ចាប់បានកាលពីវេលាម៉ោង៩និង៣០នាទីយប់ថ្ងៃទី២២ កុម្ភៈ ២០១៤ នៅចំណុចផ្លូវលេខ៧អា ព្រំប្រទល់ខេត្តស្ទឹងត្រែងនិងខេត្តក្រចេះ ស្ថិតក្នុងភូមិអូរច្រឡង់
ខេត្តស្ទឹងត្រែង ៖ រថយន្តខ្នាតយក្សមួយគ្រឿងត្រូវបានកម្លាំងជំនាញរដ្ឋបាលព្រៃឈើ សហការជាមួយអាវុធហត្ថស្នាក់ការ៧២២ភ្នំក្រហម និងនគរបាលប្រឆាំងបទល្មើសសេដ្ឋកិច្ចខេត្ត ស្ទាក់ចាប់បានកាលពីវេលាម៉ោង៩និង៣០នាទីយប់ថ្ងៃទី២២ កុម្ភៈ ២០១៤ នៅចំណុចផ្លូវលេខ៧អា ព្រំប្រទល់ខេត្តស្ទឹងត្រែងនិងខេត្តក្រចេះ ស្ថិតក្នុងភូមិអូរច្រឡង់ ឃុំអូរឫស្សីកណ្តាល ស្រុកសៀមបូក ខណៈដឹកទំនិញពីខេត្តស្ទឹងត្រែងទៅភ្នំពេញ ។
មន្ត្រីជំនាញរដ្ឋបាលព្រៃឈើបានឱ្យដឹងនៅព្រឹកថ្ងៃទី២៤ កុម្ភៈ ថា នៅក្នុងរថយន្តយីឌុបនេះបានបន្លំដាក់ឈើប្រណីតចំនួន១៥សន្លឹក មានឈើប្រភេទនាងនួនចំនួន៣សន្លឹក និងឈើធ្នង់ចំនួន១២សន្លឹក នៅចន្លោះក្រោយកាបីនរថយន្ត។
មន្ត្រីរដ្ឋបាលព្រៃឈើដដែលបានបន្ថែមឲ្យដឹងថា រថយន្តយីឌុបដែលសមត្ថកិច្ចធ្វើការបង្ក្រាបនេះ មានទ្រុងនិងក្បាលពណ៌ខៀវ គ្មានស្លាកលេខ ជាកម្មសិទ្ធរបស់ឈ្មោះ ជា គឹមស្រីរដ្ឋ ហៅជ្រូក អាយុប្រហែលជាង៣០ឆ្នាំ មានទីលំនៅក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ៕
ចែករំលែកព័តមាននេះ