រាជធានីភ្នំពេញ ៖ បរិមាណភ្ញៀវទេសចរបរទេសដែលមកកាន់រាជធានីភ្នំពេញតាមច្រកព្រលានយន្តហោះអន្តរជាតិ-ភ្នំពេញក្នុងខែមករា ឆ្នាំ២០១៤ នេះ មានការថយចុះប្រមាណ៣,៣៦% បើប្រៀបធៀបខែធ្នូ ឆ្នាំ២០១៣កន្លងទៅ ។
រាជធានីភ្នំពេញ ៖ បរិមាណភ្ញៀវទេសចរបរទេសដែលមកកាន់រាជធានីភ្នំពេញតាមច្រកព្រលានយន្តហោះអន្តរជាតិ-ភ្នំពេញក្នុងខែមករា ឆ្នាំ២០១៤ នេះ មានការថយចុះប្រមាណ៣,៣៦% បើប្រៀបធៀបខែធ្នូ ឆ្នាំ២០១៣កន្លងទៅ ។
មន្ត្រីមន្ទីរទេសចរណ៍រាជធានីភ្នំពេញបានអះអាងថា មូលហេតុនៃការថយចុះនោះ គឺបណ្តាលមកពីពេលវេលាដែលប្រជាពលរដ្ឋតាមបណ្តាប្រទេសចូលបំពេញការងារវិញ បន្ទាប់ពីឈប់សម្រាក ។ លោកតាំង សុចិត្តគ្រឹស្នា ប្រធានមន្ទីរទេសចរណ៍រាជធានីភ្នំពេញបានឲ្យដឹងថា ក្នុងដែលមករា ឆ្នាំ២០១៤នេះ ភ្ញៀវទេសចរបរទេសដែលចូលមកកាន់រាជធានីភ្នំពេញតាមច្រកព្រលានយន្តហោះអន្តរជាតិ-ភ្នំពេញមានចំនួន១០០.៨៧៤នាក់ រួមមាន១៤៣សញ្ជាតិ ហើយបើប្រៀបធៀបខែធ្នូឆ្នាំ២០១៣ដែលភ្ញៀវបរទេសមានចំនួន១០៤.៣៨៣នាក់ គឺមានការថយចុះប្រមាណ៣,៣៦% ។
លោកតាំង សុចិត្តគ្រឹស្នា បានបញ្ជាក់ថា ភ្ញៀវទេសចរបរទេសដែលចូលមករាជធានីភ្នំពេញ ក្នុងគោលបំណងសម្រាកលំហែកម្សាន្តទេសចរណ៍ធុរកិច្ច រួមទាំងពាណិជ្ជករគណៈប្រតិភូអន្តរជាតិ និងជនជាតិខ្មែររស់នៅបរទេស ។ យ៉ាងណាក៏ដោយ លោកប្រធានមន្ទីរបានអះអាងថា ចំនួនភ្ញៀវទេសចរបរទេសដែលថយចុះនោះមិនមែនមកពីហេតុផលនយោបាយ ឬអ្វីផ្សេងទៀតនោះទេ ប៉ុន្តែជាពេលវេលាដែលជនបរទេសត្រូវត្រឡប់ចូលធ្វើការងារវិញ បន្ទាប់ពីឈប់សម្រាកមួយរយៈមក ។
ចែករំលែកព័តមាននេះ