១-រថយន្តកកស្ទះដោយព្រិលនៅអាមេរិក
ប៉ូលិសចរាចរណ៍ម្នាក់ បានចូលទៅជួយអ្នកបើកបររថយន្ត ដែលកកស្ទះលើដងផ្លូវ ក្នុងទីក្រុងរ៉ាលី រដ្ឋន័រការ៉ូទ្បៃណា សហរដ្ឋអាមេរិក ដោយសារព្យុះព្រិលគ្របដណ្តប់ពេញដងផ្លូវ ។
១-រថយន្តកកស្ទះដោយព្រិលនៅអាមេរិក
ប៉ូលិសចរាចរណ៍ម្នាក់ បានចូលទៅជួយអ្នកបើកបររថយន្ត ដែលកកស្ទះលើដងផ្លូវ ក្នុងទីក្រុងរ៉ាលី រដ្ឋន័រការ៉ូទ្បៃណា សហរដ្ឋអាមេរិក ដោយសារព្យុះព្រិលគ្របដណ្តប់ពេញដងផ្លូវ ។
២-តុក្កតាបាល់ទាត់ពិភពលោកនៅប្រេស៊ីល
ស្ត្រីបុគ្គលិកក្នុងរោងចក្រម្នាក់ រៀបលម្អឈុតតុក្កតា ក្នុងរោងចក្រផលិតតុក្កតាធៀនឆាង ខេត្តអានហ៊ុុយ ប្រទេសចិន ។ នោះជាតុក្កតាម៉ាស្កុតនិមិត្តរូបនៃការប្រកួតបាល់ទាត់ពិភពលោក ២០១៤ ដែលប្រេស៊ីលជាម្ចាស់ផ្ទះ ពីថ្ងៃទី១២ មិថុនា ដល់ថ្ងៃទី១៣ កក្កដា ឆ្នាំ២០១៤ ។
៣-ផែនដីថ្មី
រូបគំនូរយកលំនាំតាមផ្កាយ KOI-314C ជាផ្កាយព្រះគ្រោះមានរាងមូល និងមានទម្ងន់ស្មើនឹងផែនដី ប៉ុន្តែធំជាង៤ដង ។ ផ្កាយនោះមានស្រទាប់បរិយាកាសក្រាស់ ខណៈពេលអ្នកតារាសាស្ត្រហៅវាថា «ស៊ុបពើអ៊ើត» (Super Earth) ប្រទះឃើញនៅក្រៅប្រព័ន្ធ ។ រូបគំនូរនោះ ដាក់តាំងបង្ហាញក្នុងមជ្ឈមណ្ឌល «រូបសាស្ត្រអាកាសធាតុ ហាវើត ស្មីតសូនៀន» ។
៤-ច្របាច់ដោះចៀម
កសិករចិញ្ចឹមចៀមជនជាតិឥណ្ឌា បានយកចិត្តទុកដាក់ច្របាច់យកទឹកដោះចៀម នៅវាលស្មៅកណ្តាលហ្វូងចៀម ក្រោមអាកាសធាតុដ៏ត្រជាក់ នាជាយក្រុងញូវដេលី ។
៥-ម៉ាស៊ីនថត 4G «Liquid Image Ego LS»
ម៉ាស៊ីនថតដ៏តូចមានរូបភាពច្បាស់៨លានភិចស៊ែល ដោយមាន Wi-Fi និង Bluetooth បញ្ជាដោយប្រព័ន្ធសំទ្បេងគ្មានខែ្ស «4G LTE» បានបង្ហាញជាលើកដំបូងក្នុងពិព័រណ៍ ក្នុងក្រុងទ្បាសវ៉េហ្គាស រដ្ឋនេវ៉ាដា សហរដ្ឋអាមេរិក ។
៦-កាំជ្រួចសប្បុរសធម៌
ពលរដ្ឋបានទស្សនាកាំជ្រួចនៅបរិវេណខាងមុខ ប្រាសាទវប្បធម៌ និងវិទ្យាសាស្ត្រ ក្នុងទីក្រុងវ៉ាសូវី ប្រទេសប៉ូទ្បូញ នៅក្នុងពិធីសប្បុរសធម៌ ប្រមូលទុនទិញឧបករណ៍វេជ្ជសាស្ត្រ កាលពីពេល ថ្មីៗកន្លងទៅ ។
៧-ឈុតក្នុងច្នៃពីមាស
ហាងលក់មាស ក្នុងទីក្រុងអ៊ូហាន ខេត្តហូ៊ប៉ើយ ប្រទេសចិន បានរៀបចំពិធីទាក់ទាញអតិថិជន ដោយឱ្យតារាបង្ហាញម៉ូដស្លៀកឈុតក្នុងច្នៃពីមាសមានទម្ងន់៣គីទ្បូក្រាម តម្លៃ១,៨សែនដុល្លារ ។
៨-ជក់បច្ចេកវិទ្យាទំនើប
ជក់ «No Made Brush Flex» ជាផលិតផលថ្មីស្រដៀងជក់ធម្មតា ប៉ុន្តែវាអាចប្រើសម្រាប់គូរគំនូរនៅលើអេក្រង់ «iPad» បាន ។ វិចិត្រកររីក ហ្គ្រេហេម អនុវត្តគំរូពីរបៀបប្រើក្នុងពិព័រណ៍មួយនៅទ្បាសវ៉េហ្គាស សហរដ្ឋអាមេរិក ។ ជក់នោះមួយដើមមានតម្លៃ២៩ដុល្លារ ។
៩-អូស្ត្រាលីលាតត្រដាងការសម្លាប់ឆ្លាមរបស់ជប៉ុន
ខ្មោចបាទ្បែនពេជ្ឈឃាត បានបង្ហាញនៅលើទីធ្លារបស់នាវានេសាទបាទ្បែនជប៉ុន កាលពីពេល ថ្មីៗកន្លងមក ដោយបានថតពីទីខ្ពស់របស់ក្រុមអ្នកការពារដែនសមុទ្រពីអូស្ត្រាលី និងបានផ្សព្វផ្សាយពីភាពឃោរឃៅនៃការសម្លាប់បាទ្បែនរបស់ជប៉ុន ៕
ចែករំលែកព័តមាននេះ