រាជធានី​ភ្នំពេញ ៖ ក្នុង​យុទ្ធនា​ការ​ជិះ​សាក​ល្បង Suzuki SmashV FI លើផ្លូវ​បេតុង​គល់ស្ពាន​ឧកញ៉ា​លីយ៉ុងផាត់ ត្រើយ​ខាង​កើត​លើ​ចម្ងាយផ្លូវ​ជាង​៨០គីឡូ​ម៉ែត្រ ដោយប្រើ​ប្រាស់​រយៈពេល​ប្រមាណ​ជាងពី (២)ម៉ោង នៅព្រឹក​ថ្ងៃសៅរ៏ ទី​២២ កុម្ភៈ ២០១៤ នេះ លទ្ធ​ផល​ដ៏គួរឱ្យភ្ញាក់​ផ្អើល​មួយបាន​កើតឡើង​នៅពេល ដែល​កំណត់​ត្រា​បាន​បង្ហាញ​ថា ម៉ូតូ Suzuki SmashV FI ពិតជាជិះ បាន​ចម្ងាយ​ផ្លូវជាង​១០០​គីឡូម៉ែត្រ​ក្នុង១លីត្រ​សាំង​មែន ។ការរៀបចំ​យុទ្ធនាការ​នេះ​ឡើង ក្រោមកិច្ច​សហការ​រវាងក្រុម​ហ៊ុន អូ អឹម ស៊ី និ​ងរោង​ចក្រ Cambodia Suzuki គឺដើម្បី​ជំរះមន្ទិល​សង្ស័យ​ក្នុងចំណោម​មតិសាធា​រណ​ជន ពិសេស​អតិថិជន​ដែល​កំពុង​ប្រើ​​​​ប្រាស់​​ម៉ូតូ Suzuki ទាំងអស់​ចាប់តាំង​ពី Suzuki SmashV FI ត្រូវបាន​ចេញ​លក់​លើទីផ្សារ​នាដើម​ខែមករា​ ឆ្នាំ២០១៤ កន្លង​ទៅ​នេះ ។

ក្នុងចំណោម​ម៉ូតូ Suzuki SmashV FI ចំនួន​៨​គ្រឿង​ ដែលបាន​យកមក​ធ្វើតេស្ត​ជិះលាក​ល្បង​ដោយ​មាន​ការ ចូលរួម​បើកបរ​រក​កំរិត​ស៊ីសាំងតិច​បំផុត​មានអ្នកប្រកួត​ចំនួន៦នាក់ តំណាង​ឱ្យសារ​ព័ត៌មាន និង​២នាក់ តំណាង​មកពីក្រុម​ហ៊ុន អូ អឹម ស៊ី ។ ក្រោយ​យុទ្ធនា​ការ​ជិះបាន​បញ្ចប់​នៅម៉ោង​ជិត​១២ថ្ងៃត្រង់ ឈ្មោះ​សារ៉ាត សែម ជា​ជ័យលាភី​លេខ១ តំណាង​វេស​សាយ​សប្បាយ​ដែល​ជិះបាន​ចំងាយ​ផ្លូវ​124,84​គីឡូម៉ែត្រ ក្នុង១លីត្រ ដែលជា​កំណត់ត្រា​ល្អបំផុត និងជ័យ​លាភីលេខ២ បានទៅ​ឈ្មោះ​សំរិទ្ធី សួស្តី តំណាង​ទូរទស្សន៏​បាយ័ន​ ដែលជិះ​បាន​ចម្ងាយ​ផ្លូវ​121,22​គីឡូម៉ែត្រ ក្នុង១លីត្រ​សំាង និងជ័យ​លាភីលេខ៣ បានទៅ​ឈ្មោះ ភក្រ្ក សុភារម្យ តំណាង​សារ​ព័ត៌មាន​រស្មីកម្ពុជា ជិះបាន​ចម្ងាយ​ផ្លូវ​113,02​គីឡូម៉ែត្រ ក្នុង១លីត្រសំាង ។ គួរបញ្ជាក់​ផង​ដែ​រថា លក្ខ​ខណ្ឌ​នៃកា​របើកបរ​ គឺតម្រូវ​ឱ្យបេក្ខជន​ទាំង៨នាក់ បើកបរ​ក្នុង​ល្បឿន​ថេរ​ចន្លោះពី​៣០-៤០​គីឡូម៉ែត្រ ក្នុង១​ម៉ោង​លើផ្លូវ​រាបស្មើ ក្នុង​ចម្ងាយ​ជាង​៨០គីឡូម៉ែត្រ ដោយពុំមាន​ការឈប់​សំចត​ឡើយ រហូតដល់​ទីដៅចុង​ក្រោយ ។

​ថ្លែងទៅ​កាន់បណ្តា​អ្នកសារ​ព័ត៌មាន បន្ទាប់ពីយុទ្ធការ​បានបញ្ចប់​លោក Kazuhiro Shiratori នាយក​រោងចក្រ Cambodia Suzuki Motor បាន​សម្ដែង​នូវក្តី​រំភើប និងភ្ញាក់​ផ្អើល​យ៉ាង​ខ្លាំង​ជាមួយ​លទ្ធផល​ខាងលើ ដោយ​លោក​បាន​គួស​បញ្ជាក់ថា លទ្ធ​ផល​នេះ គឺជា​ភស្តុតាង​ដែល​អា​ច​បំបាត់​នូវ​រាល់​ចម្ងល់ និងមន្ទិល​សង្ស័យ​ទាំង​ឡាយ ដែល​បាន​ដក់ជាប់​ក្នុង​អារម្មណ៍​អតិថិជន ពិសេស​ក្នុង​ចំណោម​អ្នកដែល​បានជាវ Suzuki SmashV FI យកទៅ​ប្រើប្រាស់​​កន្លងមក ។ លោកបន្ថែមថា ទំនុកចិត្ត​លើកំរិត​ស៊ីសាំង ព្រម​ទាំង​កម្លាំង​ម៉ាស៊ីន​របស់ Suzuki Smash V FI ពិតជា​លទ្ធផល​ជោគ​ជ័យ និងជា​ជំរើស​ដ៏ល្អសម្រាប់​អ្នកប្រើ​ប្រាស់នៅ​ក្នុង ប្រទេស​កម្ពុជា ដែលអាច​ជួយ​សន្សំនូវ​ថវិកាបាន​មួយ​​ចំណែក​យ៉ាង​ធំ​សម្រាប់​ជីវភាព​គ្រួសារ ។ តាងនាម​ឱ្យ​រោងចក្រ Cambodia Suzuki Motor លោក​សូមថ្លែង​អំណរគុណ​ដល់​អតិថិជន​ទាំងអស់​ដែលបាន​តែងតែ​គាំទ្រ​ប្រើប្រាស់​ម៉ូតូ Suzuki គ្រប់​ម៉ូដែល​ទាំង​អស់​នាពេល​កន្លងមក និងទៅ​អនាគត ។ លោក​សន្យាថា នឹង​នាំយក​នូវម៉ូតូ Suzuki ថ្មីៗ​បន្ថែម​ទៀត ជូនដល់​អតិថិជន​កម្ពុជា ទាំង​អស់​ដែលមាន​រួបរាង​ស្អាត​ សង្ហារ ទំនើប​ទាន់​សម័យ ស៊ីសាំងតិច ដើម្បី​​​​​​​​​ឱ្យសម​ស្របតាម​សេចក្តី​ត្រូវការ និង​កំរិត​ជីវភាព​របស់​ប្រជា​ជន​កម្ពុជានា​ពេល​បច្ចុប្បន្ន ។