ខេត្តកំពង់ចាម ៖ រថយន្តម៉ាកកាមរីពណ៌ទឹកប្រាក់ ពាក់ស្លាកលេខភ្នំពេញ 2J-6459 របស់ថៅកែម៉ាស្សានៅភូមិទី៣ សង្កាត់វាលវង់ ក្រុងកំពង់ចាម បានបើកបោះពួយបុកម៉ូតូម៉ាកគុបមួយគ្រឿងពេញទំហឹង នៅលើកំណាត់ផ្លូវជាតិលេខ៧ ស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ កាលពីវេលាម៉ោង៥និង២០នាទីល្ងាចថ្ងៃទី២១ កុម្ភៈ ២០១៤
ខេត្តកំពង់ចាម ៖ រថយន្តម៉ាកកាមរីពណ៌ទឹកប្រាក់ ពាក់ស្លាកលេខភ្នំពេញ 2J-6459 របស់ថៅកែម៉ាស្សានៅភូមិទី៣ សង្កាត់វាលវង់ ក្រុងកំពង់ចាម បានបើកបោះពួយបុកម៉ូតូម៉ាកគុបមួយគ្រឿងពេញទំហឹង នៅលើកំណាត់ផ្លូវជាតិលេខ៧ ស្ថិតនៅភូមិជើងខាល ឃុំមង់រៀវ ស្រុកត្បូងឃ្មុំ កាលពីវេលាម៉ោង៥និង២០នាទីល្ងាចថ្ងៃទី២១ កុម្ភៈ ២០១៤ ជាហេតុបណា្តលឲ្យលោកតាជិះម៉ូតូឈ្មោះ ពៅ សុផាត អាយុ៧៦ឆ្នាំ នៅភូមិឃុំកើតហេតុស្លាប់ភ្លាមៗនៅនឹងកន្លែង ចំណែកអ្នកបើករថយន្តរត់គេចខ្លួនបាត់។
លោកអនុសេនីយ៏ឯក សូ សារ៉ាត អធិការរងនគរបាលស្រុកត្បូងឃ្មុំ ប្រាប់ឲ្យដឹងថា មុនពេលកើតហេតុ លោកតារងគ្រោះបានជិះម៉ូតូទៅចូលរួមបុណ្យគេនៅក្នុងភូមិ រហូតដល់ល្ងាចទើបត្រឡប់មកផ្ទះវិញ ហើយបានទាញម៉ូតូជិះចេញទៅទិញថ្មពិលនៅផ្ទះលក់គ្រឿងទេសមួយកន្លែងនៅក្នុងភូមិ តែមិនទាន់នឹងបានទិញផង ក៏ត្រូវរថយន្តបុកពេញទំហឹង ទើរលើកញ្ចក់រថយន្តស្លាប់ភ្លាមៗ ។
លោកអធិការរងគរបាលស្រុកត្បូងឃ្មុំប្រាប់បន្តថា ក្រោយពីកើតហេតុ អ្នកបើករថយន្តត្រូវបានគេស្គាល់អត្តសញ្ញាញជាថៅកែម៉ាស្សានៅក្រុងកំពង់ចាម បានបើកទ្វាររថយន្តរត់គេចខ្លួនបាត់ ជាមួយនឹងអ្នកជិះនៅក្នុងរថយន្ត០៣នាក់ទៀត ។ លោកលើកឡើងថា លោកតារងគ្រោះដែលស្លាប់នោះ បានជិះម៉ូតូពីលិចទៅកើត ខណៈពេលដល់ត្រង់មុខផ្ទះលក់គ្រឿងទេស ក៏បានបត់ឆ្វេងដើម្បីចូលទិញ ស្របពេលនោះមានរថយន្តកាមរីមួយគ្រឿង បានបើកមកដល់ក្នុងទិសដៅបញ្រ្ចាសទិសគ្នា ចាប់ហ្វ្រាំងមិនទាន់ក៏បុកពេញទំហឹងតែម្តងជាហេតុធ្វើឲ្យលោកតាស្លាប់មួយរំពេច។ តាមរយៈស្លាកលេខនិងឯកសារនានាក្នុងរថយន្ត ត្រូវបានសមត្ថកិច្ចស្រាវជ្រាវទៅស្គាល់ថា រថយន្តកាមរីនេះជារបស់ថៅកែម៉ាស្សានៅហាងមួយ ស្ថិតនៅម្តុំមុខសណ្ឋាគារលាភវរសា ស្ថិតនៅសង្កាត់វាលវង់ ក្រុងកំពង់ចាម ៕
ចែករំលែកព័តមាននេះ