ខេត្តកំពង់ឆ្នាំង ៖ មាន់-ទារាប់រយក្បាលរបស់ប្រជាពលរដ្ឋក្នុងភូមិកំពង់ត្រឡាចលើ ឃុំកំពង់ត្រឡាច ស្រុកកំពង់ត្រឡាច បានឈឺប្រកាច់ងាប់ជាបន្តបន្ទាប់ ដែលធ្វើឱ្យពួកគាត់មានការព្រួយបារម្ភយ៉ាងខ្លាំងពីជំងឺរាតត្បាតនេះ ពិសេសព្រួយបារម្ភថា ជាជំងឺអាសន្នរោគឆ្លងរាលដាល និងមានជំងឺគ្រុនផ្តាសាយបក្សីផងដែរ ដោយករណីនេះ បានកើតឡើងនៅចុងខែកុម្ភៈ ឆ្នាំ២០១៤ នេះ ។
ខេត្តកំពង់ឆ្នាំង ៖ មាន់-ទារាប់រយក្បាលរបស់ប្រជាពលរដ្ឋក្នុងភូមិកំពង់ត្រឡាចលើ ឃុំកំពង់ត្រឡាច ស្រុកកំពង់ត្រឡាច បានឈឺប្រកាច់ងាប់ជាបន្តបន្ទាប់ ដែលធ្វើឱ្យពួកគាត់មានការព្រួយបារម្ភយ៉ាងខ្លាំងពីជំងឺរាតត្បាតនេះ ពិសេសព្រួយបារម្ភថា ជាជំងឺអាសន្នរោគឆ្លងរាលដាល និងមានជំងឺគ្រុនផ្តាសាយបក្សីផងដែរ ដោយករណីនេះ បានកើតឡើងនៅចុងខែកុម្ភៈ ឆ្នាំ២០១៤ នេះ ។
ជួបជាមួយប្រជាពលរដ្ឋដែលរងគ្រោះដោយសត្វស្លាបរបស់ពួកគាត់ឈឺងាប់ជាបន្តបន្ទាប់ កាលពីព្រឹកថ្ងៃទី២១ កុម្ភៈនេះ ឈ្មោះចក់ សួគ៌ អាយុ៤២ឆ្នាំ រស់នៅក្នុងភូមិ-ឃុំខាងលើបានប្រាប់ឱ្យដឹងថា កាលពី៣ថ្ងៃមុន ទាកាប៉ារបស់គាត់ជាង៤០ក្បាលត្រូវឈឺប្រកាច់ងាប់ជាបន្តបន្ទាប់អស់គ្មានសល់ តែក្នុងរយៈពេល២ថ្ងៃប៉ុណ្ណោះ ។ កាលពីឆ្នាំមុន ករណីជំងឺបែបនេះ ក៏ធ្លាប់កើតឡើងដូចគ្នានេះដែរ។
ស្ត្រីឈ្មោះប៉ែន ផល្លា អាយុ៤៣ឆ្នាំ ដែលផ្ទះជាប់របងជាមួយលោកចក់ សួគ៌ បានប្រាប់ឱ្យទៀតថា មាន់-ទារបស់គាត់ជាង២០ក្បាលក៏ប្រកាច់ងាប់ដូចគ្នាដែរ ក្នុងរយៈពេលតែ៣ថ្ងៃជាប់ៗគ្នានេះទៀត ។ មាន់ជាង៥០ក្បាលមានតូចមានធំបានឈឺប្រកាច់ងាប់ជាបន្តឡើងអស់ពីទុ្រងហើយ ។ ប្រជាពលរដ្ឋមានការសង្ស័យថា មាន់-ទាដែលប្រកាច់ងាប់បែបនេះ ជាជំងឺអាសន្នរោគ ដែលឆ្លងរាលដាលពីផ្ទះមួយទៅផ្ទះមួយយ៉ាងឆាប់រហ័ស និងព្រួយបារម្ភផងដែរ ខ្លាចជំងឺនេះមានផ្ទុកគ្រុនផ្តាសាយបក្សីដ៏កាចសាហាវនិងឆ្លងរាលដាលដល់មនុស្ស និងកូនចៅក្នុងភូមិ-ឃុំ ។
ហេតុដូចនេះ ប្រជាពលរដ្ឋក្នុងភូមិសំណូមពរមន្ត្រីបសុព្យាបាលស្រុក និងខេត្ត មេត្តាចុះមកត្រួតពិនិត្យស្រាវជ្រាវ និងជួយទប់ស្កាត់
ការឆ្លងរាលដាលជំងឺឆ្លងរបស់មាន់ទាក្នុងភូមិរបស់គាត់ឱ្យបានទាន់ពេលវេលាផង ។
ចែករំលែកព័តមាននេះ