យកសាច់មនុស្សធ្វើម្ហូប វាជារឿងមិនគួរឱ្យជឿ ប៉ុន្តែវាកើតមានពិតនៅភោជនីយដ្ឋាននៃសណ្ឋាគារមួយ ។ អតិថិជនជាច្រើននាក់រន្ធត់ចិត្តខ្លាំង នៅពេលដឹងថា ភោជនីយដ្ឋាននោះយកសាច់មនុស្សមកធ្វើម្ហូប ហើយគេបានទទួលទានដែរនោះ ។សារព័ត៌មានបរទេសផ្សាយថា ប៉ូលិសនីហ្សេរីយ៉ា បានបិទភោជនីយដ្ឋានក្នុងសណ្ឋាគារមួយ ក្រោយពីទទួលដំណឹងថា យកសាច់មនុស្សចម្អិនជាអាហារ
យកសាច់មនុស្សធ្វើម្ហូប វាជារឿងមិនគួរឱ្យជឿ ប៉ុន្តែវាកើតមានពិតនៅភោជនីយដ្ឋាននៃសណ្ឋាគារមួយ ។ អតិថិជនជាច្រើននាក់រន្ធត់ចិត្តខ្លាំង នៅពេលដឹងថា ភោជនីយដ្ឋាននោះយកសាច់មនុស្សមកធ្វើម្ហូប ហើយគេបានទទួលទានដែរនោះ ។សារព័ត៌មានបរទេសផ្សាយថា ប៉ូលិសនីហ្សេរីយ៉ា បានបិទភោជនីយដ្ឋានក្នុងសណ្ឋាគារមួយ ក្រោយពីទទួលដំណឹងថា យកសាច់មនុស្សចម្អិនជាអាហារលក់ឱ្យភ្ញៀវ ។
ប៉ូលិសបានចូលឆែកឆេរភោជនីយដ្ឋានក្នុងសណ្ឋាគារមួយនោះនៅក្រុងអាណាមប្រា និងរកឃើញក្បាលមនុស្សចំនួន២ រុំដោយប្លាស្ទិក និងកាំភ្លើងអាកាចំនួន២ដើម ។ ប៉ូលិសបានបិទភោជនីយដ្ឋាន និងចាប់ខ្លួនអ្នកពាក់ព័ន្ធចំនួន១១នាក់ក្នុងភោជនីយដ្ឋាននោះ ។
អតិថិជនម្នាក់និយាយថា គេធ្លាប់ចូលទទួលទានអាហារក្នុងភោជនីយដ្ឋាននោះដែលលក់ម្ហូបអាហារក្នុងតម្លៃខ្ពស់ ប៉ុន្តែមិនបានដឹងថាគេយកសាច់មនុស្សមកធ្វើម្ហូបទេ ។ គេពិតជាបានទទួលទានសាច់មនុស្សក្នុងភោជនីយដ្ឋាននោះ ដែលនឹកទៅគួរឱ្យរន្ធត់ណាស់ ។
អតិថិជនម្នាក់ទៀតនិយាយថា គេសង្កេតឃើញបុគ្គលិកក្នុងសណ្ឋាគារនោះបម្រើការយ៉ាងសប្បាយរីករាយ ប៉ុន្តែមិនដឹងថាយកសាច់មនុស្សធ្វើម្ហូបទេ ។ គេរន្ធត់ចិត្តណាស់ពេលដឹងថា ភោជនីយដ្ឋាននោះយកសាច់មនុស្សធ្វើម្ហូប ហើយរូបគេក៏ធ្លាប់ទទួលទានដែរ ព្រោះតែមិនដឹង ស្មានតែជាមុខម្ហូបធ្វើពីសាច់សត្វធម្មតា ។ មិនមានរបាយការណ៍បញ្ជាក់ថា តើភោជនីយដ្ឋាននោះបានសាច់មនុស្សពីណាសម្រាប់ធ្វើម្ហូបទេ ឬមួយក៏គេសម្លាប់មនុស្សនៅទីនោះតែម្តងដោយពន្លះយកសាច់ ព្រោះសមត្ថកិច្ចរកឃើញភស្តុតាងក្បាលមនុស្សចំនួន២ ៕
ចែករំលែកព័តមាននេះ