១-ស្វាគមន៍ឆ្នាំសេះ២០១៤
រូបថតពីទីខ្ពស់ជារូបតម្រៀបនៅលើផ្លូវខាងជើងឧទ្យាន«អីុតាសីុប៊ិកផាក» នៃមាត់សមុទ្រក្នុងខេត្តអ៊ីប៉ារ៉ាគី ភាគកណ្តាលប្រទេសជប៉ុន ។ គេរៀបផ្លែឈើជាង៣០.០០០ផ្លែ ឱ្យក្លាយជារូបសេះដ៏ធំ ដើម្បីស្វាគមន៍ឆ្នាំមមី២០១៤ ។
១-ស្វាគមន៍ឆ្នាំសេះ២០១៤
រូបថតពីទីខ្ពស់ជារូបតម្រៀបនៅលើផ្លូវខាងជើងឧទ្យាន«អីុតាសីុប៊ិកផាក» នៃមាត់សមុទ្រក្នុងខេត្តអ៊ីប៉ារ៉ាគី ភាគកណ្តាលប្រទេសជប៉ុន ។ គេរៀបផ្លែឈើជាង៣០.០០០ផ្លែ ឱ្យក្លាយជារូបសេះដ៏ធំ ដើម្បីស្វាគមន៍ឆ្នាំមមី២០១៤ ។
២-ស្វាត្រួតពិនិត្យមើលបញ្ជីឈ្មោះក្នុងឧទ្យានសត្វ
«ឃុមបូហ្គា» ស្វាមាឌធំ បានសំឡឹងមើលបញ្ជីរាយនាមរបស់ពពួកស្វាក្នុងឧទ្យានក្រុងឡុង ចក្រភពអង់គ្លេស ក្នុងអំឡុងពេលត្រួតពិនិត្យសុខភាពសត្វប្រចាំឆ្នាំនៅក្នុងឧទ្យាន ។ បុគ្គលិកក្នុងឧទ្យានរាប់ចំនួនសត្វ ត្រួតពិនិត្យសុខភាព និងកត់ត្រាទិន្នន័យ សត្វ ឧទ្យាន ។
៣-រលកយក្សនៅអង់គ្លេស
រលកយក្សបានបោកបក់ទៅលើច្រាំងក្នុងឈូងសមុទ្រ ផតខល (Porthcawl) រដ្ឋសៅវ៉ែល ខណៈពេលចក្រភពអង់គ្លេស រងព្យុះភ្លៀងខ្លាំងបង្កឱ្យកើតទឹកជំនន់នៅតាមតំបន់ឆ្នេរ និងមានរលកយក្ស ។
៤-បំផ្លាញភ្លុកដំរី
អាជ្ញាធរចិន ក្នុងទីក្រុងទុងគាន់ ខេត្តក្វាងទុងបំផ្លាញភ្លុកដំរី និងផលិតផលពីភ្លុកជាភស្តុតាងដែលប៉ូលិសរឹបអូសបានពីការលួចនាំចេញ មានទម្ងន់៦,២តោន ដោយចាត់ទុកថា ជាការបំផ្លាញភ្លុកដំរីនៅទីសាធារណៈ ជាលើកដំបូងរបស់ចិន ។
៥-កូនឆ្កែដែលរួចផុតពីការធ្វើឃាត
នាងជេន នីហ្វ៊ើ ឆេននេល បុគ្គលិកក្នុងឧទ្យានអភិរក្សសត្វ «ហ្វ្រុនស្ទ្រីត អានីម៉ល សេលទ័រ» រដ្ឋការលីហ្វ៊័រនីញ៉ា សហរដ្ឋអាមេរិក លើកបីកូនឆ្កែមួយក្បាល ក្នុងចំណោម៥០ក្បាល ត្រៀមបញ្ជូនទៅមជ្ឈមណ្ឌលថែរក្សាសត្វ ក្នុងរដ្ឋអាយដាហូ ដែលមិនសម្លាប់សត្វ ទោះបីជាមានជំងឺ ឬចាស់ទ្រុឌទ្រោមក្តី ។
៦-កូនផេនដា នៅតៃវ៉ាន់ ទាក់ទាញភ្ញៀវទេសចរ
ឧទ្យានសត្វក្រុងតៃប៉ិ កោះតៃវ៉ាន់ បានបើកឱ្យភ្ញៀវចូលទស្សនាកូនផេនដាញីដំបូងដែលចាប់កំណើតនៅតៃវា៉ន់មានឈ្មោះ «យួនចៃ» អាយុ៦ខែ ជាកូនរបស់មេផេនដា យួនយួន និងផេនដាឈ្មោលធួនធួន ដែលចិនបានបង្ហាញសម្ព័ន្ធមេត្រីភាពជាមួយតៃវា៉ន់ កាលពីឆ្នាំ២០០៨ ។ ការបើកឱ្យចូលទស្សនាជាលើកដំបូងនោះ ខាងឧទ្យានសត្វបានទទួលភ្ញៀវទេសចរប្រហែលជាង១.០០០នាក់ ។
៧-ដេញថ្លៃរថយន្តរ៉ូលរ៉យស៊េរីចាស់
រថយន្តរ៉ូលរ៉យដ៏ស្អាតរបស់លោក ប្រ៊ីជីត បាដូ អាយុ៧៩ឆ្នាំ តារាសម្តែងជនជាតិបារាំងក្នុងអំឡុងឆ្នាំ១៩៥០-១៩៦០ ត្រូវគេដាក់ដេញថ្លៃក្នុងតម្លៃ៥សែនដុល្លារ ។ ទោះបីជាបានទិញតាំងពីឆ្នាំ១៩៧០ ក៏ដោយ ប៉ុន្តែគុណភាពរបស់រថយន្តនោះនៅល្អ និងប្រើការបានជាប្រក្រតី ។
៨-នាឡិកាត្រួតពិនិត្យសុខភាពរបស់អ្នកប្រើ
នាឡិកាអច្ឆរិយ «វេលឡូក្រាហ្វ» (Wellograph) បានបង្ហាញទិន្នន័យជាក្រាហ្វិក ដើម្បីត្រួតពិនិត្យប្រព័ន្ធបេះដូង វាស់ស្ទង់ការដុតបំផ្លាញកាឡូរី និងរក្សាទុកទិន្នន័យសរុប ក្នុងរយៈពេលយូរដល់ទៅ៤ខែ ត្រូវគេដាក់តាំងបង្ហាញក្នុងក្រុងឡាសវ៉េហ្គាស រដ្ឋនេវា៉ដា សហរដ្ឋអាមេរិក ដោយគ្រោងចេញលក់នៅខែមេសា ក្នុងមួយគ្រឿងតម្លៃ៣២០ដុល្លារ ។
៩-មនុស្សយន្តប្រយុទ្ធ
«Bluetooth Fighting Robots» របស់ក្រុមហ៊ុនប៊ីវី (Bee Wi) តាំងបង្ហាញក្នុងក្រុងឡាសវ៉េហ្គាស សហរដ្ឋអាមេរិក ជាមនុស្សយន្តប្រយុទ្ធខ្នាតតូច ដែលតភ្ជាប់ដោយប្រព័ន្ធប៊្លូធូត ៕
ចែករំលែកព័តមាននេះ