ទំនប់​ប្រទាក់​ក្រឡា​ត្រូវ​បាន​បិទ​ភ្ជិត​ទាំង​ស្រុក​​ហើយ​ព្រឹក​នេះ


ខេត្តកំពត ៖ បើ​គិត​មក​ដល់​ត្រឹម​ម៉ោង​៨​និង​៣០​នាទី​ព្រឹក ថ្ងៃ​ទី​១២ ខែសីហា ឆ្នាំ​២០១៩ ពាក់ព័ន្ធ​លើ​ការងារ​អន្តរាគមន៍​ទប់ទល់​ការ​ហូរ​ដាច់​នៃ​ទំនប់​អាង​ទឹក​កូន​សត្វ ឬ​ប្រទាក់ក្រឡា ស្ថិត​ក្នុង​ឃុំ​កូន​សត្វ ស្រុក​ទឹកឈូ ខេត្តកំពត​នោះ នា​ពេល​ព្រឹក​នេះ​ទំនប់​ទឹក​ត្រូវ​បាន​បិទ​ភ្ជិត​ទាំងស្រុង​ហើយ ដោយ​ប្រើ​រយៈពេល​អស់​ប្រមាណ​២០​ម៉ោង​។ នៅ​សល់​ការងារ​បន្ត គឺ​ពង្រឹង​កន្លែង​ដាច់​ឲ្យ​បាន​រឹង​មាំ​បន្ថែម​តែ​ប៉ុណ្ណោះ​។

ហើយ​នៅ​ក្នុង​ការងារ​ខាងលើ​នេះ ខាង​ក្រសួង​បាន​ប្រើប្រាស់​នូវ ៖ គ្រឿងចក្រ​ធុន​ធ្ងន់​ចំនួន​១៤​គ្រឿង រួម​មាន អេ​ស្កា​វ៉ា​ទ័​រ​ដៃ​វែង ដៃខ្លី​ចំនួន​០៦​គ្រឿង​, រថយន្ត​បែន​ចំនួន​០៦​គ្រឿង​, ប៊ុល​ដូ​ហ្សែ​រ​ចំនួន​០១​គ្រឿង និង​សា​ហ្ស័​រ​ចំនួន​០១​គ្រឿង ព្រមទាំង​សម្ភារៈ​ជំនួយ​មាន​ដូច​ជាំ កញ្ច្រែង​ថ្ម​ចំនួន​១០០​ដុំ​, ថ្ម​-​ដី​ប្រមាណ​៥០០​ម៉ែត្រគូប​។

ចំណែក​កម្លាំង​សរុប​ដែល​ដឹកនាំ​ផ្ទាល់​ដោយ​ឯកឧត្តម​រដ្ឋមន្ត្រី​, ឯកឧត្តម​រដ្ឋលេខាធិការ​ប្រចាំការ ដែល​ជា​ប្រធាន​មុខព្រួញ​ប្រចាំ​ទិស​, អគ្គនាយក​, ប្រធាន​នាយកដ្ឋាន​, ប្រធាន​មន្ទីរ​កំពត​-​កែប​, មន្ត្រីរាជការ​, អ្នកបើកបរ​គ្រឿងចក្រ និង​កម្មករ​សរុប​ចំនួន​១០០​នាក់​ផង​ដែរ​។ ដោយ​សហការ (​កែសម្រួល​ដោយ ៖ បុប្ផា​)

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ