ជ​ម្លៀ​សពលរដ្ឋ និង​ជនបរទេស​ចេញពី​ភូមិ​មួយ​ជា​បន្ទាន់​នៅ​ក្រោម​ទំនប់​វា​រី​អគ្គិ​សនី​ភ្នំ​កំចាយ​កំពត​ (មានវីដេអូ)


ខេត្តកំពត ៖ កាលពី​ព្រឹក​ថ្ងៃ​ទី​១០ ខែសីហា កង​នគរបាល​វរៈ​សេនា​តូច​លេខ​២៤១ ការពារ​ដែនទឹក សហការ​ជាមួយ​នគរបាល​អធិការដ្ឋាន​ស្រុក​ទឹកឈូ ក្នុង​នោះ​មាន​យោធា​ស្រុក​ផង​នោះ​កំពុង​ជួយ​សង្គ្រោះ និង​ជម្លៀស​ប្រជាពលរដ្ឋ ព្រមទាំង​ជនបរទេស​ចេញពី​ភូមិ​មួយ​នៅ​ជាប់មាត់​ព្រែក ដែល​ស្ថិត​នៅ​ក្រោម​ទំនប់​វា​រី​អគ្គិសនី​ភ្នំ​កំចាយ ខណៈ​ទឹកបាន​ជន់​លិច​ភូមិ​។

ប្រតិបត្តិការ​ជួយ​សង្គ្រោះ និង​ជម្លៀស​ប្រជាពលរដ្ឋ​ ព្រមទាំង​ជន​បទេស​ចាកចេញ​ភូមិ​គឺ​ធ្វើ​ឡើង​យ៉ាង​បន្ទាន់​បំផុត​ តាម​រយៈ​ថ្មើរជើង និង​តាម​រយៈ​អូ​ប័​រដឹក​ជញ្ជូន​ចេញពី​ភូមិ​អណ្ដូង​ជី​មឿ​ន ក្នុង​ឃុំ​កំពង់​គ្រែង ស្រុក​ទឹកឈូ ព្រោះ​ភូមិ​មួយ​នេះ​នៅ​ជាប់មាត់​ព្រែក និង​ម្យ៉ាងទៀត​ភូមិ​នេះ​ស្ថិត​នៅ​ក្រោម​ទំនប់​វា​រី​អគ្គិសនី​ភ្នំ​កំចាយ ហើយ​​ទំនប់​វា​រី​ភ្នំ​កំចាយ​បាន​បើក​កាលពី​ថ្ងៃ​ទី​៩ ខែសីហា និង​មាន​ភ្លៀង​ធ្លាក់​ជាប់​ៗ​គ្នា​ផង​នោះ ធ្វើ​អោយ​ផ្ទះសម្បែង​ពលរដ្ឋ​ជា​ច្រើន​ខ្នង និង​ផ្ទះ​ជន​បទេស​ស្នាក់​នៅ​ត្រូវ​បាន​លិចលង់ ។

លោក​សំ អ៊ុ​ក អធិការ​នគរបាល​ស្រុក​ទឹកឈូ បាន​ប្រាប់​ឱ្យ​ដឹង​ថា មាន​កង​នគរបាល​ការពារ​ដែនទឹក និង​នគរបាល​អធិការ​ស្រុក​ជា​ច្រើន​នាក់​កំពុង​ចាំ​ជួយ​សង្គ្រោះ​ពលរដ្ឋ​ដែល​ធ្វើ​ដំណើរ​ចេញពីផ្ទះ​មិន​រួច និង​ជួយ​ដឹក​ជញ្ជូន​ជន​បទេស​ផង​ដែរ​។ ទោះបីជា​បែប​ណា គិត​មក​ដល់​វេលា​ម៉ោង​១១​ថ្ងៃត្រង់​ថ្ងៃ​ទី​១០ សីហា​នេះ ​កម្លាំង​​នគរបាល​ដែល​ចាំ​ជួយ​សង្គ្រោះ និង​ជម្លៀស​ប្រជាពលរដ្ឋ ព្រមទាំង​ជនបរទេស ​មិន​បាន​ដក​កម្លាំង​ចេញពី​ភូមិ​ដែល​ត្រូវ​ទឹក​ជន់​លិច​នោះ​បាន​ឡើយ ព្រោះ​វា​រី​អគ្គិសនី​ភ្នំ​កំចាយ​បាន​ប្រកាស​អាសន្ន​បើក​ទំនប់​កាលពី​វេលា​ម៉ោង​៤​ល្ងាច​ថ្ងៃ​ទី​៩ ខែសីហា ធ្វើ​ឱ្យ​ទឹក​ជន់​លិច​នៅ​ឃុំ​កំពង់​គ្រែង​ដែល​ឃុំ​ជាប់មាត់​ព្រែក និង​ងាយ​រង​ការ​លិចលង់​បំផុត ៕ (​កែសម្រួល​ដោយ ៖ ធីតា​)

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ