រាជធានីភ្នំពេញ ៖ យោងតាមរបាយការណ៍របស់អាជ្ញាធររាជធានីភ្នំពេញបានឱ្យដឹងថា សំណង់អគារខ្ពស់ៗនៅរាជធានីភ្នំពេញមានកម្ពស់ចាប់ពី៥ជាន់រហូតដល់ជាង៤០ជាន់ សម្រាប់ឆ្នាំ២០១៣ កន្លងមកនេះមានចំនួន៣៨៦អគារដែលបានសាងសង់រួច និងកំពុងសាងសង់ កើនលើសឆ្នាំ២០១២ ចំនួន១១អគារ។
រាជធានីភ្នំពេញ ៖ យោងតាមរបាយការណ៍របស់អាជ្ញាធររាជធានីភ្នំពេញបានឱ្យដឹងថា សំណង់អគារខ្ពស់ៗនៅរាជធានីភ្នំពេញមានកម្ពស់ចាប់ពី៥ជាន់រហូតដល់ជាង៤០ជាន់ សម្រាប់ឆ្នាំ២០១៣ កន្លងមកនេះមានចំនួន៣៨៦អគារដែលបានសាងសង់រួច និងកំពុងសាងសង់ កើនលើសឆ្នាំ២០១២ ចំនួន១១អគារ។
របាយការណ៍នេះបានឱ្យដឹងថា ស្ថិតិសំណង់អគារខ្ពស់ៗបានសាងសង់រួច និងកំពុងសាងសង់នៅរាជធានីភ្នំពេញ មានចំនួន៣៨៦អគាររួមមាន អគារចាប់ពី៥ជាន់ដល់៩ជាន់មានចំនួន៣១០អគារ (កើន៧អគារ) ចាប់ពី១០ជាន់ដល់១៩ជាន់មានចំនួន៦៣អគារ (កើន៤) ចាប់ពី២០ដល់២៩ មាន៣អគារ ចាប់ពី៣០ជាន់ដល់៣៩ជាន់មាន៥អគារ និងចាប់ពី៤០ជាន់ឡើងទៅមាន១អគារ ។ របាយការណ៍នេះបានឱ្យដឹងទៀតថា ចំពោះសំណង់នានា សាលារាជធានីភ្នំពេញបានផ្តល់លិខិតអនុញ្ញាតឱ្យសាងសង់បានចំនួន៤២១ច្បាប់ (ថយចុះ៨៨ច្បាប់) បើប្រៀបធៀបនឹងឆ្នាំកន្លងទៅ ក្នុងនោះមានសំណង់ភូមិគ្រឹះ៨៧ច្បាប់ (ថយចុះ៥ច្បាប់) ផ្ទះល្វែង១៩៥ច្បាប់ (ថយចុះ៥៤ច្បាប់) សំណង់ផ្សេងៗមាន១៣៩ច្បាប់ (ថយចុះ២៩ច្បាប់ មានផ្ទៃក្រឡាសំណង់សរុប៤.៥២៧.៣៦៧ម៉ែត្រការ៉េ មានតម្លៃប៉ាន់ស្មានសរុប១.៥១៨,៤៦លានដុល្លារ (កើន៥០,២០%) និងផ្តល់លិខិតអនុញ្ញាតឱ្យជួស ជុលបាន១៣ច្បាប់ (ថយចុះ២ច្បាប់) ។
សំណង់ថ្មីគ្មានលិខិតអនុញ្ញាតមានចំនួន១៧៤កន្លែង (កើន៧៦កន្លែង) សំណង់ខុសប្លង់អនុញ្ញាតមានចំនួន២១កន្លែង (កើន៩កន្លែង) និងសំណង់ជួសជុលគ្មានលិខិតអនុញ្ញាតមានចំនួន១៩កន្លែង (ថយចុះ១៤កន្លែង) ត្រូវបានមន្ទីរជំនាញធ្វើលិខិតទៅសាលាខណ្ឌពាក់ព័ន្ធជួយអន្តរាគមន៍ទប់ស្កាត់ ។ របាយការណ៍ដដែលនេះបានបញ្ជាក់ថា សាលារាជធានីភ្នំពេញបានផ្តល់ប័ណ្ណកម្មសិទ្ធិផ្ទះ និងដីជាលក្ខណៈដាច់ដោយដុំបាន៤២០ប័ណ្ណ ថយចុះ៥១% ក្នុងនោះប័ណ្ណកម្មសិទ្ធិផ្ទះ១៨៩ ប័ណ្ណ (អគារសហកម្មសិទ្ធិ១២៦ប័ណ្ណ) ថយចុះ៦៨% ។
ផ្ទេរប័ណ្ណសម្គាល់សិទ្ធិកាន់កាប់ដីបានចំនួន៤.០៨៦ប័ណ្ណ កើន១៤% បានស្រង់ទិន្នន័យក្បាលដីជាលក្ខណៈប្រព័ន្ធបានចំនួន៨.៤៩៧ក្បាលដី សរុបតាំងពីពេលចាប់ផ្តើមបាន ១៩៦.៥៣៣ក្បាលដី ចុះហត្ថលេខាលើប័ណ្ណកម្មសិទ្ធិបានចំនួន៣.៤៩៣ប័ណ្ណ សរុបតាំងពីចាប់ផ្តើមបានចំនួន១១៩.៨៣៦ប័ណ្ណ និងចែកប័ណ្ណកម្មសិទ្ធិជូនប្រជាពលរដ្ឋបាន២.៤៩៧ប័ណ្ណ សរុបតាំងពីពេលចាប់ផ្តើមបាន១០៩.៦៦៣ប័ណ្ណ ហើយគណៈកម្មការសុរិយោដីរាជធានីបានទទួលពាក្យបណ្តឹងវិវាទដីធ្លីចំនួន៩ករណី (កើន៣ករណី) បណ្តឹងនៅសល់ពីឆ្នាំចាស់មាន៦០ករណី បានដោះស្រាយរួច៨ករណី ច្រានចោល៧ករណី ដកពាក្យវិវាទ២ករណី បញ្ជូនឡើង៨ករណី និងកំពុងដោះស្រាយ៤៤ករណី ៕
ចែករំលែកព័តមាននេះ