រាជធានីភ្នំពេញ ៖ ដោយសារជម្លោះពាក្យសម្តីគ្នាតិចតួចផ្ដើមចេញពីបុរសដែលជាជនជនរងគ្រោះ បានវាយក្មួយប្រុសរបស់ជនដៃដល់ក៏កើតជារឿង រហូតឈានដល់យកដាវសាមូរ៉ៃកា.ប់ទៅលើជនរងគ្រោះ បណ្តាលឲ្យរងរបួសធ្ងន់បែកក្បាលហូរឈាមកក្លាក់។
រាជធានីភ្នំពេញ ៖ ដោយសារជម្លោះពាក្យសម្តីគ្នាតិចតួចផ្ដើមចេញពីបុរសដែលជាជនជនរងគ្រោះ បានវាយក្មួយប្រុសរបស់ជនដៃដល់ក៏កើតជារឿង រហូតឈានដល់យកដាវសាមូរ៉ៃកាប់ទៅលើជនរងគ្រោះ បណ្តាលឲ្យរងរបួសធ្ងន់បែកក្បាលហូរឈាមកក្លាក់។
ហេតុការណ៍នេះកើតឡើងកាលពីវេលាម៉ោង៦ និង៤០នាទីល្ងាចថ្ងៃទី១៦ កុម្ភៈ ២០១៤ ស្ថិតនៅក្រុមទី២ ភូមិច្រេស សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ប្រភពបានឱ្យដឹងថា ជនដៃដល់ត្រូវបានគេស្គាល់ឈ្មោះឡាយ អាយុ៣២ឆ្នាំ រស់នៅភូមិ-សង្កាត់កើតហេតុខាងលើ ។ ចំណែកឯជនរងគ្រោះឈ្មោះពៅ ឌីណា ភេទប្រុស អាយុ២៩ឆ្នាំ រងរបួសបែកក្បាលកំពុងសម្រាកព្យាបាលនៅមន្ទីរពេទ្យ ។
បើតាមសមត្ថកិច្ចនគរបាលខណ្ឌសែនសុខបានឲ្យដឹងថា មុននឹងឈានដល់កើតជម្លោះគ្នានេះ គឺបណ្តាលមកពីជនរងគ្រោះបានវាយនិងស្តីឲ្យក្មួយរបស់ជនដៃដល់ ទើបជនដៃដល់មានការខឹងសម្បារ ក៏បង្កឲ្យទាស់ពាក្យសម្តីគ្នាយ៉ាងតឹងសសៃរ.ក ខណៈនោះជនរងគ្រោះបានយកដំបងទៅវាយបំបែកពាងទឹករបស់ជនដៃដល់ ជាហេតុធ្វើឲ្យជនដៃដល់ខឹង ក៏ទាញដាវសាមូរ៉ៃកាប់ទៅលើជនរងគ្រោះជាច្រើនកាំបិត រហូតដេកដួលសន្លប់ក្នុងថ្លុកឈាមតែម្តង ។ ក្រោយពីកាប់ជនរងគ្រោះហើយនោះ ជនដៃដល់បានរត់គេចខ្លួនបាត់ស្រមោល ។
ចែករំលែកព័តមាននេះ