ខេត្តកំពង់ឆ្នាំង ៖ យុវជនម្នាក់បានរងរបួសធ្ងន់ដោយសារតែបុរសម្នាក់បានគ្រវែងដបសាំងដែលកំពុងឆាបឆេះមកលើបណ្តាលឱ្យរលាកពេញខ្លួន និងផ្ទៃមុខ ខណៈទិញនំហើយឈរចាំយកលុយអាប់។ ហេតុការណ៍នេះបានកើតឡើងកាលពីវេលាម៉ោង៧ និង១០នាទីយប់ ថ្ងៃទី១៦ កុម្ភៈ ២០១៤ នៅភូមិកោះប្ញស្សី ឃុំប្រឡាយមាស ស្រុកកំពង់លែង ។
ខេត្តកំពង់ឆ្នាំង ៖ យុវជនម្នាក់បានរងរបួសធ្ងន់ដោយសារតែបុរសម្នាក់បានគ្រវែងដបសាំងដែលកំពុងឆាបឆេះមកលើបណ្តាលឱ្យរលាកពេញខ្លួន និងផ្ទៃមុខ ។ ហេតុការណ៍នេះបានកើតឡើងកាលពីវេលាម៉ោង៧ និង១០នាទីយប់ ថ្ងៃទី១៦ កុម្ភៈ ២០១៤ នៅភូមិកោះប្ញស្សី ឃុំប្រឡាយមាស ស្រុកកំពង់លែង ។
ស្ត្រីឈ្មោះគង់ ផល្លី អាយុ៤៥ឆ្នាំ ជាម្តាយជនរងគ្រោះបានឱ្យដឹងថា កូនប្រុសរបស់គាត់ឈ្មោះមែ វិច្ឆិកា អាយុ១៨ឆ្នាំ ។ មុនពេលកើតហេតុកូនប្រុសគាត់បានត្រឡប់ពីធ្វើការវិញអស់កម្លាំងក៏ដើរទៅទិញនំនៅផ្ទះលក់ចាប់ហួយរបស់ឈ្មោះស៊ន ភារម្យ ។
ពេលទៅដល់កូនប្រុសគាត់បានទិញនំ៤កញ្ចប់ថ្លៃ២ពាន់រៀល ហើយបានហុចក្រដាស់ប្រាក់៥ពាន់ទៅឱ្យឈ្មោះស៊ន ភារម្យ ប៉ុន្តែម្ចាស់ផ្ទះមិនទាន់អាប់លុយឱ្យទេ ដោយប្រាប់ឱ្យចាំបន្តិចសិន ហើយឈ្មោះស៊ន ភារម្យ បានឆ្លៀតទៅយកដបសាំងដោយច្រឡំថាជាដបប្រេងកាតក៏យកមកចាក់ចង្កៀងបណ្តាលឱ្យឆាបឆេះ ពេលនោះម្ចាស់ផ្ទះភ័យស្លន់ស្លោក៏គ្រវែងដបសាំងទៅក្រៅចំកូនប្រុសរបស់គាត់ដែលកំពុងឈរចាំយកលុយអាប់ឆេះរលាកពេញខ្លួន និងផ្ទៃមុខតែម្តង។
ជុំវិញករណីខាងលើនេះភាគីម្ចាស់ផ្ទះមិនអាចសុំការបំភ្លឺបានទេ៕
ចែករំលែកព័តមាននេះ