ខេត្តព្រះសីហនុ ៖ នាថ្ងៃទី១៤ កុម្ភៈ វេលាម៉ោង១១និង១០នាទីយប់នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១២០និងលេខ១២១ ចម្ងាយពីផ្លូវជាតិប្រមាណ២គីឡូម៉ែត្រ ក្នុងដីចម្ការមួយកន្លែង ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សិលា មានករណីរំលោ.ភលើសេចក្តីទុកចិត្តមួយកើតឡើង ។
ខេត្តព្រះសីហនុ ៖ នាថ្ងៃទី១៤ កុម្ភៈ វេលាម៉ោង១១និង១០នាទីយប់នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១២០និងលេខ១២១ ចម្ងាយពីផ្លូវជាតិប្រមាណ២គីឡូម៉ែត្រ ក្នុងដីចម្ការមួយកន្លែង ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សិលា មានករណីរំលោភលើសេចក្តីទុកចិត្តមួយកើតឡើង ។
ជនមួយក្រុម បានឃុបឃិតគ្នា បើករថយន្តកុងតឺន័រមួយគ្រឿងម៉ាកនីស្សាន់ ពាក់ស្លាកេលខភ្នំពេញ៣A-៧៥២២ ជាកម្មសិទ្ធិរបស់ក្រុមហ៊ុនសុខ កន ដឹកសម្ភាររបស់ក្រុមហ៊ុនធីរ៉ាយ ធ្វើដំណើរពីភ្នំពេញមកខេត្តព្រះសីហនុ លុះពេលមកដល់ចំណុចខាងលើ អ្នកបើកបរដែលមានការឃុបឃិតជាមួយបក្សពួកជាច្រើននាក់បានបើករថយន្តចុះទៅខាងស្តាំដៃ ចូលទៅចំណុចខាងលើ ហើយធ្វើការវះកាត់កុងតឺន័រយកសម្ភារ ។ ករណីនេះ កម្លាំងជំនាញនៃស្នងការដ្ឋាននគរបាលខេត្តព័ទ្ធចាប់ជនសង្ស័យបានចំនួន៣នាក់ និងវត្ថុតាងរថយន្តចំនួន៤គ្រឿងរួមទាំងរថយន្តកុងតឺន័រផង ។ ជនសង្ស័យទាំងបីនាក់រួមមាន ១-ឈ្មោះសុខ ជាតិ ភេទប្រុស អាយុ៣៦ឆ្នាំ ២-ឈ្មោះឌី សុខណា ភេទប្រុស អាយុ២៤ឆ្នាំ និង៣-ឈ្មោះលី បូ៉លីន ភេទប្រុស អាយុ២៣ឆ្នាំ ។ ជនទាំង៣នាក់នេះមានទីលំនៅក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ ឯរថយន្តទាំង៤គ្រឿងដែលត្រូវសមត្ថកិច្ចចាប់ឃាត់ក្នុងប្រតិបត្តិការនេះមាន ១-រថយន្តកុងតឺន័រ (ដឹកសម្ភារ) ម៉ាកនីស្សាន់ ពាក់ស្លាកលេខភ្នំពេញ៣A-៧៥២២ ។
២-រថយន្តតូយ៉ូតា កូរូ៉ឡា ពណ៌ស ពាក់ស្លាកលេខភ្នំពេញ២A-០៥២៧ ។ ៣-រថយន្តតូយ៉ូតាប្រេវី ពណ៌ឈាមជ្រូក ពាក់ស្លាកលេខភ្នំពេញ២B-៥០៩២ ។ ៤-រថយន្តតូយ៉ូតាកាមរីគូទស្វិត ពណ៌ស ពាក់ស្លាកលេខ ឆ៣៣៩៤ ភព ២ រួមទាំងសម្ភារមួយចំនួនទៀត ជាឧបករណ៍សម្រាប់ធ្វើសកម្មភាពល្មើស ។ ជនសង្ស័យត្រូវកម្លាំងជំនាញនាំខ្លួនទៅកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់ រួមជាមួយវត្ថុតាងដែលដកហូត ។
នេះជាករណីប្លន់រថយន្តកុងតឺន័រលើកទី២ ហើយក្នុងខែកុម្ភៈនេះ ដែលលើកទី១ កាលពីថ្ងៃទី៦ កុម្ភៈ ករណីប្លន់រថយន្តកុងតឺន័រ បង្កឡើងដោយក្រុមចោរមានគ្នា៤ទៅ៥នាក់ បានចាប់អ្នកបើកបរចងរួចបើករថយន្តចុះតាមផ្លូវលំ ដើម្បីវះកុងតឺន័រយកសម្ភារ ហើយត្រូវបង្ក្រាបដោយសមត្ថកិច្ចកងរាជអាវុធហត្ថស្នាក់ការ៤០១ និង៤០២ និងកងរាជអាវុធហត្ថខេត្ត ដោយចាប់ខ្លួនបានម្នាក់និងរឹងអូសបានរថយន្តកាមរី២គ្រឿង និងម៉ាស៊ីនភ្លើងសម្រាប់បញ្ឆេះប្រើអេឡិចត្រូនិកវះកាត់កុងតឺន័រ ។ ចំណែកលើកទី២ នេះ គឺជាការឃុបឃិតរវាងអ្នកបើកបរ និងបក្សពួក ៕
ចែករំលែកព័តមាននេះ