រាជធានីភ្នំពេញ ៖ កម្មវិធីប្រកួតប្រដាល់ដណ្តើមខ្សែក្រវាត់កំពូលអ្នកប្រយុទ្ធគុនខ្មែរវគ្គ២ នៅលើសង្វៀន CTN មកដល់ថ្ងៃអាទិត្យ ទី១៦ កុម្ភៈ ខាងមុខនេះកាន់តែខិតចូលដល់ទីបញ្ចប់ហើយ ។ ការប្រកួតដណ្តើមខ្សែក្រវាត់នៅសប្តាហ៍នេះមានកីឡាករចំនួន៥គូដូចធម្មតា ក្នុងនោះមាន១គូជាគូកិត្តិយស ។
រាជធានីភ្នំពេញ ៖ កម្មវិធីប្រកួតប្រដាល់ដណ្តើមខ្សែក្រវាត់កំពូលអ្នកប្រយុទ្ធគុនខ្មែរវគ្គ២ នៅលើសង្វៀន CTN មកដល់ថ្ងៃអាទិត្យ ទី១៦ កុម្ភៈ ខាងមុខនេះកាន់តែខិតចូលដល់ទីបញ្ចប់ហើយ ។ ការប្រកួតដណ្តើមខ្សែក្រវាត់នៅសប្តាហ៍នេះមានកីឡាករចំនួន៥គូដូចធម្មតា ក្នុងនោះមាន១គូជាគូកិត្តិយស ។
ការប្រកួតក្នុងប្រភេទទម្ងន់៦៥គីឡូក្រាមមានតែ១គូបុ៉ណ្ណោះ គឺ ឆៃ សារ៉ា មកពីមជ្ឈមណ្ឌលកីឡានៃកងយោធពលខេមរភូមិន្ទ ជួបប្រកួតជាមួយ ថៃ រិទ្ធី មកពីក្លិបនាគរាជគុនខ្មែរ។ រវាងគូនេះប្រកួតបាន៤លើកម្នាក់រួចមកហើយ ហើយជាលទ្ធផល ឆៃ សារ៉ា ឈ្នះ២លើក ចាញ់២លើក ចំណែកឯ ថៃ រិទ្ធី ឈ្នះ៣លើក ចាញ់១លើក ។ ដូច្នេះពួកគេនៅមានផ្លូវអ៊ុតដូចគ្នា ជាពិសេសអ្នកដែលទទួលបានជ័យជម្នះលើកនេះ ទោះបីយ៉ាងណា ថៃ រិទ្ធី មានសង្ឃឹមច្រើនជាងក្នុងការគេចផុតពីវគ្គប្រកួតជម្រុះវិលជុំលើកនេះ ដោយសារគេឈ្នះ៣លើករួចមកហើយ និងមានតម្រុយឈ្នះលើកនេះទៀតផង ។ ការប្រកួតក្នុងប្រភេទទម្ងន់៦០គីឡូក្រាមដែលមានចំនួន២គូនោះគឺ ចាន់ សំអាង មកពីក្លិបកងពលធំអន្តរាគមន៍លេខ៣ ព្រះវិហារ ជួបជាមួយ ផន ភឿត មកពីក្លិបឃ្លាំងមឿងកីឡាខេត្តពោធិ៍សាត់ និង ជឹម ចិត្រា មកពីក្លិបខេត្តកំពង់ឆ្នាំង ជួបជាមួយ ព្រីង ដារិន មកពីក្លិបខេត្តបាត់ដំបង ។ ចាន់ សំអាង និង ផន ភឿត លទ្ធផល៤ប្រកួតកន្លងមកមិនដូចគ្នាទេ ដោយ ចាន់ សំអាង ឈ្នះ២ប្រកួត ចាញ់២ប្រកួត រីឯ ផន ភឿត ឈ្នះទាំង៤ប្រកួតជាប់គ្នាតែម្តង ។ ចាន់ សំអាង បើសិនជាឈ្នះការប្រកួតលើកនេះទៀតអាចនៅមានផ្លូវអ៊ុតខ្លះ បុ៉ន្តែបើសិនជាចាញ់វិញនៅមិនទាន់ដឹងថាយ៉ាងណានោះទេ ។ ចំណែកឯ ផន ភឿត វិញនោះមិនបារម្ភពីការចាញ់-ឈ្នះឡើយ ព្រោះជ័យជម្នះទាំង៤លើករបស់គេ គឺល្មមគ្រប់គ្រាន់អាចឱ្យរូបគេឡើងទៅកាន់កៅអីវគ្គ១/២ ផ្តាច់ព្រ័ត្របានហើយ ។
ដោយឡែក ជឹម ចិត្រា និង ព្រីង ដារិន វិញ លទ្ធផល៤ប្រកួតកន្លងមកមិនដូចគ្នាទេដោយ ជឹម ចិត្រា មិនទាន់ស្គាល់ចាញ់ម្តងណាឡើយ ដូច្នេះលើកនេះទោះចាញ់ឬឈ្នះ ក៏គេមិនខ្វល់នោះដែរ ។ ឯ ព្រីង ដារិន ឈ្នះ២ប្រកួត ចាញ់២ប្រកួត ដូច្នេះវាសនារបស់គេត្រូវមើលលើលទ្ធផលប្រកួតលើកនេះ ។ ការប្រកួតក្នុងប្រភេទទម្ងន់៥៧គីឡូក្រាមដែលមានតែ១គូនោះគឺ ខុន ឆៃយ៉ាន់ មកពីក្លិបកងពលធំអន្តរាគមន៍លេខ៣ ព្រះវិហារ ជួបជាមួយ មុ៉ន វណ្ណា មកពីក្លិបឃ្លាំងមឿងកីឡា ខេត្តពោធិ៍សាត់ ។ រវាងគូនេះប្រកួតបាន៤លើកដូចគ្នា ក្នុងនោះ ខុន ឆៃយ៉ាន់ ឈ្នះ៣លើក ចាញ់១លើក ហើយបើសិនជាលើកនេះគេឈ្នះទៀតនោះ នឹងអាចគេចផុតពីវគ្គជម្រុះនេះបានហើយ។ ចំណែកឯ មុ៉ន វណ្ណា ដែលឈ្នះទាំង៤លើកនោះ គេមិនបារម្ភពីការចាញ់ ឈ្នះនោះឡើយ ។
ក្រៅពីគូដណ្តើមខ្សែក្រវាត់ នៅគូប្រកួតមិត្តភាពមួយគូទៀតដែលជាការជួបគ្នារវាង ប្រាក់ ចាន់ស៊ីន មកពីក្លិបមិត្តប៉ូលិស និង វ៉ន សាវី មកពីក្លិបឃ្លាំងមឿងកីឡាខេត្តពោធិ៍សាត់ ៕
ចែករំលែកព័តមាននេះ