ខេត្តបន្ទាយមានជ័យ ៖ ផ្លូវតាមបន្ទាត់ព្រំដែនដែលតភ្ជាប់ពីក្រុងប៉ោយប៉ែតទៅស្រុកម៉ាឡៃប្រវែងជាង២០០០ម៉ែត្រដែលរងការខូចខាតរាប់ឆ្នាំត្រូវបានកសាងឡើងវិញជាអំណោយសម្តេចតេជោ ហ៊ុន សែន ដែលត្រូវបានបើកការដ្ឋានកសាងនៅថ្ងៃទី០៥ ខែសីហា ឆ្នាំ២០១៩ នៅសង្កាត់ផ្សារកណ្តាល ក្រុងប៉ោយប៉ែត…
ខេត្តបន្ទាយមានជ័យ ៖ ផ្លូវតាមបន្ទាត់ព្រំដែនដែលតភ្ជាប់ពីក្រុងប៉ោយប៉ែតទៅស្រុកម៉ាឡៃប្រវែងជាង២០០០ម៉ែត្រដែលរងការខូចខាតរាប់ឆ្នាំត្រូវបានកសាងឡើងវិញជាអំណោយសម្តេចតេជោ ហ៊ុន សែន ដែលត្រូវបានបើកការដ្ឋានកសាងនៅថ្ងៃទី០៥ ខែសីហា ឆ្នាំ២០១៩ នៅសង្កាត់ផ្សារកណ្តាល ក្រុងប៉ោយប៉ែត ។
លោក លីវ សុផាណ្ណារើន បានប្រាប់ថា ផ្លូវ១ខ្សែប្រវែងប្រមាណជាង២០០០ម៉ែត្រដែលតភ្ជាប់ពីក្រុងប៉ោយប៉ែតទៅស្រុកម៉ាឡៃក្បែរបន្ទាត់ព្រំដែននេះរងការខូចខាតរាប់ឆ្នាំមកហើយដែលបណ្តាលអោយបងប្អូនប្រជាពលរដ្ឋជួបការលំបាកទៅមកប្រកបមុខរបបចិញ្ចឹមជីវិត និងកម្លាំងដែលឈជើងតាមបន្ទាត់ព្រំដែនធ្វើដំណើរឆ្លងកាត់ទៅមក ។
លោក លីវ សុភក្ត្រា បានបញ្ជាក់ថា ដោយឃើញពីការលំរបស់បងប្អូនប្រជាពលរដ្ឋសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន និងបុត្រា បុត្រី បានជួយកសាងផ្លូវ១ខ្សែប្រវែងជាង២០០០ម៉ែត្រនេះឡើងវិញ ។
លោក ម៉ែន សុភ័ណ អភិបាលរងក្រុងប៉ោយប៉ែត និងប្រជាពលរដ្ឋសូមថ្លែងអំណគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោ ហ៊ុន សែន សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន និងបុត្រា បុត្រី ដែលបានជួយកសាងផ្លូវ១ខ្សែប្រវែងជាង២០០០ម៉ែត្រដើម្បីសម្រួលដល់បងប្អូនប្រជាពលរដ្ឋដែលរស់នៅតាមបន្ទាត់ព្រំដែនដឹកកសិផល និងទៅមកប្រកបមុខរបរសម្រាប់ក្រុមគ្រួសារ ៕
កែសម្រួលដោយ ៖ សំណាង
ចែករំលែកព័តមាននេះ