១-ប៉ូលិសរាំក្បាច់ម៉ៃឃើល ជែកសុន
លោកតូនី លីប៉ូល ប៉ូលិសចរាចរចូលនិវត្តន៍ជនជាតិអង់គ្លេស បានបង្ហាញក្បាច់រាំតាមលំនាំលោកម៉ៃឃើល ជែកសុន នៅកណ្តាលផ្លូវបំបែកវែស្មីនទ័រ ចក្រភពអង់គ្លេស ដោយចាត់ទុកថាជាផ្នែកមួយក្នុងការទាក់ទាញទស្សនិកជន ។
១-ប៉ូលិសរាំក្បាច់ម៉ៃឃើល ជែកសុន
លោកតូនី លីប៉ូល ប៉ូលិសចរាចរចូលនិវត្តន៍ជនជាតិអង់គ្លេស បានបង្ហាញក្បាច់រាំតាមលំនាំលោកម៉ៃឃើល ជែកសុន នៅកណ្តាលផ្លូវបំបែកវែស្មីនទ័រ ចក្រភពអង់គ្លេស ដោយចាត់ទុកថាជាផ្នែកមួយក្នុងការទាក់ទាញទស្សនិកជន ។
២-ប្រឆាំងនឹងទឹករលក
ការប្រកួតប្រឆាំងនឹងទឹករលកដ៏ធំនៅលើពិភពលោកធ្វើឡើងនៅភាគខាងជើងប្រទេសអេស្បា៉ញ ហើយជ័យជម្នះបានទៅលោកហ្គ្រេនបេហ្គើរ ជនជាតិអាមេរិក ។
៣-ទីប្រជុំជនគ្រិស្តសាសនានៅកូរ៉េខាងត្បូង
លោកតាសានតាក្លូស ស្តាប់ការរៀបរាប់ពីក្មេងតូចម្នាក់នៅក្នុងការសម្តែងលើវេទិកា នៅស្ថានទូតហ្វាំងឡង់ប្រចាំក្រុងសេអ៊ូល កូរ៉េខាងត្បូង ក្នុងពិធីបុណ្យគ្រីស្មាស ។ កូរ៉េខាងត្បូងជាប្រទេសមួយនៅអាស៊ីខាងកើតដោយមានគ្រឹស្តសាសនិកជនច្រើនបំផុត បន្ទាប់ពីហ្វ៊ីលីពីន គឺនិកាយប្រូតេស្តង់៨,៦លាននាក់ និងកាតូលិក៥,១លាននាក់ ។
៤-មិនវង្វេងផ្លូវ
ជារឿងដ៏សប្បាយរីករាយសម្រាប់អ្នកដំណើរ និងអ្នកបើកបរ ដែលប្រើ Ves ដើម្បីបង្ហាញផ្លូវដោយទទួលសញ្ញាពីផ្កាយរណប បញ្ជាក់ផ្លូវទីក្រុងតែលអាវីវ ប្រទែសអីុស្រាអែល ។ ការបង្ហាញផ្លូវនោះនៅលើអេក្រង់ស្មាតហ្វូន ដែលភ្ជាប់នៅខាងមុខកញ្ចក់រថយន្តសម្រាប់ងាយស្រួលក្នុងការបើកបរ ។
៥-ប្រកួតហែលទឹក
បុរសម្នាក់ស្ថិតក្នុងឈុតស្រឡាញ់ភេទដូចគ្នា បានលោតចូលទឹកចូលរួមប្រកួតហែលទឹកចម្ងាយ២០០ម៉ែត្រ ក្នុងកម្មវិធី«ហ្គោបា ណាដាល» ឬ គ្រីស្មាសខាប់ លើកទី១០៤ ក្នុងទីក្រុងបាសេឡូណា ប្រទេសអេស្ប៉ាញ កាលពីពេលថ្មីៗកន្លងទៅ ។
៦-ស្វាកំប្រុក មាត់ខ្មៅ ពីបូលីវី
ស្វាកំប្រុក មាត់ខ្មៅ មួយក្បាល ជាពូជសត្វបូលីវី បានទទួលរង្វាន់ក្នុងថ្ងៃបុណ្យគ្រីស្មាសជាផ្លែឈើ ពីបុគ្គលិកឧទ្យានសត្វ ទីក្រុងឡុង ជាមជ្ឈមណ្ឌលសត្វដ៏ចំណាស់បំផុតនៅលើពិភពលោកនៅចក្រភពអង់គ្លេស ដែលបើកតាំងពីឆ្នាំ១៩២៨កន្លងទៅ ។
៧-ខួប១២០ឆ្នាំលោកប្រធានម៉ៅ
កម្មករបានប្រើភ្លើងបញ្ចាំងលើរូបចម្លាក់សំរឹទ្ធិ លោកប្រធានម៉ៅ អតីតមេដឹកនាំចិន ដែលតាំងបង្ហាញនៅស្រុកកំណើតក្រុងសាវសា៊ន ខេត្តបូ៊ណាន ភាគខាងត្បូងប្រទេសចិន សម្រាប់ជាកិតិ្តយស ក្នុងគម្រប់ខួប១២០ឆ្នាំនៃការប្រសូតរបស់លោកប្រធានម៉ៅ និងនៅតែជានិមិត្តរូបដល់ប្រទេសចិន ក្នុងការដេើរតាមគន្លង កុម្មុយនីស្តអស់រយៈពេល៣៧ឆ្នាំ ចាប់តាំងពីមរណភាពរបស់មេបក្សកុម្មុយនីស្តរូបនេះមក ។
៨-ពិធីបុណ្យរបស់អ៊ិស្លាមនិកាយស៊ីអីុដ
អ្នកកាន់សាសនាអ៊ិស្លាមនិកាយស៊ីអីុដ បានប្រមូលផ្តុំគ្នានៅឯវិហារដ៏សក្តិសិទ្ធិមួយក្នុងក្រុងបាដាដ ប្រទេសអីុរ៉ាក់ នៅក្នុងពិធីបុណ្យ អាបាអីុន (Arbaeen) របស់មូស្លុីម ដើម្បីរំលឹកដល់លោកហ៊ូសេនប៊ីន អាលី ក្មួយរបស់វីរបុរសម៉ូហាមេ៉ដ ។
៩-ពន្លត់អគ្គិភ័យក្នុងរដូវទឹកកក
មន្ត្រីពន្លត់អគ្គិភ័យកាណាដា ត្រួតពិនិត្យគំនរបាក់បែកនៃមជ្ឈមណ្ឌលចាស់ជរា នៅក្នុងរដ្ឋគ្វីប៊េក ដែលត្រូវភ្លើងឆេះ ខណៈពេលមន្ត្រីជួយសង្គ្រោះបានប្រទះឃើញមានអ្នកស្លាប់៣នាក់ និង៣០នាក់ទៀតបាត់ខ្លួន ក្នុងដំណាក់កាលដំបូង ។
១០-ប្រឆាំងនឹងអំពើពុករលួយ
ក្រុមបាតុករអីុស្តង់ប៊ុល ប្រទេសតួកគី ដកថយ ខណៈពេលប៉ះទង្គិចជាមួយប៉ូលិស ក្នុងពេលតវ៉ាប្រឆាំងនឹងអំពើពុករលួយ និងទាមទារឱ្យលោកនាយករដ្ឋមន្ត្រីលាលែងពីតំណែង ៕
ចែករំលែកព័តមាននេះ