តាមកត់សម្គាល់…ឱ្យតែមានច្បាប់ «ហាម»…មិនដែលមានប្រសិទ្ធភាពទេ…«ហាម» ណាស់កាន់តែបំពានថែម…ទាល់តែលេងខ្លាំង…ទាល់តែចាប់ដាក់ «ខ្នោះ» ចាប់ដុតចោល…ទើបមានសភាពរាងចាល និងខ្លាចរអាខ្លះៗ ។ ជាក់ស្តែងណាស់…ច្បាប់ហាមកាប់ឈើ ដឹកឈើទៅស្រុកយួន…អ្នកមានប្រាក់ មានអំណាច…ទៅទិញទឹកចិត្តអ្នកក្រ…គិតតែពីកាប់ឈើទាំងយប់ទាំងថ្ងៃ…ដឹកចេញទៅស្រុកយួន…ទិញក្បាលមន្ត្រីមានអំណាចខ្លះឱ្យបិទភ្នែក…ធ្វើឱ្យច្បាប់ហាមនោះ…ក្លាយជា…
តាមកត់សម្គាល់…ឱ្យតែមានច្បាប់ «ហាម»…មិនដែលមានប្រសិទ្ធភាពទេ…«ហាម» ណាស់កាន់តែបំពាន
ថែម…ទាល់តែលេងខ្លាំង…ទាល់តែចាប់ដាក់ «ខ្នោះ» ចាប់ដុតចោល…ទើបមានសភាពរាងចាល និងខ្លាចរអាខ្លះៗ ។
ជាក់ស្តែងណាស់…ច្បាប់ហាមកាប់ឈើ ដឹកឈើទៅស្រុកយួន…អ្នកមានប្រាក់ មានអំណាច…ទៅទិញទឹកចិត្តអ្នកក្រ…គិតតែពីកាប់ឈើទាំងយប់ទាំងថ្ងៃ…ដឹកចេញទៅស្រុកយួន…ទិញក្បាលមន្ត្រីមានអំណាចខ្លះឱ្យបិទភ្នែក…ធ្វើឱ្យច្បាប់ហាមនោះ…ក្លាយជា «ក្រដាសអនាម័យ» ម្តងមកហើយ ។
ច្បាប់ហាមហើយហាមទៀត…មិនព្រមខ្លាចរអាទើបច្បាប់ប្រើមនុស្សខ្លាំង…ប្រើវិធានការកណ្តាប់ដៃដែក…ចាប់អ្នកប្រព្រឹត្តទាំងឡាយ…ចូលដេកគុកបន្តបន្ទា…មើលទៅឃើញរាង ។
រឿងមួយទៀត…ច្បាប់ហាមនាំជ្រូកចូល…ព្រោះជ្រូកស្រុកយួនកើតជំងឺប៉េស្តឆ្លងពីទ្វីបអាហ្វ្រិក…«ហាមណាស់» កាន់តែដឹកជញ្ជូនណាស់…ដឹកពេញៗឡាន…ដឹកតាមម៉ូតូហែដូចកឋិនតាមច្រកព្រំដែន ។
ទីបំផុត…ជំងឺប៉េស្តជ្រូកអាហ្វ្រិកឆ្លងចូលរាតត្បាត…ធ្វើឱ្យសាច់ជ្រូកក្នុងស្រុកលែងមានអ្នកទិញ…ធ្វើឱ្យអ្នកចិញ្ចឹមជ្រូកខកចិត្ត ព្រោះអត់មានអ្នកទិញ…ខាតបង់សេដ្ឋកិច្ចគ្រួសារស្ទើររលំរលាយអស់ ។
ឥឡូវនេះ…ច្បាប់ថ្មីចេញបន្ថែមទៀតហើយ…ហាមនាំជ្រូកចូល…ហាមតាំងពីជ្រូករស់…សាច់ជ្រូក និងផលិតផលមានកំណើតពីសាច់ជ្រូក ។ល ។
ចាំមើលទៀត…តើមានឈ្មួញ «ទិញបានក្បាល» មន្ត្រីពុករលួយតាមព្រំដែន…បានទៀតដែរឬអត់ ?
ប្រសិនបើចេញច្បាប់ហាមប៉ុណ្ណឹងហើយ…នៅតែមានចូលតាមព្រំដែនទៀត…ច្បាប់ដែលហាមថ្មីៗនេះ…សង្ស័យក្លាយជា «ក្រដាសអនាម័យ» ដូចមុនទៀតទេដឹង?…ប៉ុន្តែសូមមេត្តា «កុំក្រដាសអនាម័យ»…េហ ! េហ !
ចែករំលែកព័តមាននេះ