រាជធានីភ្នំពេញ ៖ ការប្រកួតបាល់ទាត់ Metfone Cambodian League 2014 កាលពីថ្ងៃទី៨ កុម្ភៈ ដែលមាន៤ប្រកួត និងលេងលើ២ទីលាននោះ សម្រាប់ការប្រកួតនៅពហុកីឡដា្ឋនជាតិអូឡាំពិកក្រុមចំណូលថ្មី Tri Asia Phnom Penh FC កាន់តែលេងបានល្អធ្វើឱ្យអ្នកគាំទ្រស្គាល់កាន់តែច្រើនឡើងៗ ដោយក្រុមមួយនេះបានយកឈ្នះ
រាជធានីភ្នំពេញ ៖ ការប្រកួតបាល់ទាត់ Metfone Cambodian League 2014 កាលពីថ្ងៃទី៨ កុម្ភៈ ដែលមាន៤ប្រកួត និងលេងលើ២ទីលាននោះ សម្រាប់ការប្រកួតនៅពហុកីឡដា្ឋនជាតិអូឡាំពិកក្រុមចំណូលថ្មី Tri Asia Phnom Penh FC កាន់តែលេងបានល្អធ្វើឱ្យអ្នកគាំទ្រស្គាល់កាន់តែច្រើនឡើងៗ ដោយក្រុមមួយនេះបានយកឈ្នះក្រុម Albirex Niigata Phnom Penh ក្នុងលទ្ធផល ៨ទល់១ ។
គ្រាប់បាល់ចំនួន៨គ្រាប់របស់ក្រុម Tri Asia រកបានដោយកីឡាករពាក់អាវលេខ៧ សុខ ច័ន្ទរស្មី ចំនួន២គ្រាប់នៅនាទីទី១៥ និងទី១៦ ។ កីឡាករពាក់អាវលេខ៤៤ គួច ដានី រកបាន៣គ្រាប់ម្នាក់ឯងនៅនាទីទី២៣, ៥៥ និង៨៣ ។ កីឡាករពាក់អាវលេខ៣២សួង វីរៈ រកបាន១គ្រាប់នៅនាទីទី១២ , កីឡាករ វី លីកា ពាក់អាវលេខ៣រកបាន១គ្រាប់នៅ នាទីទី២៤ និងមួយគ្រាប់ចុងក្រោយរកបានដោយកីឡាករពាក់អាវលេខ៥០ ជនជាតិជប៉ុនឈ្មោះ Kihara Masakazu នៅនាទីទី៦៣ ។ ចំណែកមួយគ្រាប់របស់ក្រុម Albirex Niigata រកបានដោយកីឡាករពាក់អាវលេខ៩ Kazuki Tatsuta នៅនាទីទី២០ ។ គិតមកដល់ពេលនេះក្រុម Tri Asia លេងបាន៣ប្រកួតឈ្នះ២ ប្រកួតស្មើ ១ប្រកួត មាន៧ពិន្ទុ ចំណែកក្រុម Albirex Niigata Phnom Penh ចាញ់ទាំង៣ប្រកួតមាន០ពិន្ទុ ។
មួយប្រកួតទៀតក្រុមខេត្តស្វាយរៀង ប្រកួតស្មើជាមួយក្រុមសាកលវិទ្យាល័យអាស៊ីអឺរ៉ុប០ទល់០ ។ ការប្រកួតរវាងក្រុមទាំង២ចាប់ពីតង់ទី១ រហូតដល់តង់ទី២មានសភាពស្វិតស្វាញខ្លាំងណាស់ ធ្វើឱ្យអ្នកគាំទ្រស្រែកហ៊ោកញ្ជ្រៀវយ៉ាងកងរំពងពេញកីឡដ្ឋានដោយក្រុមទាំង២មានឱកាសស៊ុតបាល់បញ្ចូលទីគ្នាទៅវិញទៅមកជាច្រើនលើកច្រើនសា ប៉ុន្តែគ្មានសំណាងរកបានគ្រាប់បាល់បានឡើយ ។ ក្រុមខេត្តស្វាយរៀងប្រកួតបាន២លើកឈ្នះ១ប្រកួត ស្មើ១ប្រកួត មាន៤ពិន្ទុ ចំណែកក្រុមសាកលវិទ្យាល័យអាស៊ីអឺរ៉ុបប្រកួតបាន៣លើក ស្មើ១ប្រកួត ចាញ់២ប្រកួត មាន១ពិន្ទុ ។
រីឯការប្រកួតនៅស្តាតចាស់វិញក្រុមចម្ការកៅស៊ូបឹងកេត លេងចាញ់ក្រុមអគ្គស្នងការដ្ឋាននគរបាលជាតិ ១ទល់២ ។ ក្រុមចម្ការកៅស៊ូបឹងកេត លេងបាន៣ប្រកួត ឈ្នះ១ ចាញ់២ប្រកួត មាន៣ពិន្ទុ ចំណែកក្រុមអគ្គស្នងការដ្ឋាននគរបាលជាតិ លេងបានបីប្រកួតដូចគ្នា ឈ្នះ២ប្រកួត ស្មើ១ប្រកួត មាន៧ពិន្ទុ ។
មួយប្រកួតទៀតក្រុមណាហ្គាខប លេងឈ្នះក្រុមបៀលប្រាយយូណាយធីត ក្នុងលទ្ធផល៥ទល់០ ។ ក្រុមណាហ្គាខប លេងបាន២ប្រកួតឈ្នះ១ប្រកួត ស្មើ១ប្រកួត មាន៤ពិន្ទុ រីឯក្រុមបៀលប្រាយយូណាយធីត លេងបាន៣ប្រកួត ស្មើ២ប្រកួត និងចាញ់១ប្រកួត មាន២ពិន្ទុ ៕
ចែករំលែកព័តមាននេះ