រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី០៦ កុម្ភៈ ២០១៤ បានឃុំខ្លួនសន្តិសុខឯកជនម្នាក់ដាក់ពន្ធនាគារជាបណ្តោះអាសន្ន ពីបទហិ.ង្សាដោយចេតនា (ប្រើដុំថ្មគប់ឆ្កែតែត្រូវម្ចាស់)។ ជនសង្ស័យឈ្មោះ ស៊ុន ប៊ុនស៊ី ភេទប្រុស អាយុ ២៨ឆ្នាំ មុខរបរជាសន្តិសុខឯកជន ស្នាក់នៅភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។
រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី០៦ កុម្ភៈ ២០១៤ បានឃុំខ្លួនសន្តិសុខឯកជនម្នាក់ដាក់ពន្ធនាគារជាបណ្តោះអាសន្ន ពីបទហិង្សាដោយចេតនា (ប្រើដុំថ្មគប់ឆ្កែតែត្រូវម្ចាស់)។ ជនសង្ស័យឈ្មោះ ស៊ុន ប៊ុនស៊ី ភេទប្រុស អាយុ ២៨ឆ្នាំ មុខរបរជាសន្តិសុខឯកជន ស្នាក់នៅភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។
អង្គហតុនាំឲ្យតុលាការឃុំខ្លួនសន្តិសុខខាងលើនេះ នៅសាលាដំបូងនាល្ងាចថ្ងៃទី០៦ កុម្ភៈ មានបើកសវនាការជម្រះផ្ទាល់ករណីសន្តិសុខប្រើដុំថ្មគប់ឆ្កែតែត្រូវម្ចាស់។ អង្គសវនាការត្រូវបានគេដឹងថា កាលពីវេលាម៉ោង ១ រសៀលថ្ងៃទី០៤ កុម្ភៈ លោក លី កុកហេង អាយុ ៣៦ឆ្នាំ ជាថៅកែរោងចក្រហ្គោស៊ឹងហ្គាមិន មានទីលំនៅភូមិទួលសង្កែ សង្កាត់ទួលសង្កែ ខណ្ឌឬស្សីកែវ បាននិងកំពុងដើរមើលការងារក្នុងរោងចក្រ ពេលនោះ ស្រាប់តែឈ្មោះ ស៊ុន ប៊ុនស៊ី បានគប់ដុំថ្មចោលត្រូវដើមទ្រូងថៅកែរោងចក្រ បណ្តាលឲ្យរងរបួសជាទម្ងន់ ហើយត្រូវបានបញ្ជួនទៅព្យាបាលនៅមន្ទីរពេទ្យ។
ក្រោយពីហេតុការណ៍នោះ បានកើតឡើង ជនរងគ្រោះបានប្តឹងសមត្ថកិច្ចកងរាជអាវុធហត្ថខណ្ឌឲ្យឃាត់ខ្លួន ជនសង្ស័យ និងបញ្ជួនទៅកាន់ការិយាល័យស្រាវជ្រាវបទល្មើលព្រហ្មទណ្ឌកងរាជអាវុធហត្ថរាជធានីភ្នំពេញ ទើបបានកសាងសំណុំរឿងបញ្ជួនបន្តទៅកាន់សាលាដំបូងរាជធានីភ្នំពេញ ដោយចោទប្រកាន់សន្តិសុខរូបនោះថា បានប្រើអំពើហិង្សាដោយចេតនា។
ក្នុងសវនាការជនសង្ស័យបានឆ្លើយចំពោះមុខចៅក្រមជំនុំជម្រះថា ខ្លួនមិនមានបំណងគប់ដុំថ្មទៅលើថៅកែនោះទេ គឺខ្លួនចោលឆ្កែខឹងវាព្រូសពេក ប៉ុន្តែ ដុំថ្មមិនត្រូវឆ្កែបែរជាត្រូវថៅកែវិញ។ ទោះជាយ៉ាងណា ជនសង្ស័យត្រូវបានអង្គសវនាការជម្រះផ្ទាល់នោះ សម្រេចឃុំខ្លួនដាក់ពន្ធនាគារជាបណ្តោះអាសន្នរង់ចាំបើកការស៊ើបអង្កេត និងឈានទៅដល់សវនាការលើអង្គសេចក្តី៕
ចែករំលែកព័តមាននេះ