ខេត្តព្រៃវែង ៖ ស្ត្រីម្នាក់ឈឺពោះសម្រាលកូនអស់រយៈពេល៤ថ្ងៃកន្លះ ទើបក្រុមគ្រួសារនាំទៅកាន់មន្ទីរពេទ្យ ហើយគ្រូពេទ្យក៏បានប្រឹងប្រែងអស់លទ្ធភាពទើបស្រោចស្រង់ជីវិតទារកក្នុងផ្ទៃម្តាយបាន តែគួរឱ្យសោកស្តាយមិនអាចជួយជីវិតម្តាយបានតែយឺតពេល ដោយសារទុកយូរពេកទើបយកមកមន្ទីរពេទ្យ ។
ខេត្តព្រៃវែង ៖ ស្ត្រីម្នាក់ឈឺពោះសម្រាលកូនអស់រយៈពេល៤ថ្ងៃកន្លះ ទើបក្រុមគ្រួសារនាំទៅកាន់មន្ទីរពេទ្យ ហើយគ្រូពេទ្យក៏បានប្រឹងប្រែងអស់លទ្ធភាពទើបស្រោចស្រង់ជីវិតទារកក្នុងផ្ទៃម្តាយបាន តែគួរឱ្យសោកស្តាយមិនអាចជួយជីវិតម្តាយបានតែយឺតពេល ដោយសារទុកយូរពេកទើបយកមកមន្ទីរពេទ្យ ។
បុរសជាប្តីឈ្មោះ ឡុង សាវឿន អាយុ២៤ឆ្នាំ អង្គុយក្បែរសពប្រពន្ធឈ្មោះ ជឿន ណារី អាយុ១៩ឆ្នាំ បានរៀបរាប់ទាំងទឹកភ្នែកថា ព្រោះតែគ្មានប្រាក់ទើបបណ្តាលឱ្យប្រពន្ធស្លាប់ទាំងការឈឺចាប់ ។ ប្រពន្ធគាត់ឈឺពោះតិចៗអស់រយៈពេល៤ថ្ងៃកន្លះ គឺឈឺបាត់ៗ លុះចូលដល់ថ្ងៃទី៥ គឺថ្ងៃទី៣ កុម្ភៈ ទើបឈឺខ្លាំង ហើយគាត់ក៏សម្រេចចិត្តនាំប្រពន្ធទៅមន្ទីរពេទ្យបង្អែកអ្នកលឿង គ្រូពេទ្យឱ្យបង់សេវា៦០.០០០រៀល ។ នៅទីនោះក្រុមគ្រូពេទ្យប្រឹងអស់លទ្ធភាពទើបប្រពន្ធរបស់គាត់សម្រាលបានកូនស្រី១ មានទម្ងន់៣គីឡូក្រាម២ខាំ សម្រាលនៅវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី៤ កុម្ភៈ ។ បុរសជាប្តីរៀបរាប់ទៀតថា លុះនៅវេលាម៉ោង៣ទៀបភ្លឺ ស្រាប់តែប្រពន្ធរបស់គាត់មានសភាពដុនដាបខ្លាំង ដោយសារធ្លាក់ឈាមច្រើនពេក ដែលឃើញសភាពដូចនេះគ្រូពេទ្យនៅមន្ទីរពេទ្យបង្អែកអ្នកលឿង សម្រេចបញ្ជូនប្រពន្ធគាត់ទៅមន្ទីរពេទ្យខេត្តស្វាយរៀង ។ ពេលទៅដល់ក្រុមគ្រូពេទ្យប្រាប់ថា ពុំមានលទ្ធភាពជួយបានទេ ព្រោះទុកយូរពេកធ្លាក់ឈាមឡើងខ្សោះអស់ពីខ្លួន ហើយមិនអាចជួយបាន ។ ប្រពន្ធរបស់គាត់បានស្លាប់នៅវេលាម៉ោង៩ព្រឹក ថ្ងៃទី៤ កុម្ភៈ និងបាននាំមកលំនៅឋាននៅផ្ទះសហគមន៍ក្នុងភូមិII ឃុំព្រែកខ្សាយ «ខ» ស្រុកពាមរក៍ ដើម្បីធ្វើបុណ្យតាមប្រពៃណី ។
បុរសជាប្តីបានអំពាវនាវដល់សប្បុរសជនមេត្តាជួយផ្តល់ជាថវិកាដល់គាត់ផង ដើម្បីយកមកធ្វើបុណ្យឱ្យប្រពន្ធ និងទិញទឹកដោះគោឱ្យកូនបៅ ព្រោះគាត់គ្មានលទ្ធភាពទេ រាល់ថ្ងៃប្រកបរបររត់កង់ឌុបរក១ថ្ងៃសម្រាប់តែ១ថ្ងៃប៉ុណ្ណោះ៕
ចែករំលែកព័តមាននេះ