ខេត្តបាត់ដំបង ៖ លោកគោ ស៊ុំសារឿត អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីក្នុងពិធីប្រគល់ប័ណ្ណកម្មសិទ្ធិដីធ្លីជូនប្រជាពលរដ្ឋចំនួន១.០២៣គ្រួសារ ដែលមកពី៥ភូមិ ក្នុងឃុំជប់វារី និងឃុំទានកាំ ស្រុកព្រះនេត្រព្រះ កាលពីព្រឹកថ្ងៃទី០៦ កុម្ភៈ ២០១៤ នេះ ស្ថិតនៅសាលាស្រុកព្រះនេត្រព្រះ ។
ខេត្តបាត់ដំបង ៖ លោកគោ ស៊ុំសារឿត អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីក្នុងពិធីប្រគល់ប័ណ្ណកម្មសិទ្ធិដីធ្លីជូនប្រជាពលរដ្ឋចំនួន១.០២៣គ្រួសារ ដែលមកពី៥ភូមិ ក្នុងឃុំជប់វារី និងឃុំទានកាំ ស្រុកព្រះនេត្រព្រះ កាលពីព្រឹកថ្ងៃទី០៦ កុម្ភៈ ២០១៤ នេះ ស្ថិតនៅសាលាស្រុកព្រះនេត្រព្រះ ។
ក្នុងឱកាសនោះ លោកគោ ស៊ុំសារឿត បានថ្លែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីររៀបចំ ដែនដីនគរូបនីយកម្មសំណង់ និងសុរិយោដីខេត្ត ក្រុមមន្ត្រីបច្ចេកទេស អាជ្ញាធរដែនដី និងស្ថាប័ន មន្ទីរពាក់ព័ន្ធ ពិសេសយុវជនស្ម័គ្រចិត្តសម្តេចហ៊ុន សែន ដែលបានយកអស់កម្លាំងកាយចិត្ត អនុវត្តតួនាទី និងភារកិច្ចរបស់ខ្លួនក្នុងយុទ្ធនាការចុះវាស់វែងដីធ្លីតាមនីតិវិធី នយោបាយចាស់ សកម្មភាពថ្មីលើវិស័យដីធ្លីដើម្បីផ្តល់ប័ណ្ណកម្មសិទ្ធិជូនប្រជាពលរដ្ឋប្រកបដោយជោគជ័យក្នុងរយៈពេលកន្លងមក។
លោកលី សារី ប្រធានមន្ទីររៀបចំដែនដីនគរូបនីយកម្មសំណង់ និងសុរិយោដីខេត្តបានបញ្ជាក់ថា ប្រជាពលរដ្ឋដែលត្រូវបានប្រគល់ប័ណ្ណកម្មសិទ្ធិដីធ្លីនាពេលនេះ មានចំនួន៥ភូមិ គឺភូមិជ្រាប់ចាស់, ភូមិជ្រាប់ថ្មី និងភូមិប្រដាកក្នុងឃុំជប់វារី ឃុំទានកាំមានភូមិទានកាំលិច និងទានកាំត្បូង ក្នុង៥ភូមិនេះមានក្បាលដីសរុប១.៤៩០ក្បាលដី មានផ្ទៃដីសរុបចំនួន២៧៧៩.៥១ហិកតា ក្នុងនោះក្បាលដីដែលអាចចេញប័ណ្ណបាននឹងត្រូវបែងចែកជូនប្រជាពលរដ្ឋចំនួន១.៣៥៣ប័ណ្ណ ទំហំស្មើនឹង២៦៥៦.៨៨ហិកតា និងចំនួនប្រជាពលរដ្ឋចំនួន១.០២៣គ្រួសារ ។
ចែករំលែកព័តមាននេះ