ខេត្តបន្ទាយមានជ័យ ៖ លោក រដ្ឋ ដាស៊ីណង់ អភិបាលរងស្រុកមង្គលបូរី កាលពីរសៀលថ្ងៃទី០៤ កុម្ភៈ ២០១៤ បានដឹកនាំមន្ត្រី និងកងកម្លាំងក្រោមឱវាត ចុះពិនិត្យស្ថានភាពទឹក ដែលប្រជាកសិករបូមដាក់ស្រូវប្រាំង នៅឃុំស្រះរាំង ស្រុកមង្គលបូរី។
ខេត្តបន្ទាយមានជ័យ ៖ លោក រដ្ឋ ដាស៊ីណង់ អភិបាលរងស្រុកមង្គលបូរី កាលពីរសៀលថ្ងៃទី០៤ កុម្ភៈ ២០១៤ បានដឹកនាំមន្ត្រី និងកងកម្លាំងក្រោមឱវាត ចុះពិនិត្យស្ថានភាពទឹក ដែលប្រជាកសិករបូមដាក់ស្រូវប្រាំង នៅឃុំស្រះរាំង ស្រុកមង្គលបូរី។
លោក រដ្ឋ ដាស៊ីណង់ បានប្រាប់ឲ្យដឹងថា នៅស្រុកមង្គលបូរី មានចំនួន ១៣ឃុំ ដែលប្រជាកសិករនាំគ្នាធ្វើស្រូវប្រាំងជិត ១ម៉ឺនហិកតា ហើយនៅឆ្នាំនេះ ប្រជាកសិករធ្វើស្រែជួបការលំបាក ព្រោះស្រូវប្រឈមខ្វះខាតទឹកបូមបញ្ជូលស្រូវមាន ៣ឃុំ ដូចជា ឃុំស្រះរាំង ឃុំតាឡំ និងឃុំគោកបល្ល័ង្គ មានប្រមាណជិត ២,០០០ហិកតា រហូតមានការទាស់ទែងគ្នា ព្រោះរឿងដណ្តើមគ្នាបូមទឹកដាក់ស្រូវប្រាំង។
លោកបានបន្តថា ក្រោយពេលដែលប្រជាកសិករ ៣ឃុំ ប្រឈមខ្វះខាតទឹក អាជ្ញាធរស្រុក រួមជាមួយមន្ទីរជំនាញ បានស្នើសុំដល់អាជ្ញាធរស្រុកបវិល ខេត្តបាត់ដំបង ដើម្បីបើកទ្វារទឹកសំណង់ព្រៃខ្ពស់ ចំនួន ២ទ្វារទឹក នៅថ្ងៃទី២៩ មករា ២០១៤ និងបានផ្តល់ទឹកដល់ឃុំស្រះរាំង និងឃុំតាឡុំ បូមបញ្ចូលស្រែបានរយៈពេល ២ ទៅ ៣ថ្ងៃ មកហើយ ប៉ុន្តែ នៅឃុំគោកបល្ល័ង្គ មិនទាន់ទៅដល់នៅឡើយទេ៕
ចែករំលែកព័តមាននេះ