ប្រភពពីបរទេសនាពេលថ្មីៗនេះបានបង្ហាញនូវការភ្ញាក់ផ្អើលមួយ ខណៈដែលក្មេងស្រីជនជាតិចិនម្នាក់មានឈ្មោះថា Wei Caiqi អាយុ១៥ឆ្នាំ មានទេពកោសល្យដ៏អស្ចារ្យបំផុត ពោលគឺអាចរាំបង្វិលខ្លួននៅលើឆាកក្នុងរយៈពេល៤ម៉ោង ដោយគ្មានឈប់សម្រាក និងគ្មានអាការៈវិលមុខបន្តិចសោះឡើយ ។ សកម្មភាពសម្តែងរបស់នាង Wei ពិតជាទទួលបានការគាំទ្រ និងការកោតសរសើរយ៉ាង
ប្រភពពីបរទេសនាពេលថ្មីៗនេះបានបង្ហាញនូវការភ្ញាក់ផ្អើលមួយ ខណៈដែលក្មេងស្រីជនជាតិចិនម្នាក់មានឈ្មោះថា Wei Caiqi អាយុ១៥ឆ្នាំ មានទេពកោសល្យដ៏អស្ចារ្យបំផុត ពោលគឺអាចរាំបង្វិលខ្លួននៅលើឆាកក្នុងរយៈពេល៤ម៉ោង ដោយគ្មានឈប់សម្រាក និងគ្មានអាការៈវិលមុខបន្តិចសោះឡើយ ។ សកម្មភាពសម្តែងរបស់នាង Wei ពិតជាទទួលបានការគាំទ្រ និងការកោតសរសើរយ៉ាងខ្លាំងពីសំណាក់មហាជនដែលកំពុងតែមើលការសម្តែងដោយផ្ទាល់នោះ ។ ជាពិសេស វីដេអូសកម្មភាពរាំរបស់នាង Wei ត្រូវបានបង្ហោះនៅលើបណ្តាញហ្វេសប៊ុក គឺរឹតតែទទួលបានការចាប់អារម្មណ៍យ៉ាងច្រើនពីសំណាក់អ្នកនិយមលេងហ្វេសប៊ុក ។
ប្រភពដដែលបានបន្ថែមទៀតថា «នាង Wei បានចូលរួមសម្តែងជាផ្លូវការជាលើកដំបូងនៅក្នុងឱកាសបុណ្យចូលឆ្នាំចិន ឆ្នាំ២០១៤ ដែលស្ថិតនៅក្នុងរោងមហោស្រពមួយកន្លែង ។ ក្នុងឱកាសបុណ្យប្រពៃណីចិន នាងបានរាំរបាំមួយដែលទាមទារឱ្យអ្នករាំបង្វិលខ្លួនជាច្រើនជុំ ដោយគ្រាន់តែអ្នករាំខ្លះចំណាយពេលតែមួយម៉ោងប៉ុណ្ណោះ ក៏អាចធ្វើការរាំងបញ្ចប់បានដែរ ។ ចំណែកនាង Wei ចង់បញ្ចេញសមត្ថភាពដ៏អស្ចារ្យរបស់នាងក្នុងគោលបំណងទាក់ទាញចំណាប់អារម្មណ៍របស់ទស្សនិកជន ដូច្នេះនាងក៏ខំប្រឹងរាំរហូតដល់ទៅ៤ម៉ោង ទើបបញ្ចប់ការរាំប្រកបដោយភាពជោគជ័យ ។ ជាងនេះទៅទៀត គឺចង់ក្លាយជាអ្នករបាំវ័យក្មេងដ៏អស្ចារ្យប្រចាំប្រទេសចិន និងនៅលើពិភពលោក» ។
សូមបញ្ជាក់ថា នាង Wei គឺជាក្មួយស្រីរបស់អ្នករបាំដែលមានកេរ្តិ៍ល្បីល្បាញម្នាក់នៅក្នុងប្រទេសចិនឈ្មោះថា Yang Liping ។ ហេតុនេះហើយ ទើបនាង Wei មានមហ្ឆិចតាខ្ពស់ ពោលគឺចង់ក្លាយជាអ្នករបាំម្នាក់ដែលពោរពេញទៅដោយកេរ្តិ៍ឈ្មោះល្បីល្បាញជាងម្តាយមីងរបស់នាងទៅទៀត ទើបខិតខំរាំបង្វិលខ្លួនមិនឈប់ក្នុងរយៈ៤ម៉ោង ដោយពង្រឹងស្មារតីយ៉ាងរឹងមាំដោយគ្មានអាការៈវិលមុខបន្តិចសោះឡើយ ៕
ចែករំលែកព័តមាននេះ