ខេត្តកំពង់ចាម ៖ សាកសពបុរសមិនស្គាល់អត្តសញ្ញាណមួយ អាយុចន្លោះពី ២០ ទៅ ៣០ឆ្នាំ ពាក់អាវយឺតដៃវែងពណ៌ក្រហមលាយស និងស្លៀកខោខូវប៊យជើងវែងពណ៌ខ្មៅ បានហើមអណ្តែតមកទើរត្រង់ចំណុចទួលខ្មោចទើរ ស្ថិតនៅភូមិទី១ ឃុំកោះសូទិន ស្រុកកោះសូទិន។ សពនេះ ត្រូវបានប្រជានេសាទប្រទះឃើញ កាលពីវេលាម៉ោង ៨ និង ៣០នាទី ព្រឹកថ្ងៃទី០៣ កុម្ភៈ ២០១៤
ខេត្តកំពង់ចាម ៖ សាកសពបុរសមិនស្គាល់អត្តសញ្ញាណមួយ អាយុចន្លោះពី ២០ ទៅ ៣០ឆ្នាំ ពាក់អាវយឺតដៃវែងពណ៌ក្រហមលាយស និងស្លៀកខោខូវប៊យជើងវែងពណ៌ខ្មៅ បានហើមអណ្តែតមកទើរត្រង់ចំណុចទួលខ្មោចទើរ ស្ថិតនៅភូមិទី១ ឃុំកោះសូទិន ស្រុកកោះសូទិន។ សពនេះ ត្រូវបានប្រជានេសាទប្រទះឃើញ កាលពីវេលាម៉ោង ៨ និង ៣០នាទី ព្រឹកថ្ងៃទី០៣ កុម្ភៈ ២០១៤ ហើយត្រូវបានកម្លាំងសមត្ថកិច្ចចុះទៅពិនិត្យសព មិនឃើញមានស្លាកស្នាមណាមួយលើរាងកាយនោះទ្បើយ ដោយសង្ស័យលោតធ្វើអត្តឃាតពីលើស្ពានគីហ្ស៊ូណា។
លោកវរសេនីយ៍ត្រី ម៉ា ចិន្តា អធិការនគរបាលស្រុកកោះសូទិន ប្រាប់ឲ្យដឹងថា ប្រជានេសាទបានជិះទូកចេញទៅរាយសន្ទូចចាប់យកត្រីនៅត្រង់ចំណុចទួលខ្មោចទើរ ក៏បានប្រទះឃើញសាកសពបុរសម្នាក់អណ្តែតមកទើរមាត់ច្រាំងទន្លេ រួចប្រញាប់រាយការណ៍ជូនរូបលោកជាបន្ទាន់ ក្រែងជាករណីមនុស្សឃាត។ លោកបន្តថា បន្ទាប់មកក៏បានចាត់ឲ្យកម្លាំងជំនាញព្រហ្មទណ្ឌស្រុក ចុះទៅជាបន្ទាន់ពិនិត្យសពដោយឆែកឃើញមាន កាបូបស្ពាយ១ ក្នុងនោះ មានទូរស័ព្ទដៃ ២គ្រឿង ត្រូវចូលទឹកខូច លុយម៉ាឡេ ២រីងហ្គីត លុយខ្មែរក្រដាស ៥០០រៀល ២សន្លឹក ចំណែកសពស្ថិតនៅចម្ងាយពីមាត់ច្រាំង ៣ម៉ែត្រ។
ជាមួយនោះ ចាប់ពីក្បាលដល់ចុងជើងសពមិនឃើញមានស្លាកស្នាមណាមួយនោះទេ មិនមានការពាក់ព័ន្ធនឹងឃាតកម្ម តាមការសន្និដ្ឋានស្លាប់រយៈ ៣ថ្ងៃ មកហើយ សង្ស័យតែលោតធ្វើអត្តឃាតពីលើស្ពានគីហ្ស៊ូណា ក្រុងកំពង់ចាម ដោយគ្មាននរណាម្នាក់ដឹង។ សពត្រូវបានកម្លាំងសមត្ថកិច្ចអូសឡើងដាក់នៅលើមាត់ច្រាំង។ បើតាមរយៈអ្នកកោះសូទិន មិនមានអ្នកណាបាត់សមាជិកក្រុមគ្រួសារទេ។
លោកវរសេនីយ៍ត្រី ម៉ា ចិន្តា បានបញ្ជាក់ថា រហូតមកដល់វេលាម៉ោង ៧យប់ ទៅហើយ សពនោះ នៅតែមិនទាន់ស្គាល់អត្តសញ្ញាណដដែល។ ដូច្នេះ រូបលោកសូមអំពាវនាវដល់បងប្អូនណា ដែលបានបាត់សមាជិកមានភិនភាគដូចខាងលើនេះ មេត្តាសូមទំនាក់ទំនងមកកាន់រូបលោកផ្ទាល់តែម្តង នឹងបានដឹងព័ត៌មានពិស្តារបន្ថែមទៀត៕
ចែករំលែកព័តមាននេះ